السلام عليكم
بصراحه اول مره بشارك وبتمنى ربنا يجعل موضوعى فى ميزان حسناتى علشان انا بجد نفسى الكل يستفيد ذى ما انا استقدت من كتر ما استفدت من المنتدى الرائع حبيت اشارك كل البنوتات بتجربه رائعة وحل اكيد لتساقط وتقصف الشعل وتطويله فى وقت سريع جدا وبماسك بسيط ومش غالى ابدا
بصراحه يا جماعه جيبالكم حل بكل معنى الكلمة مش مجرد حاجه جربتها وخلاص
اولا انا بيتهيالى انا اكتر واحده جربت حاجات على شعرها علشان التساقط والتقصف والله العظيم صرفت مبالغ كتر جدا وجربت كل حاجه ورحت لدكاترة كتيره لدرجه انا اشتريت كورس لعلاج تساقط الشعر بيجى من المانيا تمنه والله العظيم بيعدى ال 2000 جنية وما عملش اى حاجه دا غير الزيوت والاسبراى ومقويات الشعر كل ده ما عملش اى حاجه وبمجرد ما بستعمل حاجه وبوقفها الشعر بيتساقط اكتر دا طبعا غير التعب النفسى لما تشوفى شعرك بيطلع فى المشط او الفرشه او بعد الاستحمام حاجه صعبة بجد لاكن الحمد لله وبفضل الله جربت ماسك بسيط قوى وعمل معايا العجب اقسم بالله رجعلى شعرى ذى زمان واحسن دا غير انه طوله فى وقت سريع قوى بعد ما كنت فقدت الامل
اسفه طولت عليكم بس حبيت اوصفلكم انا قد ايه كنت بعانى
المهم بعد معاناه لفترة طويله مع التساقط بالصدفه كنت فى مناسبه عائليه وقابلت بنت بنت عمى اللى انا كنت اعرف ان شعرها خفيف قوى وقصير لاكن شفتها شعرها طويل وتقيل والله فى الاول افتكرتها لابسه باروكة او حاجه غير شعرها لما سلمت عليها لقيته شعرها فعلا اتجننت علشان اعرف هيا عملت ايه المهم رحت قعدت جنب مامتها علشان اسالها عملت ايه قالتلى شافت فيديو على النت عباره عن طريقه عمل ماسك بسيط وهيا جربته من 6 شهور وجاب نتيجه رائعه المهم وصفتلى عملت ايه وبعد كام يوم بعتتلى الفيديو وانا عملت الخطوات اللى هقولكم عليها
الماسك هو ماسك الجرجير
تجيبى ب2 او 3 جنيه جرجير وتغسليهم كويس قوى وتفصلى عيدان الجرجير عن ورق الجرجير
بعدين تجيبى من الصيدليه او العطار زيت جرجير وزيت خروع وزيت توم وزيت زيتون كله ده مش هيكلفك 20 جنيه انا اشتريتهم من الصيدليه ( زيوت اصاله )

تخلطى فى الكبه او الخلاط ورق الجرجير مع الزيوت دى بكميات مناسبه بحيث الخليط يكون يشبه الكريم علشان الماسك دة لازم يتغلغل الى فروسه الراس والكمية دى بتقعد من اسبوع ل 10 ايام بتستعمليها وبتعينى الباقى فى التلاجه فى عليه مقفوله كويس
طريقه الاستخدام
[youtube]https://www.youtube.com/watch?v=lcOtSF3MwKI[/youtube]
هتستعمليه لمدة 3 ساعات كل يوم لمدة 45 يوم وبعد ال 45 يوم هتستعمليه مرتين او تلاته فى الاسبوع لمدة 3 شهور
انا استعملته لمدة 4 شهور ودلوقتى بستعمله مرة كل 15 يوم وعلى فكرة هوا هيوقف التساقط بعد اول 20 يوم بس لازم تكملى 45 يوم علشان دورة نمو الشعر يارب الكل يستفيد ذى ما انا استفدت
هنزلكم الفيديو علشان لو حد حابب يفهم اكتر من الفيديو
https://www.youtube.com/watch?v=lcOtSF3MwKI