منتديات شبكة حياة

منتديات شبكة حياة (http://www.hayah.cc/forum/)
-   المطلقات و اللأرامل و المتاخرات عن الزواج (http://www.hayah.cc/forum/79/)
-   -   قبل ما تتخذي قرار الانفصال - تعالى نتكلم شويه (http://www.hayah.cc/forum/t36825.html)

دودو20 04-20-2013 02:50 AM

قبل ما تتخذي قرار الانفصال - تعالى نتكلم شويه
 
قبل ما تتخذي قرار الانفصال - تعالى نتكلم شويه
قبل ما تتخذي قرار الانفصال - تعالى نتكلم شويه

اولا السلام عليكم ورحمه الله وبركاته
ده تقريبا اول موضوع ليه هنا بالمنتدى بس فعلا عاجبني القسم ده اووى وقررت ابدا الكتابه في القسم ده بس الكلام هنا مش للمنفصله اذا كان بطلاق او حتى ان زوجها توفى لان ده قدر ربنا وكلنا مؤمنين بالله سبحانه كلامي هنا للمتزوجه وبتفكر في فكره الانفصال

اولا: لو عندك اولاد فكري بدل المره الف مره لان ربنا كرمك وعشتي في بيت طبيعي في وسط ام واب وجربتي انك تعيشي معاهم فليه تحرمي اولادك من الوضع الطبيعي ده

ثانيا: وده الاهم ان اكيد مافيش واحده بتفكر في
الانفصال كده الا واذا كانت فعلا تعبت من زوجها ومن ضغطه عليها بس تعالى نتكلم شويه بالعقل ياريت تجيبي ورقه وقلم واكتبي الميزات الى فيه واكتبي عيوبه بس بصراحه تامه من غير ما تيجي عليه لانك شايله منه


ثالثا: بلاش تسمعي كتير لصحبتك الى زوجها جيبلها ومسولها على فكره مش كل حاجه تسمعها تصدقها يعني ممكن يكون مطلع عينها بس علشان تتمنظر تقول ده بيعملي وبيسوى هفترض معاكي انه صدق اكيد فيه عيب تاني هيا مش حابه لان احنا بشر مافيش حد كامل غير رسول الله عليه السلام


رابعا:حياتك مش لازم تكون كتاب مفتوح اه انتي قلبك ابيض وصريحه بس حياتك الشخصيه حاجه وحياتك انتي وزوجك حاجه تانيه الله اعلم بالي امامك صافيه النيه وله لا واحنا مش هنقدر ندخل في نيه كل واحده وبعدين ممكن تكون صحبتك النهارده بكره الله اعلم ااقصد حتى لو طبيعي انكم اصحاب اووى حطى واحد بالمئه نسبه انها ممكن تحكي برا وحياتك تكون مجال للنقاش


خامسا: والدتك اه بتحبك ومافيش شك في كده بس انتي وزوجك هتتخصموا
شويه وبعدين تتصلحوا والدتك مش هتقدر تنسى لانك حته حتى لو ماظهرتش ده لان ده بيشل النفوس من بعض ( صدقيني ده مش بس كلامي ده من تجارب شوفتها حاوليه كتير)


سادسا: حاولي تفوتي كتير وطنشي وده مش علشان انتي ضعيفه ابدا والله بس علشان انتى شخصيه قويه ده كلام رسولنا الكريم :
حديث أبى هريرة رضى الله عنه أن رسول الله صلى الله عليه وسلم قال :ليس الشديد بالصُّرَعةِ ، إنما الشديد الذى يملك نفسه عند الغضب .



فأختي الغاليه والله اني قد تحدث في هذا الموضوع لان فعلا قابلت بنات كتير ونساء لمه يعرفوا اني منفصله يقولولي يابختك طبعا بضحك على الكلمه لان دي مش لعبه لا دي حاجه مش حلوه بس ده قدر ربنا اذا ضاق بيكي الحال واتمنى من الله في اخر كلامي ان ربنا يهدي كل زوج لزوجته ويهدي كل زوجه لزوجها ويارب يسعدهم ويبعد عنهم شياطين الانس والجن وارحمهم واجعل بينهم موده ورحمه واحميهم من كل عين يارب امين وعوض كل رجل وكل امراه ظلم او اتظلمت خير كبير باذنه سبحانه اللهم امين وتحياتي للجميع ............

قبل ما تتخذي قرار الانفصال - تعالى نتكلم شويه
قبل ما تتخذي قرار الانفصال - تعالى نتكلم شويه



الساعة الآن 01:18 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO