|
إدارة المنتدى والمشرفين والاعضاء كلكم أدخلوا بسم الله الرحمن الرحيم السلام عليكم ورحمة الله وبركاته أنا أسفة انى هعطلكم شوية ولكن فيها افادة قصوى أنا أختكم وخايفة عليكم::: لازم نقف مع بعض احنا كلنا فى المنتدى ده ليه؟؟؟؟ تقدروا تجاوبونى.... احنا كل واحدة دخلت المنتدى ده دخلت علشان حاجة بتعجبها فيه ولما لقت التعاون اللى أمرنا بيه ربنا وأوصانا بيه نبينا أشرف المرسلين قالت تقدم حاجة ومع التشجيع اللى بقت مشرفة وانا منهم واللى بقت مراقبة وغيرو وغيرو كتيييييير لكن لازم دلوقتى نثبت اننا فعلآ اخوات فى المنتدى ده هتقولولى ازاى؟؟؟ صح؟! هقولكم اننا فى حاجات فى حياتنا اتغيرت من اول ما بقينا فى المنتدى ده بفضل التشجيع عملت موضوع لحفظ القرأن اشتركنا فيه وعملنا تكريم للى هتجتاز حفظ والحمدلله حفظنا وبنحفظ وهنحفظ يعنى كل حاجة بالتشجيع ممكن أدخل فى الموضوع:: ايه رأيكم لو كل واحد يدخل عالموضوع ده يقولى :: ما هى أركان الاسلام؟؟؟؟ 1)***** ان لا اله الا الله و ان محمد رسول الله 2)اقامة الصلاة 3)اتاء الزكاه 4)صوم رمضان 5)حج البيت لمن استطاع اليه سبيلا تعالوا نتكلم مع بعض فى الاركان دى:: طبعآ بالنسبة للركن الاول احنا كلنا موحدين ومؤمنين....... لكن تعالوا للركن التانى:: إقامة الصلاة:: ايه هى الصلاة: الفجر الظهر العصر المغرب العشاء ياااه خمس فروض من فروض كتييييييرة كانت علينا ورحمة ربنا بينا ولولا شفاعة الرسول كنتى هتحسى بجد يعنى ايه صلاة وتعب لكن الحمدلله "وإنها لكبيرة الا على الخاشعين" أتقوا الله أتقوا الله هل كل واحدة فينا لما بتصلى بتحس ان صلاتها مقبولة ولا انها مدتش لربنا حقه؟؟؟؟ كتير نحس ان الصلاة مش مقبولة ساعات بيبقى الشيطان بيوسوس علشان نفقد الامل فى رحمة ربنا ولكن ساعات اخرى بيكون الاحساس صح؟؟!!؟؟!! ازاى هنقدر نفرق بين الاتنين؟؟؟ لو انتى من جواكى حسة انك اديتى ربنا حقه يبقى هو ده الشيطان هتقوليلى ليه؟ هقولك لان عمرك ماهتقدرى تكفى ربك حقه وبكدة يبقى الشيطان ضحك عليكى لكن من جواكى لما تحسى انك عمرك ما هتقدرى تكفى ربنا حقه يبقى هو ده الايمان الحقيقى انك تحسى من جواكى ان لسه ربنا له عندك حق وانتى بتجزءيه علشان تقدرى تكفى الحق ده ماشى...دى اول نقطة "لازم من جواكى تحسى انك نفسك ربنا يكون راضى عنك سواء بالصلاة الفرائض او النوافل" 2)اتاء الزكاه:: الزكاه فرض وركن من اركان الاسلام نعمل ايه؟؟؟ ايه رأيكوا كل يوم تاخدى جنية او مايعادله من العملات الاخرى وتشيليه معاكى كل يوم واليوم اللى تنزلى فيه حطيهم فى جامع بيتنى او اى مؤسسة خيرية ولو بتنزلى كل يوم شغل أو مدرستك او كليتك حطى جنية او مايعادله فى الجامع مش هتتعبى ولكنه ثواب مش هتلاحقى على جبال الحسنات وانتى واقفة بين يدى الله "هاه قولولى رأيكم" تقدروا تعملوا كدة يابنات حياة؟؟؟؟!!!! 3)صوم رمضان:: فرض وركن من اركان الاسلام وجزاءه كبييييير عند رب العباد "من صام رمضان ايمانآ واحتسابآ غفر له ما تقدم من ذنبه" ايه رأيكوا؟؟مفيش اسهل من كدة كل اللى علينا اننا نصومه ايمانآ واحتسابآ بس يعنى نصحى من النوم بدرى ونقرأ قرأن ونصلى ونصوم وبس بس كدة هو فى اسهل من كدة؟؟؟ 4)حج البيت لمن استطاع اليه سبيلا::: وهنا ذكر لمن استطاع اليه سبيلا ممكن ناس متقدرش طب اعملى الاعمال اللى تخليكى مش زعلانة انك محجتيش هتقوليلى زى ايه صح؟ هقولك:: صالحى اصحابك متزعليهومش صلى الرحم أبتعدى عن الاغانى والمحرمات قدر المستطاع ارضى ابواكى ارضى زوجك ربى اولادك على الاسلام الصحيح علمى بناتك الحجاب والستر الصلاة ليكى ولزوجك ولاولادك علشان تكونى"مجاهدة فى سبيل الله" احفظى كتاب الله مش بقول انك لو عملتى الحاجات دى متبقيش محتاجة للحج لا والله بالعكس انتى طول مانتى قريبة من ربنا هتشتاقى للحج ولكن الحاجات دى هتصبرك القرأن::: هيكون شفيع للى بيقرأوه طب وانتى؟؟ هيعمل ايه معاكى أنا خايفة عليكى. "وأتقوا يومآ لا تجزى فيه نفس عن نفس شيئآ ولا يقبل منها شفاعة ولا يؤخذ منها عدل ولا هم ينصرون" تفتكرى ربنا قصدوا مين بالاية دى؟؟؟ أنا ولا انتى ولا اصحابنا ولا مين ولا مين...؟؟؟ الله أعلم ::::ذكرت فى الاول التعاون::: لقول الله تعالى "تعاونوا على البر والتقوى ولا تعاونوا على الاثم والعدوان" انا بدعيكم نتعاون على كل حاجة من صلاة وصوم وحفظ كتاب الله وكل حاجة والله العظيم ماكنت هعمل حاجة من اللى انا وصلتلوا دلوقتى غير لما دخلت هنا واتعرفت على انقى ناس وهما اللى شدونى للصلاة الصحيحة وقرأة القرأن بل وحفظه انا كتبت الموضوع ده لانى والله والله والله خايفة لما عرفت يعنى ايه عذاب يعنى ايه ان ربنا ميكلمش عبد له يوم القيامة ولا يزكيهم ولا اى حاجة "تيجوا تحسوا بالنار أقولكم تجربة افتحوا البوتاجاز وخالوا مفتوح شوية واقفلوا النار وحطوا ايديكم عليها اتخيلتوا؟؟؟ طب دى نار مفتوحة من 10 دقائق طب النار اللى مسعرة من سنين وسنين هنعمل فيها ايه؟؟؟؟" عايزين نكون من المتحابون فى الله...عايزين نكون مع بعض فى الجنة ان شاء الله ونفكر بعض بالكلام ده.... هاه اللى عندها معلومة متبخلش وتحطها يمكن نستفيد منها وبسببها تدخل الجنة وتدخلنا معاها أسفة عالتطويل بس انا خايفة عليكم وعلى نفسى زى ما التعاون خلانى وخلى ناس كتير تعرف حاجات متعرفهاش اكيد هيخلينا نراعى ربنا فى الفرائض وحاجات كتير فى حياتنا تيجوا نبتدى ودعوة الى الجنة "اللهم احسن خاتمتنا وتوفنا مع الابرار ونشهدك يارب انك انت الله موحدين لك مؤمنين بك وبكل الرسل والانبياء ونشهدك يارب ان محمد رسول الله وهو خاتم الانبياء والمرسلين ونشهدك اننا مسلمين لك مؤمنين بك وبما انزلت علينا يارب ونشهد بأن كتاب الله هو كتابنا ومصحفنا ونحن مؤمنين بكل حرف فيه جئناك مسلمين أتيناك مستسلمين لا اله الا انت ياواحد يا الله اشهد ان لا اله الا الله وان محمد رسول الله" |
http://www.hayah.cc/forum/hayahimgca...04316hayah.jpg مبادرة طيبة من اخت طيبة وربنا يجمعنا عالخير وفكرة التذكير والتعاون حلوة وفعلا مفيدة والله الف شكر لك ياغالية وتمنياتي من الجميع مايبخلو علينا باي معلومات مفيدة وطرق للتقرب من الباري عز وجل الله يرضى عليكم ويرضيكم |
اللهم امين يارب والله نفسى نكون كلنا مجتمع صغير نفكر بعض بكل حاجة ربنا يسهل وكل الاخوات يدخلوا واللى عندها معلومة تقولهالنا |
ادخلو عالموضوع هذا فيه اعمال خير بسيطة واثرها كبير http://www.hayah.cc/forum/t84907.html#post279519 |
شكرآ لك حبيبتى مريم ربنا يقوينا على فعل الخير يارب |
امين يارب اجمعيييييييين شوفو اللي عندها افكار لاعمال بسيطة لاتبخل علينا مثلا نزور خالة او عمة من زمان مارحنالهم ونشتري لها هدية بسيطة او نتسوق لها فاكهة او نشتري لها جهاز ام بي ثري يشغل لها قران طول اليوم او او او الف فكرة وفكرة وتفرح الناس وتعتبر صدقات جارية والاقربووون اولى بالمعروف وبانتظار افكاركن والاهم نطبقها جددددددددددد |
بوصوا بقا احنا كل بيت فيه مصاحف كتيرة نشوف احتاجنا منهم ونوزع الباقى على كذا مسجد وبكدة يبقى احتسبنا الاجر عند الله ايه رأيكم؟؟؟ |
| الساعة الآن 04:54 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO