الكنافة النابلسية من مطبخ الشيف مونى بالصور السلام عليكم ورحمة الله كل عام وانتوا بخير الكنافة النابلسية طبعا اصلها مدينة نابلس فى فلسطين(اللهم فرج عن فلسطين واهلها)والمفروض كمان تتعمل بالجبنة النابلسية بس هى مش متوفرة فبنعملها بالحلوم او بالعكاوي وممكن بالموزاريللا ومكوناتها كالتالى: نصف كيلو كنافة 2 ونصف كوب جبنة عكاوي مبشورة كوب سمنة سايحة نصف كوب سيرب(السيرب هو الشربات او القطر) ملعقة صغيرة لون طعام برتقالى بودرة 2 ملعقة كبيرة مياه والمكونات للسيرب:كوب ونصف سكر وكوب مياه وعصير نصف ليمونة وللتزيين:فستق مطحون الطريقة: اول حاجة هننقع الجبنة العكاوي في مياه سخنة عشان الملح اللى فيها يروح لمدة متقلش عن 6 ساعات http://www.hayah.cc/forum/img1434/ha...676064_448.jpg وهنضيف لون الطعام للمعلقتين الكبار مياه ندوبهم فيهم وطبعا لون الطعام اساسي لأن النابلسية لونها برتقالى وبيتباع عند اى عطار وفى محلات خامات الحلويات http://www.hayah.cc/forum/img1434/ha...676065_934.jpg وهنضيفهم للسمنة السايحة http://www.hayah.cc/forum/img1434/ha...676065_228.jpg وطبعا احنا لو ضفنا اللون على طول للسمنة مش هتتلون عشان كده دوبناه الاول في ميه هنضيف السمنة للكنافة وهنقلبهم في بعض لغاية ماتتلون كل الكنافة بلون السمنة http://www.hayah.cc/forum/img1434/ha...676066_304.jpg هنساوي الكنافة بايدينا في صينية مدهونة مقاس 26 وممكن اصغر او اكبر http://www.hayah.cc/forum/img1434/ha...676067_212.jpg وهنبشر الجبنة العكاوي بعد ماشلنا الملح اللى فيها http://www.hayah.cc/forum/img1434/ha...676067_254.jpg وهنحطها على الكنافة بس نبعدها عن الاطراف عشان متتحرقش http://www.hayah.cc/forum/img1434/ha...676068_391.jpg واحنا مش هنحط طبقة كنافة تانيه انا شفتهم فى قناة فلسطينية بيعملوها كده وكمان بيساووها على البوتاجاز من فوق لغاية ماتسيح الجبنة بس انا دخلتها الفرن لمدة ربع ساعة وطلعتها قلبتها على طبق التقديم وحطيت عليها السيرب والسيرب فى النابلسية بحبه يكون قليل عشان نحس بطعم الجبنة مع الكنافة لو عايزين تزودوه حسب رغبتكم وده شكلها النهائى http://www.hayah.cc/forum/img1434/ha...676069_410.jpg http://www.hayah.cc/forum/img1434/ha...676069_484.jpg http://www.hayah.cc/forum/img1434/ha...676063_521.jpg وشوفوا هنا لما قطعتها بتمط ازاي http://www.hayah.cc/forum/img1434/ha...676063_130.jpg وبالهنا والشفا |
الساعة الآن 04:58 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO