منتديات شبكة حياة

منتديات شبكة حياة (http://www.hayah.cc/forum/)
-   أطباق من صنع عضوات حياة (http://www.hayah.cc/forum/113/)
-   -   طريقة بسكويت الايس كريم وايس كريم الليمون من مطبخ الشيف مونى بالصور (http://www.hayah.cc/forum/t155776.html)

الشيف مونى 05-09-2015 04:54 PM

طريقة بسكويت الايس كريم وايس كريم الليمون من مطبخ الشيف مونى بالصور
 
السلام عليكم و رحمة الله و بركاته

كل صيف وانتوا طيبين وبمناسبة الصيف من الاسبوع ده ولغاية رمضان ان شاء الله هنزل وصفة ايس كريم كل اسبوع والمرة دى عملت بسكوتة الايس كريم فى البيت بطريقة سهلة جداااااااااااااا الكل يقدر يعملها وانا معنديش ماكينة الأيس كريم ومفيش اى مشاكل بعمل كل انواع الايس كريم وبتطلع احلى من الجاهز

مكونات البسكوتة:(اخدت مكوناتها وطريقتها من الشيف/أسامة السيد)
ربع كوب زبدة سايحة
نصف كوب سكر بودرة
2 بياض بيض
فانيليا
نصف كوب دقيق

مكونات ايس كريم الليمون:

بشر 2 ليمونة
كوب الا ربع سكر
نصف كوب عصير ليمون
كوب فريش كريم
كوب حليب
فانيليا
ملعقة كبيرة عسل جلوكوز (ممكن نستبدلها بعسل نحل)
الطريقة
اول حاجة بالنسبة للبسكوت
فى اناء هنحط السكر البودرة والزبدة السايحة
http://www.hayah.cc/forum/img1434/ha...176100_594.jpg
ونضربهم بمضرب البيض
http://www.hayah.cc/forum/img1434/ha...176106_642.jpg
ونضيفلهم بياض البيض والفانيليا
http://www.hayah.cc/forum/img1434/ha...176106_159.jpg
ونضربهم مرة تانية
http://www.hayah.cc/forum/img1434/ha...176107_833.jpg
واخر حاجة نضيفلهم الدقيق وبسكويت الايس كريم مفيهوش بيكنج بودر طبعا
http://www.hayah.cc/forum/img1434/ha...176108_575.jpg
ونضربهم بالمضرب لغاية ماتمتزج المكونات
http://www.hayah.cc/forum/img1434/ha...176108_162.jpg
وفى مقلاة تيفال هنحط نقطة زيت وناخد معلقة كبيرة من عجينة البسكوت نشكلها على شكل دايرة
http://www.hayah.cc/forum/img1434/ha...176109_109.jpg
وممكن نكبر حجمها حسب رغبتنا
http://www.hayah.cc/forum/img1434/ha...176109_323.jpg
هندخلها فرن متوسط الحرارة وبمجرد ان الاطراف تحمر هنطلعها من الفرن عشان نعرف نشكلها وهى سخنة
http://www.hayah.cc/forum/img1434/ha...176110_884.jpg
واول مايطلع وهو سخن هنحطه على ظهر كوب عشان يدينا شكل جميل ساعة التقديم
http://www.hayah.cc/forum/img1434/ha...176099_569.jpg
وممكن نلفه على شكل كورن وهينشف بعد التشكيل فى اقل من ربع ساعة
وبالنسبة لأيس كريم الليمون فى الفود بروسيسور هنحط عصير الليمون وبشر الليمون
http://www.hayah.cc/forum/img1434/ha...176099_882.jpg
والسكر وعسل الجلوكوز
http://www.hayah.cc/forum/img1434/ha...176101_361.jpg
والحليب والفانيليا
http://www.hayah.cc/forum/img1434/ha...176101_750.jpg
والفريش كريم
http://www.hayah.cc/forum/img1434/ha...176102_450.jpg
ونشغل عليهم على أقصى سرعة لغاية ماتمتزج المكونات والخليط يغلظ وهنحطه فى علبة محكمة الغلق
وممكن نعمل كل الخطوات دى فى الخلاط مش لازم فى الفود بروسيسور
http://www.hayah.cc/forum/img1434/ha...176102_538.jpg
ونقلبه كل 3 ساعات عشان ميكونش كتل تلجية
http://www.hayah.cc/forum/img1434/ha...176103_740.jpg
ونقدمه تانى يوم بعد مايكون جمد وزينته ببشر الليمون وده شكله النهائى مع البسكوته اللى عملناها
http://www.hayah.cc/forum/img1434/ha...176104_356.jpg

http://www.hayah.cc/forum/img1434/ha...176104_621.jpg

http://www.hayah.cc/forum/img1434/ha...176105_621.jpg
وبالهنا والشفا

محبة الاسلام 05-09-2015 09:02 PM

رد: طريقة بسكويت الايس كريم وايس كريم الليمون من مطبخ الشيف مونى بالصور
 
بارك الله فيك


الساعة الآن 06:19 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO