منتديات شبكة حياة - تجمع للمتزوجات الجدد(العرايس)ارجو التثبيت

تعالى اعلمك ابسط الطرق لسرقة جوزك

طبعا انتى متخيلة انى هعلمك اكيف تسرقى فلوس والا موبيل والا عربيته

لالالالالالالالالالا ابدا انا هعلمك كيف تسرقى قلبه

اول شى لازم تعرفيه انك حتى لو متجوزة جواز صالونات او مش متجوزة عن حب طالما انك اتجوزتى يبقى جوزك كل حياتك ومش مجرد ابو العيال وخلص لا انتى لازم تعملى كل ما بوسعك علشان تسعديه لان سعادته كمان هتكون سبب سعادتك لازم يجى من الشغل يلاقك على سنجة عشرة والميكب بقى الاحمر والاخضر

واوعى نتخانق معاه فى يوم من الايام وتسيبى البيت وتغضبى وتروحى تنوحى عند الماما لا يا حلوة انتى تقعدى فى البيت وتمارس هوايتك المفضلة فى الدلع شوية وفى الرزالة شوية لغاية ما يجى هو ويصالحك

واليوم هسلمك المفاتيح اللى هتفتح لك كل الطرق وكل الابواب المقفولة وتساعدك على السرقة

و هقولك على كل المفاتيح اللى هتفتحى فيها قلب جوزك علشان تعرفى تسرقى بضمير بس استخدميها بذكاء

المفتاح الأول : مفتاح الصمت المشفق والنظرة الودود

يعنى لما يحصل موقف وجوزك يشتم ويكسر وينفعل ويخرب الدنيا انتى اسكتى خاااااااااالص ولا تتكلمى سبيه يخلص كل اللى عنده ويهدا ويروق كمان وبعد هيك تسالى مالك يا ابو العيال ايه اللى مزعلك ومنرفزك بالمنظر دا خليه يشعر انك خايفة عليه وعلى صحته

####

المفتاح الثاني: حسن الظن والتماس الأعذار

يعنى اى موقف مش كويس حصل بينكم خلي عندك حسن الظن به والتمس ليه العذر يمكن مضايق من شغل يمكن مفلس ويمكن ………. ويمكن …….

المفتاح الثالث: مفتاح الثقة والتقدير

لمافإذا رجع البيت ومعه الشغل ومشاكله،حسسيه وزودى عنده ثقته فى نفسه وبقدرته على تجاوز الأزمات وفكريه بمواقف اتصرف فيها بذكائه ورجاحة عقله وقدر يتغلب على المشكلة.. هوني عليه وخففي عنه وشجعيه.

المفتاح الرابع: مفتاح الهيبة والاحترام

احترامك ليه وتقديره قدام اولادك هيخلى الولاد يحترموه ولازم كمان يفهموا ان لما يكون بابا نايم يبقى البيت هوس هوس مفيش صوت ولما يكون خارج البيت وجاى نستقبله بترحيب وقبلات

المفتاح الخامس: عدم مخالفته واحترام رأيه مع أهلك أو أهله

الما تكونوا فى مناقشة جماعية مع الاهل والاقارب والاصدقاء دايما وافقى على كلامه ومتتعترضيش واياكى تتناقشى معاه وتختلفى قدام الناس لا لو ايكى راى تانى ممكن تتناقشوا فيه مع بعض فى البيت مش قدام الناس

المفتاح السادس: مفتاح التودد والاقتراب

شوفى نفسك وشوفى تصرفاتك وشوفى انتى مقصرة معاه فى ايه لما انتى تحددى نقاط تقصيرك هيكون حلها سهل عما هو يقولك عليها يعنى خليها تيجى منك انتى احسن

وكمان جددى واعملى نيولوك لشعرك مثلا غيرى طريقة لبسك لازم لما يدخل البيت يبقى مبسوط كدة ومفرفش مش يدخل يقول يا ساتر استر

راجعي تصرفاتك فربما يكون قد مضى الوقت الذي ليس بالقصير دون أن تجددي زينـتك، وربما يكون صوتك قد علا أو فقد رقته من طول الانفعال ومقارعة العيال ، غيري من شكل شعرك ومكياجك فالحياة حولك تتغير فلا تقفي مكتوفة الأيدي وحاربي بكل الوسائل لتكوني ملاكه الوحيد .. اجعليه يشعر أن بيته جنته وما عداه جحيم

المفتاح السابع: مفتاح الاستعانة بالله والدعاء بجوف الليالي أن يوفقك الله لكسب مرضاة زوجك وحبه وحاولي تصحيه تصليان وتناجيان رب السماوات أن يديم الحب والنعمة.

وبكدة يبقى معاكى كل المفاتيح وربنا يحفظك من كل سوء ويقدرك على السرقة