وبتقولو اكتب فلسطين حره !!!

[غزة حرة]

وبتقولو اكتب فلسطين حره !!!

عطوني قلم وقالولي اكتب يا بدران
اكتب عن الصبية اللي كلها مسك وريحان
اكتب فلسطين حرة وسطرها فوق بعنوان

قلتلهم من عيني .. أغزل أرض كنعان
أرض العزة والنخوة .. اسطورة الزمان
مسكت القلم وبديت خطّي بسم الرحمن

كتبت اول حرف من كلمة وطن
تبعثرت حروفي وفكرى ما اتزن
شو اكتب عن ارض العدو فيها سكن
وزرع الفتنة بين اولادها ولعن
ارض نسيوها رعاتها ولفو كرامتهم بكفن
وصارو للكراسي عُبّاد
من تحتيهم فاح العفن
نسيو الاسير والجريح
والشهيد اللي دفع الثمن
دفع روحه لأجل الارض اللي سميناها وطن

شو أكتب يا ناس احكولي
حتي القلم منا خجل
والله القلم منا خجل
وحبره دمع على عجل

نفسه ينطق .. يصرخ .. ينادي

يا ناس ارحموني مليتوني علل
كل يوم شعارات بأبيات وجمل
ولا شايفين من كلامكو الا الزلل
مهما كتبتو فيني وبشتى السبل
من غير وحدة للنصر مافي أمل

قالولي ليش هيك اتذمرت

الحكاية بسيطة ..

اكتب فلسطين حرة ..

وشو حياتنا غير شعارات

صفنت بذهول .. وكلمت نفسي
لهالدرجة وصلنا ! صرنا جمل وكلمات ؟
ايوه صرنا بس جمل وكلمات
دم الشهيد رخص والاحساس فينا مات
تاريخنا بطّل فخر ..
صرنا نختصره بعبارات
اللي ضحى بنفسو عشان أرضو
واللي انجرح وبكى واخفا الدمعات
وشاف حالنا اليوم .. هيموت الاف المرات
كيف كنا نحيا بكرامتنا وعزتنا
واليوم صارو يعدونا من الاموات
الله اكبر عليكم .. صفو هالنيات

كيف اكتب فلسطين حرة
والكل فيها أسير
كيف أكتب فلسطين حرة
والشعب فيها ضرير
البيوت ما بتسلم من التدمير
والشجر بياخد نصيبه من التكسير
وناسها تعيش بألم مرير
والكل بايعها وبايع الضمير
اللي بيدفع اكثر له نصيب فيها كبير
لحد ما مات الوطن حسرة عاللي بصير

وبتقلولي إكتب فلسطين حرة ..!!

مواضيع قد تعجبك:

• تكفووووووووووووووون,حللللللل,اكتب,وابكي
• اكتب اسمك واعرف وجبتك
• ابي حل تكفووووووووون اكتب وانا ابكي من قمة الحزن
• كيف استطيع أن اكتب مشاركتي ساعدوني
• اكتب الوزن اللي تتمنى توصل لهـ ..

منتديات شبكة حياة - المجلس العام