حلى قهوة روعه وجديد بالصور،

اهات الورد · 02-24-2013, 05:12 PM

مقاديرالطبقة البنية:
2 ك ك حليب بودرة
3/1 ك ك زيت دوار الشمس
2 بيضة بدرجة حرارة الغرفة
1 علبة قشطة
1/2 ك ك سكر
1/2 ك ك ماء
ملعقة صغيرة فانيليا
ملعقة كبيرة بايكنج باودر

الطريقة:
- نحمس الحليب .. ويفضل يكون في صينية كبيرة في الفرن ومشعلة النارمن الأعلى بحيث تكوني جنب الفرن وهو مفتوح وبيد الشوكة وبالثانية تدخلين وتطلعين الصينية ... بيستوي معك بوقت أسرع من لو أنه بقدر على نار الفرن .. تدخلينه الثلاجة عشان يبرد شوي ومايخرب عليك البيض لما تحطينه بالخلاط.
- نضع جميع المقادير الباقية بخلاط الكاس .. ونخلطها جيدا ثم نضيف الحليب المحموس ونخلطه شوي لحد مايتوحد اللون.
- نقسم الخليط قسمين... نصب الخليط الأول في صينية متوسطة وندخله الفرن لحد مايستوي من تحت بعدين من فوق.
- نجهز الطبقة البيضاء بالخلاط ( علبة نستله + 8 كيري).
- نصب الطبقة البيضاء على البنيه وندخلها الفرن .. بس لازم نخلي الصينية بالرف السفلي ونشعل الفرن من فوق على نار هاديه لحد ماتجمد الطبقة البيضاء, لكن ماتحمر.
- نضع باقي خلطة الحليب المحموس, وندخلها الفرن لحد ماتستوي من فوق على نار هادية.
- نبرد الحلا بالثلاجة زين ... بعدين نقطعه على شكل مربعات .. بعدين نقطع المربعات على شكل مثلثات (كل مربع مثلثتين) .. بعدين نطلعه من الصينية ونصفه بصحن التقديم وبالهناء والعافية.