تارت الفواكه

[assal sabry]

تارت الفواكه

المقادير :
كاسين طحين
بيضة وصفار بيضة
كاس سكر بودر
كاس زبدة اي 200غرام طرية بحرارة الغرفة
فانيلا
رشة ملح.. مقادير الحشوة عبارة عن كريم باتسييري :
كاسين حليب
نص كاس سكر او زيادة حسب ما تحبي حلاوتها
صفار تلات بيضات
عودين فانيلا
اربع ملاعق نشا لو النشا من النوع الي بيجمد بسرعة خليهم تنتين
الطريقة :
تخفقي الزبدة مع السكر ليصير عندك خليط كريمي ابيض بتضيفي البيض وحدة وحدة مع الفانيلا وازا حبيتي بتحطي بشر برتقال او ليمون وبتخفقي .. بتوقفي خفقي وبتضيفي الطحين وبتقلبي بملعقة خشب لحد ما تتشكل عندك عجينة طرية بتحطيها بالتلاجة ساعة وبعدها بترقيها بين طبقتين ورق زبدة وبتقطعيها حسب حجم القالب الي بدك تخبزيها فيها قالب تارت صغير كبير حسب ما بدك لكن لو كان القالب المونيوم بتدهنين بشوية زبدة ورشة طحين مشان يسهل يطلع معك ولو سيلكون بس بزبدة .. ولو بقزاز او بايركس حطي ورق زبدة .. وبتضغطي العجينة بالقالب وبتخزقي القاعدة بشوكة مشان ما تنفخ ... او بتحطي عليها ثقل فوق ورق زبدة اي يتغطيها بورق زبدة وبتحطي اي نوع من انواع البقوليات .. وبتخبزيها بفرن درجة حرارته متوسطة 180 لمدة 15 دقيقة او اقل من تحت لتتحمر بتخبزيها من فوق لتشقر .. بتتركيهم يبردو وبستخدميهم
طريقة الحشوة (كريم باتسييري):
بتحطي كاسين الحليب او الكريمة السائلة مع عود الفانيلا مع خلاصته الي طلعتيها بالسكين .. مع السكر حسب التحلاية المطلوبة ... ليغلي بتكوني خفقتي صفار البيض مع باقي اربع ملاعق سكر ليصير لونه ابيض يفتح بتحطي النشا وبتخفقيهم مع بعض بتاخدي كمية صغيرة من الحليب المغلي وبتخلطيهم مع بعض وبعدين بتصبيهم ع الحليب المغلي وبتحركي الخليط بالمضرب اليدوي مشان ما يتكتل لحد ما يجمد بتطفي عليه النار وبتغطيه بنايلون مشان الطبقة الفوق ما تنشف وبس يبرد بتحشي فيه التارت وبتحطي عليه شرايح فواكه مشكلة وبتلمعيها اما بجيلاتين مدوب بمية او بشوية مربي مدوبين بمية ساخنة

مواضيع قد تعجبك:

• تارت الفواكه بالصور , خطوات تحضير تارت الفواكه
• أطباق من صنع عضوات حياة | مشاركات: 10">تارت الفواكه من مطبخ عطر الورد79
• طريقة تحضير تارت بالقشطة - مقادير تارت القشطة
• تارت الشوكولا - كيفية تحضير تارت الشوكولاته - تارت الشوكولا بالصور
• تارت التين - تارت التين مع اللوز المبشور - طريقة عمل تارت التين بالصور

منتديات شبكة حياة - حلويات وصفات حلى مكسرات