منتديات شبكة حياة

منتديات شبكة حياة (http://www.hayah.cc/forum/)
-   أطباق من صنع عضوات حياة (http://www.hayah.cc/forum/113/)
-   -   ايس كريم الشوكولاته من مطبخ الشيف مونى بالصور (http://www.hayah.cc/forum/t147936.html)

الشيف مونى 05-28-2014 04:00 PM

ايس كريم الشوكولاته من مطبخ الشيف مونى بالصور
 
السلام عليكم ورحمة الله
وأخيرا نزلت الايس كريم شوكولاته بناءا على طلبكم ويارب يعجبكم ان شاء الله
بس المرة دى هنعمله بطريقة مختلفة شوية وهى اساس الايس كريم

المكونات:
كوب ونصف حليب
كوب كريمة لبانى
صفار 3 بيضات كبار

2 ملعقة كبيرة سكر
200 جرام شوكولاته مبشورة
فانيليا
الطريقة
هنحط صفار البيض مع السكر فى اناء
http://www.hayah.cc/forum/img1434/ha...278460_759.jpg
هنخفقهم بالمضرب الكهربائى كتير جدا لغاية مايدوب السكر والمزيج يغلظ ويبقى لونه ابيض وقوامه كريمى

http://www.hayah.cc/forum/img1434/ha...278461_983.jpg
هنغلى الحليب ونضيف نصه على الصفار اللى ضربناه

http://www.hayah.cc/forum/img1434/ha...278461_491.jpg
ونخفقهم بسرعة ونحطهم على بقية الحليب المغلى
http://www.hayah.cc/forum/img1434/ha...278461_884.jpg
ونشغل عليهم نار هادية ونحركهم باستمرار حتى يغلظ المزيج ويبقى زى الكريمة وهى دى اساس الايس كريم بتاعنا ونطفى النار ونضيفله الكريمة اللبانى والفانيليا

http://www.hayah.cc/forum/img1434/ha...278462_535.jpg
ونقلبهم كويس ونصفى الخليط ده بمصفاه ناعمة قبل مانضيفله الشوكولاته وهنصفيه ببطء لغاية مالخليط كله ينزل من المصفاة
http://www.hayah.cc/forum/img1434/ha...278462_141.jpg
ونقلب الخليط بعد مانصفيه بمعلقة عادية تقليب بسيط ونسيح الشوكولاته على حمام مائى ونضيفها للخليط بتاعنا

http://www.hayah.cc/forum/img1434/ha...278462_836.jpg
ونقلبهم كويس جدا عشان يمتزجوا وممكن نضربهم بالمضرب الكهربائى لمدة اقل من دقيقة عشان يمتزجوا كويس فقط
ونحط الايس كريم بتاعنا فى علبة محكمة الغلق
http://www.hayah.cc/forum/img1434/ha...278463_464.jpg
ونحطه فى الفريزر ونقلبه كل 3 ساعات عشان ميكونش كتل تلجية
http://www.hayah.cc/forum/img1434/ha...278463_919.jpg
وقدمته تانى يوم وزينته بشوكولاته مبشورة
وده شكله النهائى وبصراحة طعمه اكثر من رائع
http://www.hayah.cc/forum/img1434/ha...278459_536.jpg
http://www.hayah.cc/forum/img1434/ha...278460_357.jpg
طبعا اكيد فيه كزا طريقة لأيس كريم الشوكولاته غير دى انتو اختارو الاسهل بالنسبالكم او اللى يريحكم

اول حاجة بالنسبة للبيض فيه ناس هتقول البيض نى طبعا البيض مش نى احنا ساويناه فى الحليب على نار هادية فالبيض مستوى كويس جدا جدا يعنى كأننا سلقنا بيض مخفوق بس فى الحليب وفيه ناس هتقول البيض هتبقى ريحته باينة فى الايس كريم بردو لاء متنسوش اننا حطينا فانيليا غير ان الشوكولاته بتبقى هى الغالبة فى اى حاجة بتتضاف ليها

بالنسبة للكريمة اللبانى هى نفسها الكريمة السائلة وهي كريمة خاصة بالحلويات وتكون مصنوعة من الحليب الكامل الدسم وتستعمل في الطهي وتزيين الحلويات وهى نفسها كريمة الخفق وانا بشتريها جاهزة من السوبر ماركت وهى غير الدريم ويب وغير الكريم شانتى وطبعا هى بتبقى اساسية فى عمل الجناش اللى بنستخدمه فى التورتات
وممكن نستبدلها بحليب كامل الدسم بس فى الوصفة دى احنا استخدمنا حليب كامل الدسم فالاحسن نستخدمها نفسها وانا بحب اضيفها للايس كريم واى حلويات لأنها بتخلى الطعم غنى وانا مجربتش اى بدائل تانيه ليها لغاية دلوقتى

يارب موضوعى البسيط ده يكون عجبكم

احمدك يارب 05-28-2014 06:36 PM

رد: ايس كريم الشوكولاته من مطبخ الشيف مونى بالصور
 
ماشاء الله عليكي
ابدعتي تسلمي

mero252 06-16-2014 05:03 PM

رد: ايس كريم الشوكولاته من مطبخ الشيف مونى بالصور
 
يعطيك الف عافيه

Eng Dina 03-26-2015 07:26 PM

رد: ايس كريم الشوكولاته من مطبخ الشيف مونى بالصور
 
روووووووعة
تسلم ايدك


الساعة الآن 01:45 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO