شوربة الخضار بالشعرية اكله شوربة الخضار بالشعرية

[عطر الجورى]

شوربة الخضار بالشعرية اكله شوربة الخضار بالشعرية

شوربة الخضار بالشعرية

على فكرة الطبق ده طعمه حلو جداً، وكمان خفيف على المعدة في رمضان ده؛ غير أنه هيفتح نفسك على الأكل، وهيعوّض جسمك عن نسبة السوائل اللي ممكن يفقدها بسبب الصيام، ودي أسهل طريقة لعمل شوربة الخضار...

المقادير:

* 1/4 كيلو بسلة

* 1/4 كيلو فاصوليا خضراء

* 2 حبة جزر مقطعة مكعبات متوسطة الحجم

* 2 حبة بطاطس مقطعة مكعبات متوسطة الحجم

* 2 حبة كوسا مقطعة مكعبات متوسطة الحجم

* 1/2 كوب شعرية

* معلقتين سمنة

* ملح وفلفل

* شوربة فراخ أو لحمة

* مكعب مرقة دجاج "-اختياري"-

* حزمة بقدونس مقطعة قطع صغيرة "-للتجميل"-

* عصير ليمونة "-اختياري"-

الطريقة:

1- هاتي حلة صغيرة واسلقي فيها البسلة والفاصوليا، وبعد كده اغسليهم بالمية الباردة، وحطيهم في المصفاة علشان تتخلصي من أي مية ممكن إنها تكون موجودة.

2- هاتي الحلة اللي هتعملي فيها الشوربة، وحطي فيها معلقتين سمنة، وحطيها على النار، بعد كده ضيفي ليها الشعرية وقلبيها لغاية ما تحمرّ ويبقى لونها ذهبي.

3- هاتي باقي الخضروات وضيفيها للشعرية، واستمري في التقليب لمدة عشر دقائق، وبعد كده ضيفي إليهم مكعب مرقة الدجاج وشوربة الفراخ أو اللحمة وسيبيهم على النار لمدة ربع ساعة أو لغاية ما الشوربة تغلي، بعد كده هدي النار وسيبيها لمدة ربع ساعة أو لغاية ما تلاقي الخضار استوي، وقبل أذان المغرب بربع ساعة صبي الشوربة في أطباق الشوربة، وضيفي ليها البقدونس المقطع وعصير الليمون.

مواضيع قد تعجبك:

• طريقة عمل شوربة الخضار والروبيان اللذيذة - اعداد شوربة الخضار والروبيان اللذيذ بالصور
• شوربة الخضار - طرقة طهي شوربة الخضار - حساء الخضار
• شوربة القشدة - شوربة الخضار بالقشده - كيف تعد شوربة الخضار
• شوربة الخضار - خطوات تجهيز شوربة الخضار - شوربة الخضار خطوة بخطوة
• شوربة الخضار - كيفية عمل شوربة الخضار - طريقة عمل شوربة الخضار بالصور

منتديات شبكة حياة - مقبلات و سلطات