تجرح خدودك ترى الدمع يجرح

سوكراَ · 11-21-2013, 04:30 AM

ان ما جرح خدك جرح قلب مغليك

ما للبكا في عينك اليوم مطرح
قلّي وانا [ ابكي عنك] يا عل ما ابكيك

ما احتاج اقول لك انت واعيد واشرح
ان الغلا يا اول غلا هايمٍ فيك

وشلون يبرح قلّي اشلون يبرح
حب تمكن في [ خفوقٍ] يباريك

الخافق الي فيك بالحب يسرح
كنّه سفينه من بحرك لموانيك

يحب..يهوى..يعشق..الق لب مسرح
لحبك عسى قلبي مع الروح [ يفديك ]

واعرف تراني فيك اضيق وافرح
وازعل على شانك وازعّلك وارضيك

بس انتبه للدمع لا سال يجرح
قلبٍ [ يضمّك ] مابه احدٍ يساويك