منتديات شبكة حياة - كيف تقابلي عريسك لأول مرة؟

أزاي تقابلي عريسك اول مرة

http://www.hayah.cc/forum/hayahimgca...51684hayah.jpg

أخواتي

هناك قاعدة تقول إن "الانطباع الأول يدوم" يعني الفكرة اللي هياخدها عنك الشاب اللي جاي ده في أول لقاء هيترتب عليها حاجات كتير أوووي نفس الشيء بالنسبة ليك الفكرة اللي هتاخديها عنه من أول مرة هيترتب عليها حاجات كتير أوووي
http://www.hayah.cc/forum/hayahimgca...51684hayah.jpg
علشان كده ياريت تبقي ناصحة وتقدري بأسلوبك وذكائك وتلقائيتك تتركي انطباع كويس عنك عند الشاب ده حتى لو محصلش نصيب لاقدر الله
http://www.hayah.cc/forum/hayahimgca...51684hayah.jpg
طبعا هتسألي نفسك وتقولي ازاي ده أنا مكسوفة مووووت ومش عارفة أعمل إيه وحاسة إني هلخبط الدنيا وعمالة أتصل بصاحباتي وكل واحدة تضحك عليّ ومحدش قال لي كلمة مفيدة أقدر أستفيد بيها
ماتخافيش.. إحنا دلوقتي هنمشي معاكي خطوة خطوة ونقول لك تعملي إيه
http://www.hayah.cc/forum/hayahimgca...51684hayah.jpg
أهم حاجه وقبل ما نبدأ الخطوات
لازم تصلي صلاة الأستخاره
واللي فيه خير ربنا هيقدمه بأذن الله
http://www.hayah.cc/forum/hayahimgca...51684hayah.jpg
الخطوة الأولى
1ــ جهزي نفسك نفسيا ومظهريا
علشان ماتتعبيش نفسك وأعصابك على الفاضي ياريت تشيلي من دماغك فكرة إنك بضاعة جاي العريس يتفرج عليها .. لأن دي حاجة مش صح وحطي في دماغك إن ده جاي يتعرف على البنت اللي ممكن تكون شريكة حياته وإن دي حاجة مش عيب ومفيش منها أي تقليل من شأنك
http://www.hayah.cc/forum/hayahimgca...51684hayah.jpg
2-
حاولي على قد ما تقدري تخلّي أعصابك هادية جدا وتبعدي عن أي مصدر قلق أو توتر.. علشان التوتر ممكن يبان على وشك
.. واحنا مش عايزين كده احنا عايزين عروسة زي القمر
مش عروسه من مخلفات الجيش http://www.hayah.cc/forum/images/smilies/party.gif

http://www.hayah.cc/forum/hayahimgca...51684hayah.jpg
3-
بعد كده ادخلي الأوضة عندك وابدأي في اختيار لبسك.. وعلى فكرة النقطة دي بتحير بنات كتيييير أووووي لأنهم بيحتاورا يلبسوا كلاسيك ولا لبس عادي
بس بيني وبينك ياريت أول مرة دي تلبسي لبسك العادي اللي انتي بتلبسيه وأنت خارجة.. علشان يشوفك على طبيعتك في اللبس وبلاش موضوع إنك تلبسي بدلة لأن دي هتخلي الحكاية تبقى رسمي أوووي وممكن تبيّنك أكبر من سنك
واوعي تنسي تختاري الألوان اللي تكون مناسبة عليك وتنور وشك .. وأهم حاجه
ماتنسيش الحجاب ..

http://www.hayah.cc/forum/hayahimgca...51684hayah.jpg

4-

لو كان اللقاء ده هيتم في البيت فياريت
ما تلبسيش كعب عالي قوووي
http://www.hayah.cc/forum/hayahimgca...51684hayah.jpg
5-
بالنسبه للماكياج .. أنتي وضميرك

http://www.hayah.cc/forum/hayahimgca...51684hayah.jpg
6-
خليكي متفائلة وتوقعي الخير علشان تلاقيه خير وتوكلي على الله وفوضي أمرك إليه، وادعي ربنا يوفقك في اللي فيه خير ليكي
أعتقد إنك لو عملتي الحاجات اللي قلنا عليها دي هتكوني فعلا استعديتي للقاء ده
http://www.hayah.cc/forum/hayahimgca...51684hayah.jpg
وتعالي نشوف اللي المفروض تعمليه أثناء اللقاء ده
*******

http://www.hayah.cc/forum/hayahimgca...51684hayah.jpg

الخطوة التانية
أثناء اللقاء نفسه

1-
بلاش تشيلي صينية عصير في إيدك وأنت داخلة لأنك ممكن ترتبكي وتوقعيها على أمه .. ويبقى نهارك ملزق .. كفاية قووي إنك تدخلي بابتسامة بسيطة على شفايفك وتسلمي على كل اللي موجودين وعليه هو كمان.. واقعدي وخليك شاطرة واختاري إنك تقعدي في الكرسي اللي يكون مواجه له علشان تقدري تشوفيه كويس لأن ده حقك الشرعي وخليكي واثقة من نفسك وخدي الموضوع ببساطة علشان يعدّي
http://www.hayah.cc/forum/hayahimgca...51684hayah.jpg
2-
لو مامته جات معاه ياريت تخلّي بالك منها وبلاش تكشّري في وشها أو تزغديها وهي قاعدة .. خليكي مبتسمة ليها دايما حتى لو قالت حاجة مش عجباكي .. اوعي تردي عليها رد مش مناسب أو بصوت عالي .. وكلميها عادي وحاولي تكسبي رضاها وخليكي ذكية وفكري في كل كلمة قبل ماتقوليها
http://www.hayah.cc/forum/hayahimgca...51684hayah.jpg
3-
وأنت قاعدة اتكلمي براحتك من غير تكلف وافتحي مجالات للكلام واسمعيه كويس وهو بيتكلم علشان تقدري تحكمي عليه

http://www.hayah.cc/forum/hayahimgca...51684hayah.jpg
4-
لو فيه حاجة تضحك يا ريت ماتضحكيش بصوت عالي أو ضحك هيستيري .. كفاية قوووي ابتسامة بسيطة على شفايفك
http://www.hayah.cc/forum/hayahimgca...51684hayah.jpg
5-
خليكي طبيعيه .. ولو وجه لك الكلام ردي عليه بذوق وخجل وبصوت كله ثقه
*******

http://www.hayah.cc/forum/hayahimgca...51684hayah.jpg

كمان خدي بالك أوووي من اللي جاي

1-
لو سمحت الظروف وقعدتوا مع بعض
( وأن كنت أفضل عدم حدوث ده)
ياريت تتكلمي معاه في أمور عادية جدا.. زي مثلا البرامج اللي بتعجبك في التليفزيون أو عن حاجة تكون حصلت قريب وشدت انتباهك وابعدي عن الكلام في أي مواضيع تكون مسار جدل زي مثلا الكرة والأهلي والزمالك..
لأنه ممكن يكون
أهلاوي وأنتي زمالكاويه .. يقول كلمه كده ولاكده ؟؟ تفقدي أعصابك وتلبسيه الفازه فيرزعك بونيه وتكملوا القعده في القسم!!http://www.hayah.cc/forum/images/smilies/party.gif

http://www.hayah.cc/forum/hayahimgca...51684hayah.jpg

ولو أتطور الكلام بينكم لأي مواضيع فيها جدل خليكي ذكية وبلاش يكون عندك تحيز في الرأي واسمعي منه وابدي رأيك بأسلوب لطيف من غير ما تحرجي نفسك أو تحرجيه
http://www.hayah.cc/forum/hayahimgca...51684hayah.jpg
واوعي في أول كلام بينكم تسأليه أي أسئلة شخصية أو أسئلة محرجة زي مثلا إنك تسأليه إذا كان خطب قبل كده ولا لأ أو مثلا مرتبه كام؟؟ لأن الأسئلة اللي من النوع ده ما ينفعش تسأليها في أول مقابلة

http://www.hayah.cc/forum/hayahimgca...51684hayah.jpg
2-
لو كان اللقاء في مكان عام زي النادي مثلا أو كافيه أو خلال مناسبة ما فحاولي تقللي من نظراتك حول الأشخاص الموجودين في المكان وركزي في الشخص نفسه
*******
http://www.hayah.cc/forum/hayahimgca...51684hayah.jpg
الخطوة الثالثة
بعد انتهاء اللقاء

بعد ما يمشوا عايزك تقعدي مع مامتك وتحكي لها على اللي حصل وتفكري معاها كويس وشوفي إيه اللي قدرتي تطلعي بيه من اللقاء ده.. لأن فيه حاجات حتى لو بسيطة هتكون بانت قدامك ولو مش قادرة تحكمي كويس ياريت تطلبي لقاء تاني علشان تقدري تحكمي على أساس صح.. وربنا يوفقك
*******
http://www.hayah.cc/forum/hayahimgca...51684hayah.jpg
وعقبال كل بنات المنتدى لما يطبقوا النصائح دى عملى