جديد الفعاليات
دخول العضوات
07-11-2015, 02:34 AM
| المشاركة رقم: 1 | |||||||||||||||||||||||||||
| ||||||||||||||||||||||||||||
 كنافة بالفراولة من مطبخ الشيف مونى بالصوركل سنة وانتوا طيبين طبعا انا عارفة ان ده مش موسم الفراولة بس هى عندنا فى السوق طول السنة فافتكست الوصفة دى اللى ان شاء الله تعجبكم ومكوناتها كالتالى: نصف كيلو كنافة كوب سيرب بارد(والسيرب هو القطر او الشربات) كوب سمنة سايحة او زبدة كوب كريمة خفق(فريش كريم) كوب فراولة مطبوخة فراولة للتزيين ومكونات السيرب:كوب ونصف سكر وكوب ماء وعصير ربع ليمونة وهنعمله قبل الكنافة بوقت كافى عشان عايزينه ساقع وللفراولة المطبوخة هنحتاج:كيلو فراولة و2 كوب سكر الطريقة: قبل مانعمل الكنافة هنغسل الفراولة ونقطعها ونحطها مع السكر فى كسرولة ونغطيهم ونسيبهم فى التلاجة 3 ساعات عشان الفراولة تجيب ميتها ونشيل الغطا ونحط الفراولة على نار هادية لمدة ساعة تقريبا ونحطها فى التلاجة تبرد وده شكل الفراولة بعد ماساويناها  وهنحط الزبدة السايحة على الكنافة  ونقلبهم مع بعض على نار هادية على البوتاجاز لغاية ماتستوى الكنافة ويبقى لونها دهبى  ونضيفلها كوباية السيرب البارد  ونقلبهم مع بعض  وناخد نص كمية الكنافة نساويها بايدينا فى صينية مقاس 24  ونحضر الحشو فى اناء هنحط كوباية من الفراولة المطبوخة  ونضيفلها كريمة الخفق  ونضربهم بالمضرب الكهربائى لغاية مايمتزجوا ويغلظ الخليط  ونحط الخليط ده على الكنافة اللى ساويناها بايدينا فى الصينية  ونحط فوقه نص كمية الكنافة اللى فضلت ونضغط عليه برفق لأن الحشو طرى  نحط الصينية فى الفريزر لمدة ساعة عشان المكونات تمسك فى بعضها وبعد الساعة نطلعها نقلبها على طبق التقديم وطبعا هى كريمة الخفق او الفريش كريم غير الكريم شانتى خالص بس فى الوصفة دى ممكن نستبدل كريمة الخفق بالكريم شانتى وده شكلها النهائى بعد مازينتها بالفراولة     وبالهنا والشفا مواضيع قد تعجبك:
| ||||||||||||||||||||||||||||
 | ||||||||||||||||||||||||||||
 جديد المواضيع في قسم أطباق من صنع عضوات حياة |
| |
 |
| الكلمات الدلالية (Tags) |
| الشيف , بالصور , بالفراولة , كنافة , مطبخ , من , مونى |
كنافة بالفراولة من مطبخ الشيف مونى بالصور
العرض العادي
| |
الساعة الآن 11:59 AM.