تريدين النوم .. تجربة ناجحة مع طفل

[راجية رضا الرحمن]

تريدين النوم .. تجربة ناجحة مع طفل

السلام عليكم ورحمة الله
طبعا شايفة معظم الامهات الي بيرضعو طبيعي بيعانو من مشكلة النوم باليل
وكل ده عشان الولد اتعود على الصدر طول اليل وحنان امو وقربها منه
وده طبعا مش عيب لانك لو محنيتيش على ابنك وحسستيه الامان مين هيحن عليه؟؟!!!


1-اول حاجة ابنك يكون بدأ الطعام الصلب وبياكل 3 وجبات على الاقل في اليوم
بيرضع في النهار كفايته واهم حاجة انه ينام في وقت القيلولة لان نوم القيلولة بيساعد الجسم انه ينام باليل
والقيلولة طبعا احسن وقت بين الظهر والعصر
وطول الصبح خليه صاحي اشغليه العبي معاه المهم تخليه صاحي
2-ثاني حاجة انك تبتدي بالتدريج
3-تأكليه كويس الساعة 6 او 7 مساءا
4-تشربيه شوي مية
5-في الساعة 8 الى الساعة 9 وقت النوم ولازم يتعود ينام في هذا الوقت لانه وقت صحي جدا
6-توفري جو النوم في البيت يعني لا تلفزيون ولا تلفون ولا اي حاجة وكل الانوار الي بلبيت تنطفى وتتركي لمبة صغيرة عند مكان الي بترضعيه فيه
7-تحمميه وتغيري ملابس نظيفة وتأكدي انها مش ضيقة عليه وحطي حفاظ نضيف واتأكدي انه مش ضيق
8-ترضعيه لو من القنينة تكون على الاقل 150 الى 200 مل عشان يشبع ولو من صدرك اعطيه على الاقل 10 دقائق من جهة عشان يشبع او لغاية لما ينام
ولو ابنك فات السنة تشربيه حليب في الكاسة او الرضاعة وتفرشي سنانه وبعدين تنيميه
9- متعمليش اي صوت في البيت وهو نايم ولو يفضل انتي كمان تنام الساعة 9 وما تخليش اي نور مفتوح حتى اللمبة الصغيرة

10- لما يصحى في المرحلة القادمة تحمليه وتطبطبي على ظهره وتحاولي تنيميه من غير رضاعة ومتخليهوش يبكي خالص حطيه بالعرباية او بالمرجيحة او هزهزيه هزات خفيفة وانتي بتقري عليه قران او تنشديلو حتى ينام حطيه بشوي في فراشه وخليه ينام
ولو بتنيميه على جنبه لما يصحى قومي اقلبيه للجهة الثانية يمكن يرجع ينام ويكون بس جنبه تعب ,مترضعيهوش ابدا كل ما يصحى نيميه من غير رضاعة
لازم عزيمة بس وتعملي قدامك انه مفيش رضاعة بعد 9 ليلا لغاية 3 صباحا
لو صحى الساعة او بعدها رضعيه عادي
وبعدين هو حياخد على النوم بليل وحيبطل يصحى الساعة 3 حيرجعها 4 وبعدين حيرجعها 5


اتمنى يكون موضوعي افادك وياريت تفيدونا بتجاربكم ونتايج الي جربت تجربتي

مواضيع قد تعجبك:

• نصائح لحمية ناجحة - لتنظيم لحمية ناجحة
• احدث غرف النوم , كولكشن غرف النوم مودرن , الوان غرف النوم حلوة
• تريدين حفظ القران اقرائي تجربة حافظه

منتديات شبكة حياة - رعاية الاطفال رعاية المواليد نصائح تربويه تربيه الاطفال Child care