منتديات شبكة حياة

منتديات شبكة حياة (http://www.hayah.cc/forum/)
-   الأعمال اليدوية و التجارب المنزلية Handicrafts (http://www.hayah.cc/forum/63/)
-   -   .نصائح منزلية مفيدة (http://www.hayah.cc/forum/t138374.html)

حليمة الفاسي 04-23-2013 06:26 PM

.نصائح منزلية مفيدة
 
1 مرفق
.نصائح منزلية مفيدة
**************

- لما تيجى تعملي فراخ بانيه او بوفتيك افردي كيس بلاستك وحطى عليه البقس...ماط والتتبيلات وتبلي عليه وبعدين لما تخلصي لمى الكيس وارميه على طول كدة هتوفري غسيل طبق كمان هتحمى حوضك من الانسداد بسبب البقسماط اللي بيقع في الحوض اثناء الغسيل

2- لو وقعتى زيت على الارض متجريش تجيبى فوطة وتمسحيه لا رشيى عليه ملح وسبيه دقيقتين تلاتة وبعدين اكنسية بالمقشة والجاروف واتفاجئي بالسحر ولا اكن في حاجة وقعت

3- حطى حتة فحم في طبق صغير في اى مكان بيطلع روائح غير مستحبة زى الجزامات والتلاجات والفريزر و اى ضلفة مطبخ او خزين بتسحب كل الروائح تماما

4- لما يقع منك بيض على الارض او على التربيزة بيض نى طبعا اوعى تمسحيه بفوطة لا امسحيه بمنديل كلينكس وارمى على طول لان الفوطة بتبقى ريحتها وحشة اوى لو مسحتى بيها بيض حتى بعد الغسيل وكذلك اللبن

5- ما تمسحيش رخامات المطبخ بالكلور امسحيها بالخل بيقتل الجراثيم ومادة طبيعية

6- لو عندك حاجة نحاس متجبيش نحيتها مايه بنص ليمونة وادعكيها هترجع جديدة

7- لو عندك مكواه بخار وحاسة ان كفائتها قلت حطى في خزان الماية خل وسخنيها وسبيها ربع ساعة في الفيشة على اعلى درجة وبعدين اضغطى على دافع البخار لحد ما يتبخر كل الخل حتلاقي طلع حاجات كدة زى الطين ودى رواسب الماء لما بيغلي ويتبخر وكررى الطريقة مع مايه عادية مرتين لشطف خزان الماء وفوطة مبلولة امسحى الرواسب اللي خرجت حتلاقيها رجعت جديدة

8- عاوزة عيون البوتجاز الاستانلس تبرق انقعيها مع قشر ليمون ومايه سخنة في طبق وبعدين بصابونة وش لوكس او كامى او اى حاجة حطى منها حته على ليفه وادعكى حترجع جديدة

9- لبسي الباسكت اللي في الغرف اكتر من كيس فوق بعض بحيث يتملي واحد تشليه تلاقي واحد مكانه وبكدة توفري وقتك في تغيير الكيس كل يوم

10- دايما خلى عندك فرشةبايد

وهاتى علبة شاور جل او شامبو فاضيه وحطى فيها سائل تنظيف انا بحط كلوركس كلين اول ووانتى بتغسلي وشك الصبح حطى شوية سائل وادعكى الحوض في اقل من دقيقة بقى زى الفل

11- اول ماتصحى الصبح وانتى لسه بتلبسي شبشبك عدلي ملاية السرير والمخدات وبكدة تكونى خلصتى من مهمة يومية من غير ماتخدي باللك

12- وانتى واقفه تعملى الشاى ولا النسكافيه على ما الماية تغلي روقى ضلفة واحدة في المطبخ تكون عاوزة تتظبط

الملاك الصامت 04-23-2013 11:36 PM

رد: .نصائح منزلية مفيدة
 
مشكورة غلاتي عالنصائح الروعة
تسلم يدك يارب

ام زايد وعامر 05-17-2013 03:58 AM

رد: .نصائح منزلية مفيدة
 
الف شكراا غاليتى

دآنتيل 05-17-2013 07:40 AM

رد: .نصائح منزلية مفيدة
 
نصائح مره جميله
وتوفر علينا عناء كثير
يعطيك العافيه أم زايد

بنت الجزائر الحرة 09-03-2013 06:45 PM

رد: .نصائح منزلية مفيدة
 
مشششكورررره

أميره بقلبي 02-06-2014 12:47 AM

رد: .نصائح منزلية مفيدة
 
حلوين زي صاحبة الفكره مشكوره يالغلا

عود 05-08-2014 10:48 PM

رد: .نصائح منزلية مفيدة
 
نصائح روووعه وجميله


الساعة الآن 01:32 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO