|
تجربتي مع رجيم 5 كيلو في الأسبوع أنا خسيت 5 كيلو في الأسبوع مين نفسها ترجع قوامها المتناسق وشكلها وصحتها وتحافظ علي نفسها ،أكيد كله بيقول هبدأ بكره وبكره مش بييجي عشان مفيش دعم كلنا لازم نشجع بعض تجربتي مع رجيم 5 كيلو في الأسبوع مع تمارين خفيفة كل يوم بسم الله __________________ برنامج الأسبوع الاول الفطار موحد لجميع الأسبوع عباره عن قطعه جبن بالكمية التي تحبيها ( المفروض قريش ولكن انا استعملت الجبنه الفيتا ) (فى الاول حتحسي انك عايزه تاكلى العلبه كليها ميهمكيش الاحساس دا حيقل مع الوقت)+ 2توست +معلقه عسل نحل او معلقه مربي + نسكافيه 2×1 (وهاتى اى محلى تستعمليه بلاش السكر ) ******************************* العشا موحد طول الاسبوع عباره عن زبادى 1 أى نوع بس المهم خليه خالي الدسم وحبتين فاكهه أى نوع بس العنب لو استعملتيه خدى كمية قليلة ******************************* غدا اليوم الأول عندنا ربع فرخه وطبق شوربه خضار وطبق سلطه خضرا و4 معالق رز ممكن تقطعى الربع فرخه فى شويه ميه وملح وبهارات وتسقطى الخضار فيهم وبكدا يبقى عندك شوربه طعمها حلو وممكن الصدر مسلوق أو مشوي أو تعملى لولادك فراخ فى الكيس فى الفرن وتاخدى ربع المهم دبري أكل الاولاد وزوجك معاك يعنى يوم الفراخ يكونو معاك وهكذا علشان تريحى نفسك ****************************** غدا اليوم التانى قطعة لحمه مشويه او مسلوقه + طبق شوربه خضار +طبق سلطه كبير + 4 معالق رز ***************************** غدا اليوم الثالث عليه تونه +طبق سلطه +رغيف سن او اسمر ***************************** غدا اليوم الرابع نص كيلو سمك مشوي او صنيه فى الفرن من غير زيت +طبق سلطه كبيررر +4 معالق رز *************************** غدا اليوم الخامس ربع فرخة مسلوقه أو مشويه +ربع كيلو بطاطس مسلوقه ونحط عليها ملح وكمون من غير دهون +طبق سلطه ********************* اليوم السادس علبه تونا +طبق سلطه كبير +رغيف سن او اسمر **************************** غدا اليوم السابع علبه فول ساده عليها فلفل وطماطم وبصل ومعلقه زيت+طبق سلطه كبير +رغيف سن أو أسمر ملحوظه احتفظي بعلبة زبادى وخليها عندك فى المطبخ قيسي بيها الرز يبقى كل يوم كلي رز بمقدار العلبه *اطبخى لأبنائك نفس يومك يعنى فراخ يوم الفراخ وسمك يوم السمك ،اقلي لهم وانتى حطى سمكه نص كيلو فى الفرن تحتها طماطم ومبهره وليمون بتطلع حلوه *الرز استعملى رز البيت اللى طبخاه لأبنائك *اكتبي البرنامج وعلقيه على الثلاجه وبالصحه والعافيه يارب |
| الساعة الآن 02:09 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO