الغربه

[سمسمه]

الغربه

الغربه

السلالالالام عليكم ...
حبيت اطرح موضوع الي فيو منعبر فيو لاحبابنا المغتربين سوائا رحلو وما عادو رجعو او مغتربين لهدف اخر متل التعليم والدراسه او لجمع لقمه العيش ...
وانا في عندي الم انو اخوي مغترب بيدرس في الاردن وهاد اخوي غالي على البي كتييييييير وهو بيجي بعدي وكتير منتفئ مع بعض ..
مع العلم انو انا الكبيره بالبيت عمري 19 واخوي 18 طلع جديد يتعلم بلاردن وعندي اخت عمرها 17 واخ 16 الله يخليهم ويخليلكو اهلكو واخواتكوووو اميييييييييين ..
وانا كمان اسبوعين رح اتزوج ان شاء الله والاشي الي حارئ البي انو اخوي طلع يتعلم وحسيت بفراغ وببكي بس اتزكرو واتزكر حركاتوووو وانا كمان اسبوعين رح اتزوج وببكي كيف بيتنا بدو يفضا
وكيف بس اخوي يتخرج ما رح نرجع سوا في بيت واحد وكيف بدي انام من غير ما اشوف ماما وبابا واخواتي :crying:
شاركوني بقصصكو وشو سويتو متل هيك حالات وكيف صبرتو :crying:
وحبيت اهدي هاي الكلمات مقطع من اغنيه بهديها ل اخوي الله ينجحو ولككل المغتربين ربنا يرجعكو بالسلامه :crying:
و الله و محتاجك يا خي :

و الله و محتاجك يا خي
عندي مثل الهوا و المي ( الماء )
دمك دمي
و همك همي
و من عيونك أشوف الضي

محتاجك دوم إنت وياي
توقف لا دارت دنياي
عيوني ترخص هاي و هاي
من أجلك و أقول شوي
و الله و محتاجك يا خي
عندي مثل الهوا و المي ( الماء )
دمك دمي
و همك همي
و من عيونك أشوف الضي

يا ابن أمي و قمر البيت
يااللي وياي إنت تربيت
مهما تغيرت و جافيت
ما يغيرني عنك شي
و الله و محتاجك يا خي
عندي مثل الهوا و المي ( الماء )
دمك دمي
و همك همي
و من عيونك أشوف الضي

يا ابن أمي و يا نور العين
يا ساكن بين الرمشين
إنت حبيبي و تعرف زين
حبك عندي أغلى شي
و الله و محتاجك يا خي
عندي مثل الهوا و المي ( الماء )
دمك دمي
و همك همي
و من عيونك أشوف الضي
********
كلمات الاغنيه معبره جدا ومع انو صعب اللهجه كانت علي بس بلاخر فهمت كل الكلمات وعلى مااعتقد اللهجه عراقيه

ــــــــــــــــــــ
وكمان حبيت اهدي هاي الكلمات على اغنيه من تراثنا للمغترب
يا زريف الطول
وكف تا كلك

رايح عالغربه وبلادك أحسنلك

خايف يا زريف تروح و تتملك

و تعاشر الغير وتنساني أنا

يا زريف الطول يا سنك ضاحوك

يا اللي رابي في دلال أمك و أبوك

يا زريف الطول يوم اللي غربوك

شعر راسي شاب والظهر انحنى

يا زريف الطول وين مهاجر وين

نتمنى من الله ترجعلنا ايه

بلكن انا وانت بنتلاكى عالعين

بنغني عتابا نصدح ميجانا

يا زريف الطول متغرب على القوم

لا تبعد عنا وتحط علينا اللوم

ان شاء الله بترجع بترجع على الكروم

بتحصد الكمحات و نجمع زرعنا

يا زريف الطول غايب عن الاوطان

وفراكك عنا ملى الكلب أحزان

و ارجع لامك وارجع للحنان

ما تلكى الحنيه غير في بلادنا

يا زريف الطول حلو يا دلوع

و اللي يطيح البير يحسب لطلوع

واحنا تفرقنا وعالله الرجوع

و المفرق والمجمع ربنا

يا زريف الطول مالي و مالكم

ابتليتوا بالهوى و شحالكو

وان كان عشرة غيرنا طابت ليكم

خبرونا تا ندبر حالنا
بتنما يكون موضوعي مفيد الكو وما كون كترت عليكو بالحكي بس حبيت افضفضلكو ...
والسلام عليكم ...



الغربه

مواضيع قد تعجبك:

• حميل انشودة ويلي ياويلي نار الغربه نشيد مضحك جدا جدا هههه قمة الفكاهه وحزين ايضا
• قمة الغربه

منتديات شبكة حياة - عالم الحياة الزوجية و المعاشره