مكدوس الباذنجان السوري

[فاتن بشير]

مكدوس الباذنجان السوري

بتجيبي بيتنجان بلدي احمر مخصوص للمكدوس
بتشيلي منو العقم وبتغسليه وبتحطيه بطنجرة وبتكبسيه بشي تقيل وبضيفي عليه المي وبتحطي ع النار ينسلق لحتى تلاقي الحبة صارت طرية بس مو تكون كتير
بتشيلي من النار وبتصفيه وبتحطي فوقو المي مشان يبرد وحطي بمصافاي وبس برد شوي بتفتحي كل حبة من الطرف وبتحطي فيها ملح خشن هيك لتخلصي
بعدين بتقليهن
افضل طريقة تحطيهن بمصافية ترتبيهن فوق بعض بعدين تثقليهن بشي لحتى تصفي المي ع الاخر بدن يووم كامل
بتكوني انتي مجهزة الحشوة .
عبارة عن فليفلة حمرا منشفتيها بالشمس ومفرومة بالماكينة ومضاف الها الجوز المفروم والملح
احشي البيتنجان ورتبي بالمرطبان وضيفي الو الزيت وسكريه وبعد اسبوع فيكي تاكلي منه

مواضيع قد تعجبك:

• طريقة عمل مكدوس الباذنجان
• فتة الباذنجان - طريقة عمل فتة الباذنجان - فتة الباذنجان بالصور روعه
• مكدوس الباذنجان بالثوم ، وصفة مكدوس الباذنجان
• طريقة تحضير مكدوس الباذنجان بالثوم والكرفس
• طريقة عمل مكدوس الباذنجان

منتديات شبكة حياة - مقبلات و سلطات

[اسماء سمسمه]

مشكوورة اختى

[فاتن بشير]

نورتي عزيزتي