طريقة عمل كنافة بالبلح الأسمر

[فاتن بشير]

طريقة عمل كنافة بالبلح الأسمر

كنافة بالبلح الأسمر
المقادير:
½ كيلو كنافة
½ كيلو بلح أسمر
ملعقة كبيرة قرفة
¼ كيلو زبدة
¼ كيلو سكر
½ ليمونة
كوب ماء
الطريقة:
1- قطّعي الكنافة قطع صغيرة جدا، وبعد كده سيّحي الزبدة على النار في صينية، وحطّي عليها الكنافة وقلّبيها لحد ما تحمرّ.
2- هاتي صينية تانية، وحطّي فيها نصف كمية الكنافة، ووزّعيها في الصينية واضغطي عليها كويس.
3- قشّري البلح وشيلي منه البذر وقطّعيه نصين، وبعد كده رصّي طبقة منه فوق الكنافة ورشّي عليها السكر والقرفة.
4- بعد كده حطّي الطبقة التانية من الكنافة، ووزّعيها كويس، واضغطي عليها بإيدِك جامد، وبعد كده حطّيها في الفرن لمدة نصف ساعة.
5- في الوقت اللي الكنافة بتستوي فيه، حضّري الشربات؛ بإنك تحطّي كوباية مية وعليها كوباية ونصف سكر ونصف ليمونة على النار وتسيبيهم يغلوا، لغاية ما الشربات يتعقد، وأول ما تطلعي الكنافة من الفرن حطّي عليها الشربات.. وبالهنا والشفا.

مواضيع قد تعجبك:

• طريقة عمل بيتزا بالخبز الأسمر للريجيم
• طريقة عمل كعكة العسل الأسود بالبلح - خطوات عمل كعكة العسل الأسود بالبلح
• طريقة عمل كنافة بالجبنة - كنافة بالجبنة بالصور - طريقة تحضير كنافة بالجبنة فى البيت
• كنافة الجبن خطوة بخطوة بالصور،خطوات كنافة الجبن،طريقة كنافة الجبن بالخطوات بالصور
• طريقة عمل طبق الأرز الأسمر مع التونة والبصل الأخضر

منتديات شبكة حياة - حلويات وصفات حلى مكسرات

[نور الريس]

أول مرة أسمع فيها ,, مشكورة وبارك الله فيكي

[فاتن بشير]

الله يبارك فيكي ويسعدك