جديد الفعاليات
دخول العضوات
02-20-2014, 03:54 PM
| المشاركة رقم: 1 | |||||||||||||||||||||||||||
| ||||||||||||||||||||||||||||
 الفطير المشلتت للمبتدئات من مطبخ الشيف مونى بالصورطبعا محدش فينا مش بيحب الفطير المشلتت وخصوصا الريف المصرى مشهور بيه جدا وبلاقى ناس كتير جدا بتسأل على طريقته هو ليه طرق كتير بس ان شاء الله هحاول اقدمه بطريقة بسيطة عشان اى واحدة معملتوش قبل كده تقدر تعمله هو مقاديره بسيطه جدا عبارة عن مياه ودقيق بس الأساس فيه العجينة وطريقة فردها بالنسبة للمكونات هتكون 3 كوب دقيق ابيض كوب وربع مياه(او على حسب مايحتاج الدقيق) معلقة كبيرة زيت 5 معالق كبيرة سمنة بلدى(طبعا فيه ناس بتستخدم زبدة وفيه ناس بتخلط السمنة بزيت بس انا بحب استخدم سمنة بلدى صافى) الطريقة فى إناء هنحط الدقيق والمياه  ونعجنهم كويس لحد ماتتكون معانا عجينة متماسكة ونزود مياه او دقيق حسب ماتحتاج العجينة وعجينة الفطير مش ناشفة اوى بس فى نفس الوقت مش طرية يعنى مش بتلصق فى الايد  ونحط عليهم الزيت ونعجنهم لغاية مايختفى ونقسمهم كور صغيرة بس فيه كورة واحدة هنخليها اكبر من الكل عشان دى اللى هنلم فيها العجينة فى الاخر  نغطيها ونسيبها ترتاح لمدة ساعة ودى خطوة مهمة جدا عشان نتيجة الفرد تكون مضمونة وبعد الساعة هنمسك العجينة ونشدها هنلاقيها بتمط معانا وده المطلوب  هنجيب السمنة  هنسيحها على النار بس مش هتبقى سخنة يعنى مش هنقدحها وطبعا كمية السمنة دى ممكن تقللوها حسب رغبتكم وحبكم للدهون  هنجيب اى كورة من اللى قطعناهم وندهن الترابيزة اللى هنشتغل عليها زيت ونبدأ نفردها بإيدينا  ونفضل نفرد فيها لغاية ماتبقى رفيعة جدا وطبعا ممكن نستخدم النشابة عشان تساعدنا فى عملية الفرد  يعنى تبقى رفيعة لدرجة تبقى شفافة ايدينا تظهر تحتها وده اساس الفطير المشلتت  هندهن العجينة بالسمنة اللى سيحناها ونطوى منها جزء  وطبعا كل جزء نطويه منها ندهنه سمنة   لغاية مانقفلها وتكون على شكل ظرف   هنركنه جانبا وندخل على الكورة اللى بعدها نبدأ نفردها وندهنها سمنة بس قبل مانطوى اى جزء منها هنحط فيها العجينة اللى فردناها قبل كده اللى على شكل ظرف  ونبدأ نطويها بنفس الخطوات اللى فاتت الفرق ان هيكون جواها العجينة اللى حضرناها قبل كده  وبردو كل جزء نطويه هندهنه سمنة  وبردو هتبقى على شكل ظرف  وهكذا هنعمل مع كل كورة لغاية مانوصل لأكبر كورة دى اخر واحدة هنفردها لأن طبعا الظرف بتاعنا هيكون كبر وهنحط العجينة فى صينية مدهونة حطتها فى صينية مقاس 24  ونسيبها ساعة ترتاح قبل مانفردها فى الصينية عشان تتفرد معانا بسهولة وبعد مافردتها حطيت على الوش قشطة حليب لأن القشطة بتخلى الوش بيلمع وطرى بس الخطوة دى اختيارى مش كل الناس بتحب تحط قشطة  وطبعا الفطير المشلتت لازم يتخبز فى فرن عالى الحرارة ومسخن مسبقا وبعد مرور تلت ساعة هنلاقيه ارتفع جدا فى الفرن وده دليل على نجاحه  ولما يستوى نخرجه من الفرن بس قبل مانحطه فى طبق التقديم هنغطيه بطبق عشان يفضل طرى وبعدين ناكله بالهنا والشفا وده كان فطارى زى الفطار فى الريف المصرى فطير مشلتت ومش وعسل نحل وعسل اسود ومكن تزودو بيض مسلوق كمان وده بصراحة احلى فطار الواحد يفطره وعندنا فى مصر فى الفلاحين مش بيقولوا فطير مشلتت بيقولوا مشلتت على طول والرئيس المصرى انور السادات الله يرحمه لما كان بيروح بلده فى الفلاحين فى محافظة المنوفية كان بيفطر كده   وطبعا الفطير لازم يكون مورق من جوة يعنى طبقات كتير فوق بعض    يارب موضوعى البسيط ده يكون عجبكم مواضيع قد تعجبك:
| ||||||||||||||||||||||||||||
 | ||||||||||||||||||||||||||||
 جديد المواضيع في قسم أطباق من صنع عضوات حياة |
| |
|
03-19-2014, 03:04 PM
| المشاركة رقم: 5 | ||||||
| رد: الفطير المشلتت للمبتدئات من مطبخ الشيف مونى بالصور جزاكي الله خيرا رائع تسلم إيدك وبارك الله فيكي سهلة طريقتك قوي تسلملنا مجهود مشكووور بس بصراحة أنا لما هعملو هعملوا بشوية تعديلات عليها بحث أخليه ما بيتخنش قوي وفي نفس الوقت صحي زي مثلا أعملو بالزيت مع حتة ثمن صغيره كده يعني .بجد شكلوا يفتح النفس ربنا يخليكي لينا وتعلمينا حاجات حلوة ثانيه كثير اللهم آميييين وربنا يجعلوا في ميزان حسناتك  | ||||||
| | |||||||
 |
| الكلمات الدلالية (Tags) |
| الشيف , الفطير , المشلتت , بالصور , للمبتدئات , مطبخ , من , مونى |
الفطير المشلتت للمبتدئات من مطبخ الشيف مونى بالصور
« الطبخ المغربي - طاجين السردين بالجلبانة (البازلاء)
|
تورتة نجوم الشوكولاته من مطبخ الشيف مونى بالصور »
| أدوات الموضوع | |
| انواع عرض الموضوع | |
العرض العادي
| |
الساعة الآن 09:21 PM.