منتديات شبكة حياة - كرات اللحم بالبيض

السلام عليكم ورحمة الله وبركاته
جبتلكم اليوم طريقة حلوة وسهلة وسريعة لطبق لذيذ اكثر شي نسويها وقت العزايم مع الأطباق الجانبية كان ودي أصورها لكم بس ..............يلا مومشكلة بس صدقوني راح تعجبكم ولاتنسوني من دعاءكم.
المقادير:لحم مفروم والأفضل لوتستخدمين لحم مفروم طازج مافيه شحوم كثيرة
بقدونس مفروم
بصل مفروم
ثوم وفلفل اخضر حار مفرومين فرم ناعم
بهارات (كزبره وكمون)مطحون
ملح
بيض مسلوق
(المقادير على حسب الكمية اللي بتسونها وبإمكانك إضافة المنكهات اللي تحبونها)
الطريقة:
تخلط جميع المقادير ماعدا البيض ثم تاخذين كمية من اللحم وتفرديه على ايديك وتضعين عليها بيضة وتقفلين اللحم راح تصير عندك كورات لحم داخلها بيض مسلوق ترصين الكرات في صينية وتغطيها بالقصدير وتدخليها الفرن لين تستوي بعدين تشيلين القصدير وتدخليها الفرن مرة ثانية بس هالمرة تطفين نار الفرن اللي تحت وتخلين اللي فوق حتى يعطي اللحم لون الشوي بس انتبهي لا ينحرق يعني خليك جنب الفرن لأنها ماراح تاخذ وقت . وفي طريقة ثانية: بعد ماترصين اللحم في الصينية اخلطي معجون طماطم مقدار ملعقة كبيرة وشوية بهارات وملح وماء مقدار كوب واسكبيه شوي شوي على كرات اللحم وغطيه بقصدير ودخليه الفرن مثل الطريقة الأولى وبالعافية:dance: