فزعتكم يابنات غرب الرياض .. السويدي , الشفا , البديعه

نوره · 08-12-2013, 05:20 AM

فزعتكم يابنات غرب الرياض .. السويدي , الشفا , البديعه

بسم الله الرحمن الرحيم
السلام عليكم ورحمة الله وبركاتة
عزيزاتي أعضاء شبكة حياة
فزعتكم يابنات غرب الرياض .. السويدي , الشفا , البديعه

السلام عليكم ورحمة الله وبركاته

الله يعافيكم يابنات .. أبغى فزعتكم وعارفه أنكم متعاونات ::d وماتقصرون

صديقتي تبغى تسجل في برنامج رياضي :9: لكن ماتعـرف مراكز حولهــــا
لأن توهم منتقلين للسكن في غرب الرياض ,, جديدين على هالمنطقة
و الأحياء المجاورة لهم : السويدي - الشفا – البديعة
وماتعرف أي شيء في هالمنطقة

وأنا مالي في هالمجال يعني :85: ماأقدر أفيدها

فأتمنى يابنات أنكم تفزعون .. أي وحده تعرف مراكز في هالأحياء تكتبها

وياليت إذا لك تجربة فيها أو لوحدة تعرفينها .. تعطينا فكرة عن تفاصيل التسجيل عندهم

هل استفـــادت ؟ هل أسعارهــم مناسبة ؟ هل تعاملهــم جيـــــد
هل هم مريحين ومكانهم مطمئن ؟ < وهذا أهم شيء

لأن فيه بعض المراكز الرياضية من أول ماتدخلينها تحسـِّـينها غير مريحه
مخيفه وأجواء مركزهم ماتريح .. بصراحه أكثر .. مثيره للشبهه

يعني .. ممكن يكون فيها بلاوي
مخدرات , تدخين , كاميرات مخفيه
عـــُــري في اللبس وشذوذ جنسي – والعياذ بالله

وقد يوقعون البنت في مصيبة أو جريمة أو قضية أخلاقية رغماً عنها

وكل شيء طبعاً من تحت لتحت .. يعني بالخفاء ماتكتشفينه إلا بعد فترة من تواجدك معهم

في جده .. أغلق مركزين للرياضة .. لقوا فيهم مصايب تدار في الخفاء
بس الحمدلله ربي كشفهم وفضح مستورهم
لأن كل خيـِّـنه عليها من الله بيــِّـنه .. لابد يجي يوم وينفضح أمرها

عشان كذا صعب الوحده تروح أي مركز بدون ماتسأل فأرجوا يابنات :68: أنكم تدلوننا على الأفضل

أنتظر ردودكم وتفاعلكم ,, مشكورات .....z

..
.........
..........................

الله يجزاكم خير يابنات ،، أبي تفاعل
لحد يدخل ويطلع بدون رد
على الأقل ارفعوا الموضوع ,, ردوا لو بكلمه

الله يرفع قدركن

فزعتكم يابنات غرب الرياض .. السويدي , الشفا , البديعه

مواضيع قد تعجبك:

منتديات شبكة حياة - صحة و رشاقة و رجيم وصفات رجيم و حميه Fitness and Diet