08-03-2013, 02:29 AM | المشاركة رقم: 1 | |||||||||||||||||||||||||||
| ||||||||||||||||||||||||||||
احدث الوان المكياج السنة دي ..و طبيعة الجو الترابي في العالم العربي عموما و مصر بتفرض على المرأة انها تستخدم الالوان الارضية زي البيج و الروز و السيمون و غيرها من الالوان لكن المطلوب ان المرأة تختار اللي يناسب بشرتها حتى مع الالوان دي و دي نصايح لاستخدام الماكياج واختياره بشكل سليم : * استخدمي كريم اساس من نفس لون بشرتك و مفيش داعي تختاري لون افتح بالذات لان حرارة الشمس في الصيف و العرق ممكن تشيل جزء من كريم الاساس لو مسحتي بشرتك بمنديل و وقتها هيبان لون البشرة الحقيقي . * استخدمي الكريم المخصص للهالات السودا و بلاش تحطي اي كريم تاني لان المنطقة دي من البشرة بتكون حساسة . * استخدمي درجة لون واحدة من البودرة المضغوطة الشفافة تحت العين و الوجه كله و بعدين شيلي اي زيادات بفرشاة كبيرة. * استخدمي نفس البودة اللي استخدميها و انتي بتحطي البودرة لاحمر الخدود و الوان احمر الخدود السنة دي هي اللون الخوخي و البشرة الفاتحة انسب حاجة ليها الروز. * مكياج العين</strong></span> : اول حاجة ابدئي باللون الفاتح تحت الحواجب اختاري الابيض او بيج فاتح جدا او رمادي و بعدين حطي لون واحد للجفن و الافضل انه يكون من نفس لون البشرة زي الخوخي مثلا للبشرة الخمرية و البشرة الفاتحة الانسب ليها اللون البرتقالي الغامق او النبيتي و بالنسبة لو خارجة بالليل او للسهرات عموما الاحسن تستخدمي ظل جفون لونه اسود. * اختاري الماسكارا السميكة لان الماسكارا الخفيفة مش بتثبت كتير . ما تفتحيش الماسكارا و تعرضيها وقت طويل للهوا لان ده ممكن يتلفها . الماسكارا البني مخصصة للشقراوات اللي بتكون رموشهم فاتحة . * لو كنتي بتحبي تحطي الكحل فممكن تغيري الكحل الاسود للالوان الزاهية و الاخضر هيديكي شكل احلى و اختاري قلم الكحل الطري عشان متأذيش العين . * ممكن تستخدمي الفرشاة الخاصة بالحواجب عشان تخفي الفراغات ما بينها بظل جفون من اللون البني و بلاش تستخدمي اللون الاسود للحواجب و كمان لازم تسرحيها لاعلى بفرشة الحواجب . * بالنسبة لاحمر الشفاه</span></strong> اختاري درجة فاتحة الصبح و درجة غامقة من لو نازلة بالليل ، وموضة الصيف ده الاحمر و الفوشيا اللي متاخدة من الوان الزهور و خففي درجة اللون بمنديل ورق . و يفضل انك تشمي لون احمر الشفاه قبل ما تشتريه و لو ما عجبتكيش بلاش منه . * حطي مستحضرات التجميل اللي انت مش بتستخدميها يوميا ف التلاجة بالذات في فصل الصيف و بكده تحافظي عليه اطول وقت ممكن لان معظمها من المواد الطبيية اللي بتتعرض للتلف بشكل اسرع . * اخيرا لازم ما تنسيش تحطي كريم واقي من اشعة الشمس و اختاري اللي درجة حمايته عالية قبل ما تطلعي من البيت بحوالي 20 دقيقة و كتري من شرب المية لانها بتحافظ على نضارة البشرة مواضيع قد تعجبك:
| ||||||||||||||||||||||||||||
جديد المواضيع في قسم مكياج ميك أب عطور مكياج عيون مكياج سهره مكياج عروس |
|
الكلمات الدلالية (Tags) |
احدث , السنة , الشنب , المكياج , النان , الوان , دي |
|