قديم 05-01-2013, 04:51 AM   المشاركة رقم: 1
الصورة الرمزية
الصورة الرمزية ملاااااك
الكاتبة:
اللقب:
مشاركة نشطة
عرض البوم صور ملاااااك  
معلومات العضوة

التسجيل: 29-4-2013
العضوية: 53198
الدولة: USA
المشاركات: 141
بمعدل : 0.04 يوميا
معدل التقييم:

الحالة:
ملاااااك غير متواجد حالياً

افتراضي

الحياة الزوجية


تشير الساعة الى 6:30 صباحا
تودع زوجها وهو طالع للعمل وتقول لة بالسلامة ياحبيبي
الساعة 11 صباحا
تتصل علية في العمل وتقول لة حبيت اسمع صوتك بس ياعمري
الساعة 3 عصرا
تستقبلة وهي متشيكة وتقبلة وهو داخل البيت وتقول لة " الغذاء جاهز ياحياتي ..... تحب احطة لك الحين"
الساعة 6 المغرب
تسبل عيونها وتقول بكل خجل ياريت ياحبيبي.....يعني لو ماعليك كلافة...يعني لو تقدر توديني شوي لبيت اهلي اذا كنت تقدر ياعمري وقبل ما ينطق بكلمة: " اذا ما تقدر خلاص مو لازم "
وطبعا يطير هو في نظرة من عيونها ويوديها لاهلها لو انهم ساكنين في المحمدية وهو ساكن في شقق الاسكان الجنوبي
الساعة 8 باليل
تتصل على الجوال وتقول :" اشتقت لك ياعمري ....ياريت تمرني ونروح للبيت سوا "... وطبعا هو عارف وش بيجية بالبيت فيطمر ويقول للشباب اسف والله ياشباب راسي مصدع ولازم امشي
الساعة 10 باليل
تجلس في حضنة وتقول "الله ياحبي .... تتذكر "؟ تتذكر ايام الخطوبة لما كنت تعمل المستحيل علشان تشوفني واشوفك
بعد مرور 10 سنوات
الساعة 6 : 30 صباحا
هي في سابع نومة
الساعة 11 صباحا
هب برضة في سابع نومة
الساعة 3 العصر
تستقبلة وهي نافشة كشتها وتقول " شف لي حل مع ولدك علي هذا ...حتى الان عادة ماحل الواجب "
وسوير الله ياخد عمرها انشاء الله شاقة مريولها في المدرسة...
عطني فلوس لازم اشتري لها واحد غيرة...
وصويلح يبي علبة هندسة توة يقولي يوم ان الاختبار صار بكرة
....ونرى موضي تكرسفت مع الدرج وهي كانت بالمشاية...
الظاهر انها تعورت ...كلة من ها الشغالة الله ياخد عمرها....
اسمع سا انا يا ها الشغالة في ها البيت....
ابيك اليوم تسفرها ما ابي اشوف وجهها بها البيت وابيك بسرعة تشوف لنا وحدة غيرها....
وما ابيها تصير حلوة... ويا ويلك اذا صارت حلوة
وبعدين شغالتي ابيك اذا سفرتها تشترط عليها ما تشتغل عند احد...
علشان ما تقول اسرارنا للناس الي تشتغل عندهم ....ما تدري ان اسرار بيتهم صارت عند الجيران من لسانها هذا الي مدري وش طولة
الساعة 5 عصرا
هي تفك هوشة بين سوير واخوها...ويصحى هو على صوتها وهي تهاوش وتدعي عليهم بجميع الامراض الخطيرة الجديدة والقديمة " جعلكم للطاعون....جعلكم للحمى...جعلكم للوادي المتصدع ...جعلكم للحمى القلاعية ....الخل "
الساعة 6 المغرب
هو جالس يشرب الشاي وهي تقول :" نبي نروح لامي بتجيهم بنت خالة جد ولد عم ابوي...وبعدين نبي نروح نشتري للبنت مريول....وبعدين بنت عمي والدة ولازم اشتري لها هدية من باتشي وابي امر على المشغل وبعدين حطنا عند اختي من زمان ما شفناهم وفي ها لحظة فكر هو يشتغل لة ليموزين احسن لة
الساعة 8 باليل
تتصل بالجوال :"وينك فية؟؟؟؟وبعدين وين بتروح ؟ زمنهو الي معك هذا ؟ ووش تسوون ؟ ومتى بتجي؟ ....لاما فية الساعة 10 الا وانت بالبيت
الساعة 10 باليل
جالسين هي واياة عند التلفزيون ....اخيرا هدوء.....والعيال نايمين ...والجو جميل...وفجاة ...تطالعة وهي مادة بوزها وتقول ...:" الحين اما وش عندها اليوم ماترد يوم اني سلمت هاة"...
والله ما ادري كان قاتلها احد من اهلها "...."
واختك وش ها الحركات الي مالها سنع ...ليش عازمة الجيران وكل حريم اخوتك الا انا ؟؟؟؟؟.....
لكن هين والله لاسوي عزيمة وما اناديها ....اصلا هي ما زارتني بالمستشفى يوم اني ولدت....
وبعدين بنات عمك وش عندهم نافخين عمرهم؟؟؟.........................على ايش ابي افهم ؟؟...على جمالهم الزايد اللهم لك الحمد بس...
تسكت شوي وبعدين تقول :" وبعدين اختك نورة يوم انها تقول انة علي ولدي يشبهني ..ما يشبة ابوة وش قصده هاة "؟؟
ملاحظة " علي هو اشين اخوانة "
انا فاهمة قصدها وتراها اذا ما بطلت ها الحركات والغمز واللمز تراني ابسمعها كلمتين وبخليها تحترم نفسها.....
ولا ذاك اليوم تقول اخوي محمد " الي هو الزوج " حلو مرة و3 من حريم الجيران قد خطبوة لبناتهم .....
من زينك بس ما ادري وش لاقيين فيك؟؟؟..........
يسكت ما يرد ....تسكت هي وبعدين تقول " وبعدين اخوك شاري لحرمتة ساعة قيمتها عشرين الف ريال "....
يرد "... طيب وش المشكلة؟؟"
هي " وانا ليش ما تشتري لي ...ولا انا ما استاهل ولو هي يعني احسن مني...بالاك ماشفتها ....شينة وطبايعها شينة... وحتى طبخ ما تعرف تتطبخ..."
هو :"خلا ص باشتري لك ساعة"....تعصب هي وتقول :" هي تسكتني بها الكلام...والله لانت شاري ولا شي"
هو :" وش تبيني اقول يابنت الحلال ؟؟؟..."
تقوم هي تبكي وتقول :" خلاص والله ماابي منك شي"
الساعة 11 باليل
هي زعلانة ونايمة مع العيال وهو يتحسف ع السرير الي تزوج فية............................

مواضيع قد تعجبك:


رد مع اقتباس
جديد المواضيع في قسم الثقافة الجنسية مواضيع عن الثقافة الزوجية

قديم 05-01-2013, 08:12 AM   المشاركة رقم: 2

معلومات العضوة
الكاتبة:
اللقب:
مشاركة نشطة


افتراضي

يا بنات وين الردود الحلوة


رد مع اقتباس

Powered by vBulletin® Version 3.8.7
Copyright ©2000 - 2021, vBulletin Solutions, Inc.
Content Relevant URLs by vBSEO