|
الفرق بين بنات العلمي والادبي الســـلام شلونكم طبعا الموضوع باين من عنوانه وتفضلووواااا شوف الفرق بين بنات علمي وبنات أدبي.. بنات الادبي دايما مبتسمين ومفرفشين وشاقين الحلج من كثر الضحك ... بنات العلمي دايما مكتئبين وماعندهم وقت يضحكون بس عندهم وقت يصيحون ... بنات الادبي عادي عندهم يروحون المدرسة والا لا والافضل عندهم طبعا انهم مايروحون لان مايحتاج احد يفهمهم اللهم يحفظون الكتاب ويروحون يسمعون اللي حفظوه ... بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم ولامعلومة ... بنات الادبي يطلعون من الامتحان وهم شاقين الحلج لان ماتفرق معاهم الدرجات بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم وياويلنا لو في جواب والا نص جواب غلط على طول الدموع تنصب والوجه يصفر... اذا شفت بنات دببة تأكد انهم بنات الادبي ماوراهم دروس ولا شغل الا الاكل و اذا شفت بنات يكسرون الخاطر عصاقيل شوي ويموتون تأكد طبعا انهم بنات العلمي المساكين دايما يذاكرون لدرجة انهم ينسون ياكلون ... بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا طايحيلك حش فيها أو في البنات ... بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو يروحون يدورون على مدرسة فاضية وينادونها علشان تفهمهم إذا في شي مو فاهمينه ... بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة المدرسة كأنهم على الكورنيش ... بنات العلمي مانشوفهم في الساحة إلا وقت الفرصة ونادرا طبعا والمدرسات أهما إللي ينحاشون منهم بس لا مفر طبعا للمدرسات ... وقت الرحلات ما تلقى غير بنات الأدبي لأن بنات العلمي مو مستعدين يطوف عليهم شي من دروسهم |
يسلمووووا يعطيج الف الف عاااااافيه |
تسلمين ميمي تصدقين عاد ؛ أغلب المجتمع يظن: أن أي بنت تدخل علمي بنت متفوقه ومتميزة؛ وذكية ؛ وأي بنت تدخل أدبي على النقيــــــــــــض تماماً ..!http://www.al3assi.com/foto/Smilies-Forum1/165.gif وأنا أشوف أن هذا خطأ؛ أهم شي البنت تدخل قسم تحبه http://www.al3assi.com/foto/Smilies-Forum1/77.gif حتى تبدع فيه مستقبلاً أهم شي تحقق رغبتها وميولها ؛ وكلام الناس المفروض يكون آخر اهتماماتها ؛ لأنها هي المستفيدة أولاً وأخيراً لأن الإنسان إذا أحب شي أفاد واستفاد وأبدع ؛ مشكورة على الموضوع http://www.al3assi.com/foto/Smilies-Forum1/200.gif |
شاكره على تعليقج على الموضوع بس الاحظ ان اغلب بنات الادبي وناسه من دون دراسه ومايهتمن موليه بالدراسه سحبات عليها على عكس بنات العلمي اللي كل حياتهم دراسه وفعلاا في بعض البنات يأخذون العلمي بس اسم وهن مايفهمن شي وانا بصراحه انحشت من الادبي لاني فاشله وايد بالعربي ومشكووووووووووووووورره |
ههههه ذكرتيني بايامنا بس عالعموم الادبي صراحه احلى من مواد كميائيه بكرى مفرق بوجها مركب وحمض ومشوهه وش مستفيده ولا جايبه صرصور ولا ارنب تعالي شرحيه وبيتهم حتى الدجاجه ماتمسكها والله بنات الادبي شيء صراحه بس لايغركم ضحك وخبال بس شطاره لان كله معلومات تاريخيه وادبيه يستفيدون منها بحياتهم مو بتقعد بالشارع الوحده وتحلل كل مركب للعالم اتحدى الادبي بكل موقع تحصلينها |
لا والله اشوفكم قلبتوا على بنات العلمي والله بنات العلمي مافيه احسن منهم عقولهم نظيفه الفجر شكلج ادبي وشاكره مروركم |
صدق العلمي ماعندهم وناسه كله دراسه بدراسه بس عندهم شي انتم ماتعرفونه..... طبعا لاحد يسألني وشو؟؟؟ واتمنى لو ارجع يوووووووووووووووووم واحد في صفي....................... |
| الساعة الآن 09:21 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO