الفطيره الايطاليه غاليه في الجمال

[شيف حياه]

الفطيره الايطاليه غاليه في الجمال

{ الســلام عليكم ورحمة الله وبركاته ~





كيفكم عضواتنا الحلوات

بناء على طلب اخواتي في موضوع الدقيق وفي التقييم والرسائل اني انزل لكم طريقة الفطيرة ,,في الموضوع الاول ما كنت مصورة الخطوات ..

هالفطيرة شفتها بمطعم ايطالي في سوق غرناطه يقدم انواع للبيتزا وبعض الاكلات الايطاليه فحبيتها وحبيت شكلها فقررت احاول اقلدها في الشكل والحشوة تقريبا مثلها لاني ما ذقت الاصليه ..

سميتها الفطيرة الايطاليه ولا انا نسيت اسأل عن اسم الحقيقيه


عيالي حبوها مره ويقولو لذيذه وطعمها رهيب زوجي يقول انتِ جايبه الخبز من المخبز ومسويه الحشوة بالبيت


فاتمنى بعد انتظاركم انها تنال اعجابكم ورضاكم واكون وفقت بتقديم شيء جديد لكم


الفطيره الايطاليه

خلوكم معاي ~




مواضيع قد تعجبك:

• الفطيره الايطاليه
• صوص الصلصه الايطاليه , اعداد صوص الصلصه الايطاليه
• الفطيره الايطاليه شكل وطعم
• البيتزا الايطاليه - طريقة عمل البيتزا الايطاليه - البيتزا الايطاليه بالصور
• السلطه الايطاليه - السلطه الايطاليه بالصور روعه - طريقة عمل السلطه الايطاليه

منتديات شبكة حياة - معجنات و سندويشات و فطائر

[شيف حياه]

ندخل على الطريقة








نبدأ بالعجينه

اي عجينة تضبطينها وترتاحي لها

مقادير عجينتي اللي استخدمتها اعطتني 3 فطائر كبيرة

3ونص كاس دقيق (استخدمت دقيق فوم )

1 ملعقة كبيرة خميرة

2 ملعقة سكر

1ملعقة كبيرة حليب بودرة

ملعقة صغيره ملح

3 ملاعق كبيره زيت

ماء دافي للعجن تقريبا كأس وثلث

نعجنها زين ونخليها تخمر على جنب على بال ما نحضر الحشوة

هنا العجينة بعد ما خلصت عجنها









الحشوة ~

مثل مو واضح بالصورة


دجاج مخلي من العظم والجلد ومقطع صغير

بصلة مقطعه

فصين ثوم مهروسين

فلفل احمر مقطع مكعبات

فلفل اخضر مقطع مكعبات

فطر مقطع صغير ( في المرة الاولى ما استخدمته )









نبدأ نحمس البصل بشوي زيت وبعد ما يذبل نحط الثوم وما نطول حمس نضيف الدجاج على طول





بعد ما نحط الدجاج نضيف عليه فلفل اسود مطحون طازج








نقلب لين يتغير لون الدجاج ويبدأ ينشف من المويه بعدها نضيف عليه فلفل احمر حار مطحون ,, وبعدها نضيف باقي الحشوة والملح ونقلب شوي







هذا شكل الحشوة بعد ما استوت ( ما نخلي الخضار تذبل يا دوب تشويح مع الدجاج )






نقسم العجينة 3 اقسام وناخذ او قسم ونرش عليه دقيق






نفردها على شكل مستطيل ( مو لازم يكون مستطيل منتظم ) بعدها نحط الحشوة على الطرف










بعدها نرش الحشوة بجبن موزريلا ونقطع جبن edamبشكل شرائح فوقها ,, بعد كذا ناخذ عجلة تقطيع البيتزا ونعمل فتحات بشكل مائل لكن ما نقطع العجينه كلها ,,نسوي فتحات بس










هذا شكل الفطيرة بعد ما سوينا الفتحات

يتبع حبيباتي ~

[شيف حياه]

بعد كذا نطبق العجينه على الحشوة ونحاول نوسع الفتحات شوي





بعجلة البيتزا نعدل الاطراف ونقطعها عشان تلصق ببعض واذا احتاج الامر اضغطي عليها بيدك عشان نغلق العجينه وما تطلع الحشوة من الاطراف





هنا اسهل لك انك تاخذ ورق زبده او حتى قصديروترشيه بسميد ناعم بعد ما تفردي العجينه تحطيها عليها وتكملي باقي الخطوات عشان ما يصعب عليك نقلها في الصينيه










نخليها 10 دقائق وبعد كذا ندهنا ( حطيت صفار بيضه وملعقة قهوة سائله [نسكافيه مذوبه بماء حار ]وملعقتين حليب بوني سائل) حسب نصيحة حوريه يعطي الخبز لون جنان





ونرش السمسم للي يحبه




ندخلها فرن ساخن ونخليها لين تستوي وتتحمر ,, هذا شكلها وهي توها طالعه من الفرن





نشيلها على شبك عشان ما تترطب وتلين من تحت





كانوا جيعانين مره ولا خلوني اصورها صورة حلوة قطعتها على السريع وقدمتها لهم






اشوفكم في موضوعي ثاني على خير }



.

لأمانه منقول

[زهور الجوري]

بصراحه الي بشوفه روووعه الله يعطيك الف عافيه

[شيف حياه]

هلا فيك ياجوري
عطرتينا بريحة الجوري
ما شاالله انتي متابعه مواضيعي
ولعيونك راح احط مواضيع اكثر

[أوتار حساسة]

تسلم الإيادي حبيبتي عالوصفة الحلوة

دمـــــــتي بخير ..