أكلات صحية من كل الأصناف( 1)

[أميمة سليم]

أكلات صحية من كل الأصناف( 1)

كيف أحوالكن يا أحلي عضوات (أزيكنننننن)يارب تكونو دائما بخير
هقول لكن وجهة نظري عن الأكل والطبخ وكده: اللي بيعرف يطبخ في نظري هو اللي بيعرف يعمل الأكل اللي طعمه حلو وما بيتخنش وصحي يعني يعملوا بطريقه صحيه ويعرف يحول الأكلات التقليدي المتسبك والمقلي واللي فيها دهون ضارة لأكل صحي يعني الواحد لما ياكل منه ما يحسش بتخمه وكده وما يتسببش في أمراض للي هيكلو علي المدي الطويل أو القصير
خامس حاجه حاولت الفترة اللي فاتت أحول كل الأكلات الجديده واللي هي مش تقليديه واللي يعتبر حديثه لأكلات صحيه ومن ضمن الحلويات طبعا (بالمنسبه في البيت بيسموني ميمو حلويات بس أنا بردوه بحاول أكلها بحساب لأنها حتي لو صحيه بتخن وكترها ممكن يجيب أمراض زي السكر وغيره وطبعا المسرفين أخوان الشياطين) أما بخصوص الأكل التقليدي زي الخضار وغيره فماما جزاها الله خيرا هو والبيتزا علمتنا نعملوا بطريقه صحيه لأنها وإحنا صغيرين كانت تاتا بتقولها الأطفال ما يكلوش الأكل المسبك والمقلي وكده فماما قالت يعني مدام مضر للصغيرين يبقي أكيد مضر للكبار وبقت تعمل الأكل من غيرتسبيك ونجحت في أن هيه تعملوا ويكون جميل
فأنا جاتلي فكرة في أن أعمل سلسلة لأكلات صحية من كل الأصناف وكل مرة ققول لكن علي أكلة او طبخة معينة .
و في هذا الموضوع هبتدي معاكم بالبان كيك الصحي اللي مابيتخنش ومش مضر وبالعكس مفيد وممكن تعملي معاه إضافات كثيرة ويكون فطار أو عشاء إن شاء الله لاكن طبعا لازم مانأكل قبل الأكل بساعتين علي الأقل ونأكل الأكل الصحي ونبتعد عن غيره حتي لايتكون لدينا (عندنا يعني ) كرش ولا نزيد في الوزن (مانتخنش )وأيضا من تريد تثبيت وزنها أو أنقاصه تفعل ذلك (يعني كمان اللي عاوزةتخس أو لا تتخن تعمل كده ) .
البان كيك الصحي

أولا المقادير :

• 1)كوب و ربع دقيق يفضل دقيق قمح كامل مخلوط مع دقيق أبيض (أنا عن نفسي عملتوا بدقيق قمح كامل فقط وإذا أرتي تعمليه بالكاكاومثل ما أنا عملته أحذفي من كمية الدقيق ملعقة ونصف كبار وضعي بدلهم كاكاو خام وفي الحالة هذه زودي السكر معلقة علي الأقل كبيرة )
• 2)كوب لبن يفضل منزوع الدسم
• 3)ربع كوب سكر يفضل البني
• بيضتين
• 4)فانيليا
• 5)معلقة صغيرة بيكينج باودر
• 6)رشة ملح
• المقادير هتعمل حوالي 6 بان

ثانيا الطريقة: تخلط جميع المقادير ثم يصب مقدار نصف مغرفة في طاسة ومدهونة بمعلقة زيت أو زبدة (التعديل بتاعي هو أن الطاسة تكون تيفال أو أي طاسة غير لاصقة وتسخنيها جدا حدا من غير ما تدهني زيت أو زبدة وبعدين توطي علي النارمن ناحية التعليه مش الطفي يعني تخفضي الحرارة بحيث تكون مابين المتوسطة والخفيفة ) ) .. ثم تقلب على الجهة الأخرى(أو ل ماتلقيها عملت زي خرم أوثقوب من فوق يبقي بتقول لو سمحتي ققلبيني قبل ما أتحرق من تحت ف تقليبيها بسبتيولامفرودة خشب أو معلقة خشب مش أي نوع تاني طبعا تفكيها من الجناب الأول وبعدين تدخلي السبتيولا في النص وتقلبي مش هتاخد دقيقتين ) حتى تستوي على كل ناحية.. امسحي الطاسة بالزيت قبل كل صبة عجين لعدم الالتساق.(طبعا أنا لا أمسح بلزيت أو الزبدة لأن كده هتبقي زي الحاجات المقلية وبعملها زي ما قولتلكم) .


ثالثا أقتراح: ممكن بعد ما تبرد(شوية صغيرة )قليلا نضع عليها رشة زيت أي نوع تفضليه وعلي فكرة أنا بعمل البيض في الطاسة ( المقلي بس طبعا مبيبقاش مقلي ) بنفس الطريقة بتاعة البان مع الفرق أني بغطي عليه بغطي محكم وبسيبه وأنا وضعاه علي درجة حرارة قليله (يعني بوطي عليه خالص )خمس دقائق وبيكون أستوي ليس أكثر وإلا .....هيتحرق وإذا ما كان نضج (أستوي) بسيطه غطي عليه وسبيه شويه كمان أو ققلبيه بنفس طريقة البان ودقيفة وأطفي وضيفي رشة الزيت علي الوجه هيكون زي المقلي جربيه وهتدعيلي ووبالهنا والشفا

رابعا الإضافات: ممكن نضع رشة عسل وعليها فواكه وممكن شيكولاته دارك سايحة وممكن مشروب أوكوب لبن (حليب)وممكن زبادي مخلوط مع أي نوع فاكهه وممكن تحطي سكر صحي في طاسة معه شوية قرفه وشوية موز أو تفاح (بيبقي ياي مقلوكوش ) بيكون روووعه بس ده يكون مقبلات مش فطار لأن طبعا لازم السكريات في الفطار خصوصا للصغار تكون ليست كثيرة يعني الزيادي ونوع فاكهه يكون أحسن لان البان نفسه في سكر

• وهذة صورة لبان كيك بالكاكاو صحي عملته مع شيكولاته دارك علي الوجه
• 
• وهذة صور لأكلات عادية حولتها لأكلات صحية وإذا أردتن أي واحده منهم أو أي أكلة أخري أكتبولي في الرد علي الموضوع وإن شاء الله تكون في الموضوع القادم أترككم مع الصور وتعليقي عليها :
• 
• كيك صحي و بزينات مختلفة وصحية أصبح تور ته
• 
• أول صف من اليمين إلي الشمال مهلبية البرتقال الصحية وكيك مزين بالفواكه
• ثاني صف من اليمين إلي الشمال أصابع الجلاش الحلو بحشو الموز والقرفة والزبيب والبلح والسوداني وجوز الهند ثم مهلبية البطيخ ثم نفس الأصابع السابقة
• 
  
• أول صف من اليمين إلي الشمال مربي فراولة و بسكويت أنواع
• ثاني صف من اليمين إلي الشمال مهلبية موز وكيك بالكاكاو بصوص الفراولة وكيك صحي بالفانليا
• ثالث صف من اليمين إلي الشمال بعجينة البان عملت كريب محشي وبان بالفناليا ونفس الكريب وكنافة وقطايف بطريقة صحية
• رابع صف من اليمين إلي الشمال سلطة بنجر من تأليفي وكانت لذيذة وكفتة ما ما اللي في الحلة بالفحم (أنا اللي عمله اللي في الصورة )وسلطة بنجر وكبد وأوانص وشوربة شوفان وكوسة وبازنجان وفراخ بانيه في الفرن مش مقلية وتحتها بيكون شرائح بصل .
• 
  
• أول صف من اليمين إلي الشمال البان وشوربة عدس وكوسة ومكرونة بالبشاميل
• ثاني صف من اليمين إلي الشمال بوريك محشي في الفرن مش مقلي وبيتزا
• 
  
  
• أول صف من اليمين إلي الشمال الكوسة والمكرونة بالبشامل الصحية والمكرونة الصحية بالصلصة والفراخ والكوسة والباذنجان البنيه في الفرن الصحية
  ثاني صف من اليمين إلي الشمال بوريك بحشو حلو والكنافة المحشية والقطايف الصحية والمكرونة بالبشامل الصحية
• ثالث صف من اليمين إلي الشمال البوريك الحلو بد مانضج وصورة للبوريك الحلو والحادق وصورة وهما قبل التسوية (ممكن نفس العجينة يعمل منها فطائر وأشياء آخري )
• يارب تكون الصور والأكلات عجبوكن وشبعتن
  
• وأستودعكن الله نورتوني
  
• 

مواضيع قد تعجبك:

• أكلات صحية 2013 , أكلات صحية ومتوازنة 2013
• صور أكلات أكلات بالصور طبخات بالصور مطبخ حواء طريقة عمل البيتزا
• لفتح شهية طفلك... أكثرى من عدد الأصناف الملونة بوجبات الطعام
• طرق طبيعية لبشرة صحية-للحصول على بشرة صحية
• خلطات صحية للحطول على شعر باطراف صحية

منتديات شبكة حياة - أطباق من صنع عضوات حياة

[احمدك يارب]

الله يعطيكي العافيه
مشكوره على الابداع

[أميمة سليم]

احمدك يارب دائما بترفعيلي من روحي المعنوية فجزاكي الله خيرا و

[احمدك يارب]

لا ياحبيبتي مش ارفع معنوياتك
انتي اصلا مبدعه ومميزه
واتمنئ لكي التوفيق

[أميمة سليم]

جزاكي الله خيرااااااوكل الخير حبيبتي وهذة هدية لك
من عملي

[احمدك يارب]

واو
ماشاء الله عليك
الله يعطيكي العافيه
سلمت يداك

[احمدك يارب]

مافكرتي تعرض شغلك هذا
في مكان يعرض اعمال للمواهب
وحد يقدر ابداعاتك
لانو انتي فنانه ماشاء الله عليك
بجد