ساعدوني
 

وعليكم السلام ورحمة الله وبركاته


الي تعرف خلطة تساعد على الحمل اتفيدني الله يرزقني ويرزق الجميع بالذرية يارب:last10:

لاحبيبتي مو مسألة خلطة انتي لازم تعملي بالاسباب روحي لطبيبة تسويلك الفحوصات الازمة وبعدها هي تحدد لك نوع العلاج مو اي شي تاخذيه من البنات لان كل وحدة وحالاتها وجسمها
عموما اذا تعرفين السبب اللي يخليج متاخرة بالحمل حطيه هنا والبنات يفيدوج من خلال تجاربهم
وانا انصحك بشي عجيييييب الاستغفار اكثري منه والله يفرحج يارب بالذرية الصالحة عاجلا غير اجل
دمتي بحفظ الله....

شكرا على ردج وكلامج الحلو وربي يرزق الجميع حبيبتي صارلي سنة ونص اراجع الطبيبة واجرت كل الفحوصات وكلها سليمة وماعندي اى مرض عضوي هذا سبب لجوئي للاعشاب

طيب اختي دامك سليمة هل عمل زوجك الفحوصات الازمة؟؟ خصوصي اذا كان كبير بالعمر يعني عمره 40 سنة فما فوق هذول عادة بيكون عندهم خمول بالحيوانات المنوية حسب ماقرأت وشفت خصوصي اذا الرجل قليل الحركة ومثلا يعمل وهو جالس معضم الوقت((وضيفة مكتبية)) ساعتها زوجك لازم يعمل بالاسباب ويسوي الفحوصات اذا حابين تخلفو نونو اذا جربتو كل شي فالان صار الحقن المجهري والتلقيح الصناعي موجود وناجح بنسب كبيرة
حذكرلك قصة قريب لي هو مصاب بالصرع عافاك الله وعافانا وهذول نسبة انجاب الاطفال عندهم ظئيلة وعملو تلقيح صناعي هو وزوجته وما شاء الله صار عندهم تؤم صبيان الان
والله يرزقك ماتتمني يارب ....

صارلنا سنة و8 تشهر متزوجين سوينا كل فحوصاتنا من اول 4 تشهر زواج انا وزوجي الحمدللة الفحوصات كلها سليمة عمر زوجي 36 سنة ورايدة اجرب كل شي قبل لا الجاء للتلقيح الصناعي وشكرا على اهتمامج

اه طيب الحمدلله انو انتو الاثنين بصحة جيدة ومسألة الخلفة هنا بالتأكيد بيد الله سبحانه وتعالى ممكن هذا اختبار لكم على صبركم حتحمدو او تتذمرو حتصبرو ولا تيأسو من رحمته و و و
والله اذا يحب مؤمن يبتليه والله يعوضكم خير ان شاء الله ويعجل لكم بالذرية الصالحة وكل محرومة يااارب
ان شاء الله يدخلو البنات ويبردو قلبك بنصائحهم وتجاربهم.....
دمتي بحفظ الله