طريقة عمل الترمس اليوم جيبالكم مش اكلة ولا طبخة هو شئ من المقبلات او المسليات او التسالي زي الب او الفصفص او الفول السوداني هو الترمس http://www.hayah.cc/forum/hayahimgca...57897hayah.jpg بكسر التاء مش بضمها يعني مش الترمس الخاص بالشاي والقهوة واحنا عندنا بمصر الترمس من الاساسيات في الصيف والاعياد ياسلام علي الترمس وانت بتتمشي علي كرنيش النيل ولا كورنيش اسكندرية في الصيف باليمون والملح وفي الجنينة ياسلام روعة المهم اولا احنا بنشترية من عند العطار او من السوبر ماركت يعني انا شرياه من كارفور بيكون معبأ في اكياس الكيس حوالي كيلو بتلقية في منطقة التوابل او اسألي علية البائع اللي بيبع التوابل في السوبر ماركت وعلي فكرة في منه الحلو والمر بس هنا انا لقيت الحلو وده بيتاكل على طول بعد السلق اما المر لازم غيري علية يومين او تلاتة بعد السلق والمر مفيد جدا لمرضي السكر اولا بنجيب الترمس وننقية ونغسلة وبعدين ننقعة ليلة كاملة يعني من بليل للصبح ودي الصورة http://www.hayah.cc/forum/hayahimgca...57898hayah.jpg وفي الصبح هتلقية زاد الضعف او اكتر يعني لو كيلو هتلقيه حوالي 2 كيلو ودي الصورة بعد ماتنقع ليلة كاملة http://www.hayah.cc/forum/hayahimgca...57899hayah.jpg وعلي فكرة لازم لازم يتنقع ليلة علشان ما يغبش في السلق يعني لو منقعتهوش ممكن يقعد طول اليوم يتسلق وبعدين في الصبح بنغير المية وبعدين نحطة في حلة ونسلقه علي النار حوالي ساعتين او ساعتين الا ربع وممكن اقل يعني كل شوية شوفية وطلعي حبة واتفحصيها لو استوت يبقي خلاص اطفي علية النار ودي صورتة بعد ما استوي http://www.hayah.cc/forum/hayahimgca...57900hayah.jpg وبعدين لما يبرد غيري علية المية وعلي فكرة ماترميش ماية السلق حلوة قوي للشعر اغسلي بها شعرك ممتاز وحطي علية ماح وكمون وليمون http://www.hayah.cc/forum/hayahimgca...57901hayah.jpg وممكن تحطي علية ماية وملح وتحفظية في التلاجة بيقعد فترة كبيرة وبالهنا والشفا |
الساعة الآن 05:05 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO