أرجو تفسير الحلم الدعاء في المطر
 

متزوجة وليس لدي أطفال
حلمت أن فيه مطر واننا في أول النهار وانا مبسوطة بالمطر جداً لأنه طبعاً الجو أصلاً حر اليومين دول وباقول الحمد لله الجو حيبدأ يلطف والمطر خير ورحت مشيت لناحية البحر شوفت كأن البحر فيه دوامة كبيرة روحت جريت على جوزي وباقوله تعالى شوف الدنيا بتمطر وشوف الدوامة اللي في البحر وكان الدوامة دي بيخرج منها أشكال زي نجوم بتطلع من الدوامه للسماء والنجوم دي شكلها زي النجوم اللي بنرسمها في الكرتون مش حقيقية
قولت لجوزي يللا أدعي ربنا لعلها تكون ساعة إستجابة ووقتها إحترت ادعي ربنا بأيه هل ادعيه بالذرية الصالحة ( وأنا كنت في الحقيقة لسة عاملة عملية اطفال انابيب وفشلت) ولا ادعيه بانه يخليلي جوزي ويباركلي فيه ( وانا في الحقيقة كنت في مشاكل مع جوزي بسبب الخلفة وكنت بافكر في الانفصال ) فروحت شوفت بطني وهي فارغة من الأجنة وبصيت على السما وقولت يارب راضيني وعوضني خير