بقلم امى

[موهجه]

بقلم امى

بقلم امي

بقلم امي

بدي دواء .....لوجع ......وحنين..... وذكريات
يا حسرتي....ايام ماكنا صغار....نعمل
بيت بيوت من شوية حجار ومن ورق الحلو نعمل ليرة ودينار......ومن عود الخشب
نركب قيطار.....ليلى يا ليلى شو صار....وفتحت الوردة وغمضت.....ويا عمي
الغول جوزني بنتك....وشردة وطمايه وطقه وقري وافكار
مسكين جيل اليوم حاير ومحتار
يرحم ايام مازن القبج وكوثر النشاشيبي وما يطلبة المستمعون وفي السياسة اخبار
يا حسرتي
على صحن طبيخ من عند الجاره.....ومن مية البير انعبي جره وجرار
ولما تشح المي ننزل نعرف شو صار

الله يرحمك يا جدي الختيار
مقثاتك كانت تنعف فقوس وبندورة وبامية وخيار
وعلى شجرة الصنوبر نطارد عشوش العصافير الصغار ونعمل فخ ونشوي على النار
وطبخة اللحمة ايلها ريحة حلوة كل اسبوع بالدار
وعطلة الصيف اهل ولمة زوار
اعراس تشرح القلب ورايات تعلن اخبار
يا اخت العريس اعزمي وكثري الزوار
العرس خمس ايام على طبل ومزمار وذبايح ورز ومناسف للكبار والصغار وعلى هذا
الشغل تجتمع نسوان العيلة
بزغاريد الفرح ....اليوم البرسيج والحكي الفاضي قطع الرزق وخلص المونه وكشف الاسرار
وين الي يفهم كلامي ويحن معي لايام كنا صغار
وين الي يوصف دواء لجيل اليوم ويعلمهم الحياة بكل اصرار
جيل ضايع نايم هايم قايم حاير ومحتار
وبدنا منو يفكر ويخترع ويختار ويرفع الدينار مقابل الدولار ويحرر ارض ويعشق بلد استشهد لاجلها ثوار
دفتر وفاء الخربان بدها تولع فيه النار



مواضيع قد تعجبك:

• احلى اقلام رسم العيون , رسم العيون بقلم الكحل
• ما يكرهه الرجل بلمراة \بقلم رجل
• موقع عجيب ....يحول الصور إلى رسومات بقلم رصاص

منتديات شبكة حياة - المجلس العام