طريقة خبز العيش البوري

[نمنومة]

طريقة خبز العيش البوري

طريقة خبز العيش البوري

طريقة خبز العيش البوري

العيش البوري هو عيش هندي معروف

و في بيتعمل بالبهارات و فيه من غير أي بهارات يادوب ملح بس

المقادير::

1 و 1/2 كوب دقيق

1 و 1/2 ملعقة صغيرة بيكنج باودر

(شييف اسامة ما استخدمهوش في وصفته بس انا لقيته بيهبط لما يخرج من الزيت و انا عايزاه يفضل منتفخ فترة اطول)

كوب لبن رايب

(مش هنستخدمها كلها)

علي فكرة معظم طرق البوري بيستخدموا ماية مش لبن رايب

بس انا بحترم أي وصفة فيها لبن او مشتقاته علشان القيمة الغذائية و صدقوني بتفرق في الطعم كتييير

نصف ملعقة صغيرة حبة البركة

نصف ملعقة صغيرة كمون ممكن حصي و ممكن مطحون

(علي حسب الرغبة)

رشة ملح

و زيت غزير للتحمير

الطريقة::

بنحط المقادير كلها علي بعض و نحط شوية من اللبن الرايب و نعجن كويس اوي و نزود لحد ما يكون عندنا عجينة ناعمة و طرية

و نسيب العجين يستريح 10 دقائق

(مش اكتر)

و بعدين نقسم العجين لكور صغيرة في حدود انش للكورة

و نفرد الكور ديه بالنشابة لسمك 2 مللي تقريبا علي شكل قرص او أي شكل تاني تحبيه

(رفيعة يعني بس مش اوي)

انا ساعات بعمله رفيع و ساعات بحب اتخنه شوي

و بعدين نحمرها في طاسة فيها زيت غزير

كل رغيف لوحده

ولما تطفو على الزيت نحط من الزيت السخن علييها من فوق علشان تعلى من الجنب التاني

ه

و بمجرد ما يخرج من الزيت نحطه علي ورق ماص علشان الزيت

و في اقتراح صغنن

بمجرد ما يطلع من الزيت نحط عليه رشة دقة

طبعا كلنا عارفين الدقة ديه ايه

ملح و فلفل و كمون و شطة

و ممكن زعتر لبناني يغني عن الدقة ديه

او دقة المدينة

و يستحسن يتاكل اول بأول علشان لما بيبات بيكون طعمة مش حلو و بينشف و يهبط

فيستحسن يكون طاااازة

مواضيع قد تعجبك:

• كيفية تحضير طاجن البوري بالجزر بالصور,طاجن البوري بالجزر ,
• طريقة عمل خبز البوري , خبز البوري ,عمل خبز البوري
• طريقة عمل العيش الفينو
• طريقة عمل العيش الإيراني _ العيش الإيراني _ الخبز أو العيش من المطبخ الإيراني
• صينية السمك البوري بالصورطريقة عمل صينية السمك البوري جديد - صينية السمك البوري

منتديات شبكة حياة - معجنات و سندويشات و فطائر

[أوتار حساسة]

تسلم الإيادي حبيبتي عالوصفة اللذيذة

دمـــــتي بخير ..