منتديات شبكة حياة - أسهل طريقة لعمل مايونيز منزلي شهي وصحي بدون بيض

http://www.foxpic.com/VwuKCI9q.jpg

هاد المايونيز هو نفس طعم المايونيز المستخدم مع الشاورما و دجاج البروستد
طعمه كتير لذيذ و بدون استخدام البيض النيء الذي يمكن أن يسبب الأمراض

المقادير

كاسة ماء
معلقة و نص كبيرة نشا
عصير نص ليمونة او نص معلقة صغيرة ملح ليمون
فص او تنين ثوم حسب الرغبة
3\4 فنجان زيت قلي
رشة ملح حسب الرغبة.

وبإمكانكم أن تضاعفو الكميات حسب الحاجة

الطريقة

نضع كاسة الماء في طنجرة صغيرة (ما تكون كبيرة حتى ما يضيع الماء و بندوب النشا فيها .

ونضعها على النار و بنحرك لحتى تجمد متل المهلبية بس بكون لونه شفاف (متل الفازلين) و عادي لو كانت جامدة كتير ما بهم .

بعدها بنطفي النار و بنترك هاي الخلطة لحتى تبرد طبعا بنغطيها .... لانه اذا ما غطيناها رح تعمل طبقة قاسية متل القزاز ...
و بنتركها لحتى تبرد ع الاخر و اذا قبل بيوم بكون احسن .

بعد ما تكون بردت بنحطها في ابريق الخلاط و بنشغل ....
ممكن لانها جامدة تلاقي صعوبة في حركة الخلاط وقتها بنضيف عصير الليمون " او ملح الليمون مع شوية ماءلحتى تصير حركة الخلاط سهلة يكون المزيج متجانس و ما يكون رخو كتير

عندها بنضيف الثوم و بننزل بالزيت خيط رفيع و هو الخلاط شغال رح يصير الخليط متجانس و لونه ابيض و بلمعة نفس المايونيز .

جربوه مع الشاورما و البروستد و حتى سلطة الملفوف او البطاطا المقلية