تورتة الفاكهة والشوكولاته للمبتدئات من مطبخ الشيف مونى بالصور
 

السلام عليكم ورحمة الله

حبيت اعمل التورتة البسيطة دى بطريقة سهلة للكيك الاسفنجى والحشو والتزيين عشان اى مبتدئة فى التورتات تقدر تعملها لو عندها مناسبة

مكونات الكيكة:

2 كوب دقيق

2 ملعقة صغيرة بيكنج بودر

5 بيضات كبار

فانيليا

كوب سكر

مكونات كريمة الزبدة للحشو:

250 زبدة طرية غير مملحة

150 جرام سكر بودرة

6 ملعقة كبيرة حليب

فانيليا

وللتغليف والتزيين هنحتاج:

2 كوب كريم شانتى مخفوق

شرائح اناناس (كمبوت)

شرائح خوخ (كمبوت)

شرائح كيوى

جيلى تلميع

كريز

بندق

جوز هند اصفر

جناش شوكولاته ومكوناته:

2 كوب شوكولاته مقطعة

كوب فريش كريم

ملعقة كبيرة عسل جلوكوز وممكن نستبدلها بعسل نحل

الطريقة:

اول حاجة هنعمل الكيك

فى اناء هنحط البيض والفانيليا
http://www.hayah.cc/forum/img1434/ha...968350_614.jpg
ونضربهم بمضرب البيض لمدة لاتقل عن دقيقتين
وفيه ناس هتقول كمية البيض دى قليلة بس انا شايفاها مناسبة والموضوع مش بالكمية اهم حاجة مدة الخفق ده اللى بيفرق فى النتيجة
وهيعملوا رغاوى
http://www.hayah.cc/forum/img1434/ha...968352_131.jpg
ونحط عليهم كل كمية السكر
http://www.hayah.cc/forum/img1434/ha...968353_852.jpg
ونضربهم على اقصى سرعة لمدة لاتقل عن 10 دقايق متواصل
http://www.hayah.cc/forum/img1434/ha...968353_329.jpg
لغاية مايتكاثف ويفتح لونه وقوامه يبقى كريمى ويعمل علامة زى الشريط او رقم 8 لما نشيل من عليه المضرب
http://www.hayah.cc/forum/img1434/ha...968354_264.jpg
وهننخل الدقيق والبيكنج بودر ونحطهم على الخليط
http://www.hayah.cc/forum/img1434/ha...968354_144.jpg
ونقلبهم من فوق لتحت وبالاسباتيولا برفق
http://www.hayah.cc/forum/img1434/ha...968354_585.jpg
لغاية ماتختفى كل كمية الدقيق ونحطها فى صينية مدهونة مقاس 24
http://www.hayah.cc/forum/img1434/ha...968355_675.jpg
وخبزتها فى فرن منخفض الحرارة وطبعا كل شخص فرنه يختلف عن التانى واختبرتها وطلعتها
http://www.hayah.cc/forum/img1434/ha...968356_211.jpg
ودى اسهل طريقة للكيكة الاسفنجية واحلاها طعما بتتعمل بسرعة ونتيجتها مضمونة ومكوناتها متوفرة وسهلة بالنسبة للكل
وهنعمل كيكة تانية بنفس المكونات والطريقة وهيبقى عندنا كيكتين عشان التورتة يبقى ارتفاعها عالى
ولما نطلعهم من الفرن نقلبهم على ورق خبز
http://www.hayah.cc/forum/img1434/ha...968350_101.jpg
ونسيبهم فى التلاجة لمدة يوم كامل عشان يتماسكوا
وتانى يوم نطلعهم ونجهز ادوات التقطيع والحشو
http://www.hayah.cc/forum/img1434/ha...968351_294.jpg
وهنقسم كل كيكة ل2 هيبقى عندنا 4 شرايح كيك
http://www.hayah.cc/forum/img1434/ha...968351_827.jpg
وهنجهز كريمة الزبدة للحشو
فى اناء هنحط الزبدة
http://www.hayah.cc/forum/img1434/ha...968352_977.jpg
تاااااااااااااااااابعونى

رد: تورتة الفاكهة والشوكولاته للمبتدئات من مطبخ الشيف مونى بالصور
 

ونضربها بالمضرب دقيقة تفك ونضيفلها السكر البودرة
http://www.hayah.cc/forum/img1434/ha...968385_622.jpg
ونخفقهم بالمضرب على اعلى سرعة لغاية الخليط مايبقى لونه فاتح وهش وكريمى
ونضيفلهم الحليب والفانيليا
http://www.hayah.cc/forum/img1434/ha...968385_969.jpg
ونخفقهم مرة تانية لغاية مايمتزجوا
http://www.hayah.cc/forum/img1434/ha...968386_773.jpg
ونبدأ نحشى بيها الكيكة بس قبل مانحط كريمة الزبدة على الكيك هنسقى الكيك بمياه شرائح الخوخ والاناناس المعلب (الكمبوت) لأن طعمها حلو ومسكر وده حسب رغبتكم
http://www.hayah.cc/forum/img1434/ha...968387_934.jpg
http://www.hayah.cc/forum/img1434/ha...968387_523.jpg
وفيه ناس هتقول كريمة الزبدة تقيلة ودسمة هى بالنسبالى عادية بس لو شايفنها تقيلة ممكن تستبدلوها بكريم شانتى مثلا
وبعد مانخلص حشو الكيك بكريمة الزبدة هنغلفها من برة بالكريم شانتى
http://www.hayah.cc/forum/img1434/ha...968388_993.jpg
وهنعمل فاصل بودردات الكريم شانتى فى نص الكيكة عشان هنعمل نص فاكهة ونص شوكولاته
ونبدأ نحضر الجناش
فى كسرولة هنحط الفريش كريم
http://www.hayah.cc/forum/img1434/ha...968388_998.jpg
ونشغل عليه نار هادية لغاية مايغلى واول مايغلى نطفى ونضيفله الشوكولاته المقطعة
http://www.hayah.cc/forum/img1434/ha...968389_620.jpg
ونقلبها لغاية ماتدوب جوة الكريمة ونضيفلهم معلقة عسل الجلوكوز
http://www.hayah.cc/forum/img1434/ha...968389_446.jpg
ونقلبه لغاية مايدوب وفايدة عسل الجلوكوز انه بيدى للجناش لمعة وممكن نستبدله بعسل نحل
وكده الجناش بقى جاهز
http://www.hayah.cc/forum/img1434/ha...968390_935.jpg
هنسيبه يبرد شوية وهنحطه على نص التورتة والنص اللى عليه الجناش فى الجنب هنحط جوزه هند اصفر ومن فوق كريز وبندق
والنص التانى هنرص الفاكهة وفى الجنب هنحط شرايح اناناس ووردات كريم شانتى وهنلمع الفاكهة بجيلى التلميع بعد مانسخنه على النار وده شكله وهو طبعا بيتباع فى محلات خامات الحلويات ومتوفر جدا
http://www.hayah.cc/forum/img1434/ha...968390_837.jpg
وده شكل التورتة النهائى
http://www.hayah.cc/forum/img1434/ha...968391_947.jpg
http://www.hayah.cc/forum/img1434/ha...968392_714.jpg
والطعم مش هقولكم عليه انتوا هتجربوه بنفسكم وهتدعولى
بالهنا والشفا

رد: تورتة الفاكهة والشوكولاته للمبتدئات من مطبخ الشيف مونى بالصور
 

تسلم ايدييييكي روعة

رد: تورتة الفاكهة والشوكولاته للمبتدئات من مطبخ الشيف مونى بالصور
 

هايلة بجد يسلم ايديكي ويعطيكي ألف عافية

رد: تورتة الفاكهة والشوكولاته للمبتدئات من مطبخ الشيف مونى بالصور
 

موضوع اكثر من رااائع يسلمو اختي