منتديات شبكة حياة

منتديات شبكة حياة (http://www.hayah.cc/forum/)
-   العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care (http://www.hayah.cc/forum/8/)
-   -   اسهل طريقة للتخلص من رائحة الفم الكريهة,ازالة رائحة الفم الكريهة (http://www.hayah.cc/forum/t110233.html)

الملاك الصامت 10-24-2013 06:33 PM

اسهل طريقة للتخلص من رائحة الفم الكريهة,ازالة رائحة الفم الكريهة
 
اسهل طريقة للتخلص من رائحة الفم الكريهة,ازالة رائحة الفم الكريهة
اسهل طريقة للتخلص من رائحة الفم الكريهة,ازالة رائحة الفم الكريهة
السلام عليكم ورحمة الله وبركاته
كيفكم حبيباتي اليوم جلبتلكم وصفات حلوة
اتمنى تعجبكم

المرة دي كلامنا هيكون عن مشكلة بيعاني منها ناس كتير لدرجة إن المشكلة دي ممكن إنها تسبب لهم إحراج شديد في بعض الأوقات وهي مشكلة رائحة الفم الكريهة...
علشان كده هنعرف إيه هي الخطوات اللي ممكن نمشي عليها علشان نتخلص من المشكلة دي...

الخطوة الأولى
نغسل أسناننا كويس

http://www.hayah.cc/forum/storeimg/h...089239_398.jpg

لازم نغسل أسناننا كويس بالفرشاة والمعجون بعد كل وجبة... لكن لو كانت ظروف عملنا بتتطلب إننا نقعد طول النهار بره البيت ومش هنقدر إننا نغسل أسناننا بعد كل وجبة يبقى في الوقت ده نمضمض أسناننا كويس بالمية بعد الأكل... ولازم نهتم كويس قوي إننا نغسل أسناننا الصبح وبالليل بالفرشاة والمعجون.

الخطوة الثانية
نستخدم خيط الأسنان



يا ريت إننا يكون عندنا في البيت خيط أسنان "الخيط السني" علشان كل يوم بالليل بعد ما نتعشى ونغسل أسناننا بالفرشاة والمعجون -زي ما اتفقنا- نستخدمه؛ لأن الخيط ده هيساعدنا على التخلص من بقايا الطعام اللي ممكن الفرشاة ماتقدرش إنها توصل لها وبكده نبقى ضمنّا نظافة كاملة..
ولازم ناخد بالنا إن خيط الأسنان ده يكون متوسط في الليونة علشان مايوذيش اللثة.

الخطوة الثالثة
نزور دكتور الأسنان بشكل دوري

http://www.hayah.cc/forum/storeimg/h...089239_519.jpg

أنا دايما بافضل إننا نعمل فحص دوري على أسناننا ونروح لدكتور الأسنان مرة كل 6 أشهر على الأقل علشان نقوم بعملية تنظيف كاملة للفم والأسنان وإزالة الجير والتسوس والبكتيريا اللي ممكن إنهم يسببوا رائحة كريهة للفم.


الخطوة الرابعة
ناكل خضروات كتير

http://www.hayah.cc/forum/storeimg/h...089239_714.jpg

نحاول أن أكلنا يكون فيه نسبة كبيرة من الخضروات؛ وده لأن تناول البروتينات "اللحوم" أكثر من الخضروات بيساعد على تنشيط جراثيم الفم اللي بتسبب رائحة كريهة للفم.

الخطوة الخامسة
نشرب سوائل كتير



من ضمن الأسباب اللي بتسبب ظهور رائحة للفم هو الجفاف اللي ممكن إنه يصيب الفم علشان كده يا ريت إننا نحرص دائما على إن فمنا ما يكونش جافّ... وده عن طريق إننا نكتر من شرب الماء والسوائل؛ وده لأن المية بتساعد على ترطيب الفم وبتجعل اللعاب أقل كثافة في الفم؛ وده لأن اللعاب الكثيف بيكون مصدر غذاء غني للبكتيريا اللي بتسبب حدوث رائحة كريهة للفم..


الخطوة السادسة
ناكل لبان بعد الوجبات

http://www.hayah.cc/forum/storeimg/h...089240_778.jpg

يا ريت إننا ناكل لبان بعد الوجبات خاصة أنواع اللبان الخالية من السكر أو اللي بنكهة القرفة؛ لأن اللبان اللي بنكهة القرفة بيساعد على تنظيف الفم من بقايا الطعام وبيساعد على تخلص الفم من 50 % من البكتيريا اللي بتسبب رائحة كريهة للفم ده بالإضافة إلى أن القرفة بتحتوي على زيت طيار بيساعد على قتل البكتيريا الموجودة في الفم.

الخطوة السابعة
نغيّر فرشاة الأسنان بصفة دورية

http://www.hayah.cc/forum/storeimg/h...089239_975.jpg

لازم نستبدل فرشاة الأسنان القديمة بفرشاة جديدة كل شهرين أو ثلاثة.


الخطوة الثامنة
الإقلاع عن التدخين

http://www.hayah.cc/forum/storeimg/h...089239_596.jpg

التدخين من الأسباب الأساسية اللي بتسبب حدوث رائحة للفم وعلشان كده يا ريت أي حد بيدخن يحاول إنه يقلع عن التدخين لأن مش بيسبب رائحة كريهة للفم وبس ده كمان بيسبب اصفرار الأسنان.


الخطوة التاسعة
نخلي دايما قرنفل معانا

http://www.hayah.cc/forum/storeimg/h...089240_346.jpg

فيه حاجات زي "البصل" أو "الثوم" بتترك بعد أكلها رائحة غير مستحبة علشان كده يا ريت إننا بعد ما ناكل أي أكل فيه "ثوم" أو "بصل" إننا نغسل أسناننا كويس وبعد كده نمصّ قرن قرنفل؛ لأن القرنفل مطهر جيد للفم.




اسهل طريقة للتخلص من رائحة الفم الكريهة,ازالة رائحة الفم الكريهة
اسهل طريقة للتخلص من رائحة الفم الكريهة,ازالة رائحة الفم الكريهة

amb0 12-23-2013 02:11 PM

رد: اسهل طريقة للتخلص من رائحة الفم الكريهة,ازالة رائحة الفم الكريهة
 
رائع جدا موضوع تحفة , و أضيف أن من أهم اسباب الرائحة الكريهة عدم الاهتمام بنظافة الأسنان و اللسان , فيجب تنظيف الأسنان بالفرشاة و العجون على الأقل 3 نرات يوميا و بمدة بين 2 - 3 دقائق ..

هنا موضوع أعجبني كثيرا و يحوي حلول فعاله للتخلص من رائحة الفم الكريهة : كيف تتخلص من رائحة الأنفاس الكريهة و إلى الأبد

ألماس 12-31-2013 10:57 PM

رد: اسهل طريقة للتخلص من رائحة الفم الكريهة,ازالة رائحة الفم الكريهة
 
بصراحه شي لازم ومهم جدا العنايه بالفم والاسنان ورائحة الفم
لانها شى اساسي وهي الي تعكس صحة الانسان وجسمه
واهم شي الرائحه

يسلمو حبيبتي على الموضوع الجميل

أميمة سليم 12-31-2013 11:46 PM

رد: اسهل طريقة للتخلص من رائحة الفم الكريهة,ازالة رائحة الفم الكريهة
 
جزاكي الله خيرا موضوع مفيد ورائع


الساعة الآن 01:03 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO