تورتة النسكافيه من مطبخ الشيف مونى بالصور
 

السلام عليكم ورحمة الله
كل عام وانتم بخير بمناسبة العام الهجرى الجديد
ربنا يجعله عام خير علينا جميعا ويحفظ بلادنا من كل سوء ويفرج كرب سوريا
النهرده ان شاء الله هقدملكم تورتة بسيطة وسهلة وهى تورتة النسكافيه
اولا بالنسبة للكيكات الاسفنجية وليها 3 طرق
الطريقة الاولى وهى الطريقة التقليدية وهى اننا بنفصل بياض البيض عن الصفار وبنقلب العجينة بخفة وندخلها الفرن بالراحة عشان متهبطش وطبعا الطريقة دى غير انها صعبة وبتاخد وقت كتير كمان مش مضمونة ولما بتنجح الكيكة بتكون ناشفة من جوة وبتحتاج اننا نحطلها سيرب او مربى عشان نطريها
الطريقة التانية اننا نحط محسن جيل على خليط الكيك ودى اضمن واسهل من الطريقة الاولى ومش بنفصل فيها البياض عن الصفار وبتنجح مع ناس كتير بس بردو فيه ناس مبتنجحش معاهم والكيكة بتهبط منهم من المنتصف لسببين الاول ان المحسن بيكون قديم والتانى بسبب حرارة الفرن
الطريقة التالته ودى اسهل واضمن طريقة وكمان احلاهم طعما وهى اننا نستخدم دقيق الاسبونش الجاهز وده بيتباع فى محلات خامات الحلويات وممكن عند العطارين الكبار وبنضيف للدقيق المياه والبيض فقط وبتطلع الكيكة هشة وطرية من جوة ومرتفعة ومش بنحتاج نحطلها سيرب او مربى لما بنقسمها ودى الطريقة اللى بستخدمها دايما وعملت بيها التورتة اللى هقدمهالكم النهارده
مقادير الكيكة:
نصف كيلو دقيق اسبونش(وزى ماقلنا دقيق الاسبونش بيكون مضاف ليه السكر والفانيليا والبيكنج بودر)
5 بيضات كبار
نصف كوب مياه
مقادير الكريم الشانتى
نصف كيلو كريم شانتى خام
نصف كوب لبن بودرة
ماء مثلج
10 معالق كبار سكر بودرة
معلقتين كبار نسكافيه متدوبين فى شوية مياه
مقادير صوص النسكافيه
قطعة كبيرة زبدة(حوالى 100 جرام)
2 معلقة كبيرة نسكافيه
نصف كوب سكر
2 ملعقة صغيرة جيلاتين بودرة
نصف كوب لبن
وللتزيين
فستق مجروش
ملبس الوان
طريقة الكيك
هنحط دقيق الاسبونش فى بولا ويفضل يكون بحرارة الغرفة
http://www.hayah.cc/forum/img1434/ha...111095_635.jpg
ونضيفله البيض والمياه وبردو يفضل يكون البيض بحرارة الغرفة
http://www.hayah.cc/forum/img1434/ha...111099_442.jpg
ونضربهم بالمضرب الكهربائى لمدة من 7 ل10 دقايق على اعلى سرعة
http://www.hayah.cc/forum/img1434/ha...111099_199.jpg
ونحط خليط الكيك فى صينية مدهونة ومرشوشة بالدقيق(الصينية مقاس 24)
http://www.hayah.cc/forum/img1434/ha...111100_286.jpg
ونخبزها وطبعا كل شخص فرنه بيختلف عن التانى عشان كده مش بكتب درجة حرارة الفرن
وطبعا هنختبرها قبل مانطلعها وانتو شايفين اثار الاختبار بعد ماطلعت من الفرن
http://www.hayah.cc/forum/img1434/ha...111100_626.jpg
ونقلبها على ورق زبدة
http://www.hayah.cc/forum/img1434/ha...111100_800.jpg
ونحفظها فى التلاجة لمدة يوم كامل
ولما نطلعها اليوم اللى بعده نجهز أدواتنا اللى هنقسم بيها الكيكة ونفرد بيها الكريمة
http://www.hayah.cc/forum/img1434/ha...111101_270.jpg
ونقسم الكيكة ل3 طبقات
http://www.hayah.cc/forum/img1434/ha...111101_197.jpg
ونجهز كريم شانتى النسكافيه
http://www.hayah.cc/forum/img1434/ha...111102_102.jpg
ونبدأ نحشى الكيكة
http://www.hayah.cc/forum/img1434/ha...111094_680.jpg
http://www.hayah.cc/forum/img1434/ha...111095_514.jpg

ونغلف الكيكة بالكريم شانتى
http://www.hayah.cc/forum/img1434/ha...111096_914.jpg
وندخلها التلاجة لمدة ساعة
ونبدأ نجهز صوص النسكافيه
هنحط كل المكونات مع بعض طبعا بعد ماندوب الجيلاتين فى شوية مياه
http://www.hayah.cc/forum/img1434/ha...111096_882.jpg
ونحط عليهم اللبن
http://www.hayah.cc/forum/img1434/ha...111097_315.jpg
هنسيب كل المكونات دى على النار لغاية ماتغلى وبعد كده نضربهم فى الخلاط ونصفى الصوص ونسيبه يبرد
(وللأمانة كريم شانتى النسكافيه وصوص النسكافيه اتعلمتهم من واحدة صديقتى)
هطلع الكيكة من التلاجة وابدأ ازينها واحط عليها الصوص
وده شكلها بعد التزيين
http://www.hayah.cc/forum/img1434/ha...111097_343.jpg
http://www.hayah.cc/forum/img1434/ha...111098_666.jpg
ودى شكلها من جوة بعد ماقطعتها
http://www.hayah.cc/forum/img1434/ha...111098_167.jpg
وبأمانة لازم اللى بيحب النسكافيه يجرب التورتة دى لأن طعمها ونكهتها وكل شىء فيها نسكافيه
يارب موضوعى البسيط ده يكون عجبكم

رد: تورتة النسكافيه من مطبخ الشيف مونى بالصور
 

ياعيني ياعيني ايش هالحركات ياموني ؟! :$
لازم تعزميني :(
تسسسلم هاليمين يارب :$

رد: تورتة النسكافيه من مطبخ الشيف مونى بالصور
 

يسلمووو ايديكي