رز بحمسه الدجاج لذيذ

دنيا الخليج · 05-04-2013, 03:18 PM

رز بحمسه الدجاج لذيذ
رز بحمسه الدجاج لذيذ

باسم الله الرحمن الرحيم

نقطع بطاط مكعبات حجم اصغر من المتوسط ونفوحهم بماي نص فوح(نص استواء).

نحمس بصل كميه وفيره ليما يتشوقر ونضيف معاه الزنجبيل المفروم والثوم المدقوق ونحمس على نار هاديه ونخلي بالنا لايحترق الثوم بالحمس.

وعقب نسقط الدجاج على الحمسه ونحمس ونضيف نص ملعقة أكل بهارات مشكله، وملعقة اكل كركم ، ونص ملعقة فلفل اسود، ونص ملعقة كمون ، ونص ملعقة كزبره،ونص ملعقة هيل مطحون، ومكعب ماجي .

وايدج لاتوقف عن الحماس ، وعقب نضيف البطاط المسلوق ونحرك بخفه عشان ما ينهرس معاج البطاط

ونخلي الحمسه تتجانس على الناراالوسط لاعاليه ولا واطيه حيل

وعقب خمس دقايق نضيف حوالي قلاص ونص ماي .... والقلاص هو قلاص الجبن الكبير.

ونخلي الخلطه تثقل على النار حوالي عشر دقايق وعقب نجيك عليها اذا استوت نسكر النار.

وتجهزين لج حبيبتي عيش مغسول ومنقع بماي دافي لمدة لاتقل عن ساعه
تسلقينه او تفوحينه ليما يستوي نص استوا.. مع بهارات عدله مسمار ودارسين
وهيل حب وملح.

ولا استوا نص استواء يبلش شغلناا...

تيبين الجدروتحطين بقاعته عيش وبعدين شوية من حمسة البطاط والدجاج وشوية زبده..وبعدين عيش وشوية زبده وبعدين حمستنا..وتكررين العمليه ليما الآخر..وعقب ترشين الوجه بماي ورد منقع فيه زعفران وشوية زبده ..واذا ماعندج حطي صبغة العيش مع ماي ونثريها علىالوجه وهني الطريقه بالتسلسل:

تسكرين جدرج وتغطينه بقصدير او فوطه وتخلينه على نار هاديه لمدة نص ساعه او اقل حسب عيشج المسلوق اذا كنتي سالقته حيل او شويه.
وهذاا جدرناا

وعقب تنجبينه ..وهالطبخه ماتنجبينها من الجدر بالملاس
لاا حبيبتي
اخذيلج صينيه وقلبي الجدر فيهاا ..وعقب نجبي من الصينيه على راحتج عشان ما تخربين العيش والخلطه الي فيه اذا نجبتي من الجدر مباشره.

رز بحمسه الدجاج لذيذ
رز بحمسه الدجاج لذيذ

مواضيع قد تعجبك:

منتديات شبكة حياة - أطباق رئيسية