08-12-2013, 03:56 AM | المشاركة رقم: 1 | |||||||||||||||||||||||||||||
| ||||||||||||||||||||||||||||||
افكار جديدة لترتيب دولابكدولابك حوسه هاه ...!! البلايز على البناطيل على الشنط على السكارفات .. دايما تبغين البلوزه الفلانيه تدورينها ساعه حتى تحصلينها .. البدي العلاني مدعوس بين الملابس !!! يعني الأكيد ان دولابك في يوم من الايام صار وممكن يكون وصل الى هذه الحاله المستعصيه .. لدرجة انك اذا دخلتي غرفتك .. ماتبغين تشوفين جهة الدولاب لانك اذا شفتيه مزاجك راح يقلب 90 درجه طيب شوفي هالصوره .. حلو التنظيم و الترتيب صح ... وكمان سهل ومايكلف عليك طيب ايش رايك لو قلت لك تقدرين تخلين دولابك زي كذا .. ويمكن احلى لو اضفتي له افكارك ولمساتك واكسسورات ممكن تكون عندك او تشترينها باسعار رخيصة ومتوفره بأي مكان. .......... عشان يصير تبديلك لملابسك بشكل آسرع و آسهل والاهم آريح و ممتع آكثر .. الدولاب يقسم الى قسمين .. يفضل ان كل القطع تتعلق وهذه ميزة غرفة الملابس .. انها تتميز بجدران على شكل دواليب تشيل على كيفك .. ماعدا طبعا بجايم النوم و ممكن القمصان الافضل انها تكون فولدد.. انتبهي ... في اقمشه ما تتحمل التعليق اللى هي الستريتش لانها حتاخذ شكل العلاقه وتخرب عليكي .. باي علاقه تعلقين التنوره و البنطلون ...؟ العلاقه ام كلابس لان العلاقه العاديه راح تتحرك فيه القطعه وتخرب لك الكوي وشكل الدولاب عندي لك طريقه .. اذا رتبتي دولابك فيها صدقيني حترتاحين .. اذا عندك غرفة ملابس حتكون في الدولاب الاقرب .. واذا ماعندك راح تكون في الرف الاقرب او في العلاقات الاولى .. بدل ماتقعدين تحركين في هالعلاقات كل يوم .. .. البلايز اليوميه .. البناطيل اليوميه .. التنانير اليوميه .. الجلابيات اليوميه .. هذه تكون على الطرف .. بلايز الطلعه .. بناطيل الطلعه .. جلابيات الطلعه .. تنانير الطلعه .. هذا تكون في آخر دولاب او الرف العلوي او آخر التعليق .. والاحلى لمن تكون مقسمه ملابس الطلعه بلايز كم طويل .. بلايز كم قصير .. كت .. والتنانير .. طويل .. قصير .. البناطيل .. جينز .. قماش .. صدقوني كذا ماتضيعون في الاختيار .. بسرعه تختارين لبسك بسرعه تلبقين له ولاتحوسين هنا وهنا ،، ف اذا ابغى مشتهيه اليوم البس تنوره طويله اروح للتناير الطويله ،، مشتهيه اليوم بنطلون قماش لقيته بسرعه ماهو مدعوس بين التنانير و الفساتين .. يعني راحه الصراحه .. حلو لو تمسكين الفساتين وتنظمينها بهالشكل .. اول شئ الفساتين الطويله .. بعدين الفساتين القصيره .. وتخلين الجلابيات اذا عندك قبل الفساتين الطويله .. كذا بسرعه اذا تبغين الفستان القصير الفلاني ماتروحين تدورين بين الجلابيات ،، وفساتين الاعراس الافضل يكون لها دولاب خااااص لانها تااااكل مساحه خصوصا اذا كانت منفشه وفله ))) او تحطين في آآآآآخر الدولاب .. قسم ملابس النوم .. اذا حابه تعلقينها علقيها لكن بشرط البلوزه مع بنطولنها .. اذا حابه تطبقينها كمان شرط تطبقينهم فوق بعض .. ويكون رف للبجايم او قسم تعليق لهم لحال لان طبعا الكل يحب البجايم فتكون يااااااااكثرها عندك .. قمصان النوم الستان ممكن تتطبق لكن حترفع ضغطك لانها تتزحلق او ممكن تعلقينها بالعلاقه اللى لها مكان للحبل .. او ممكن تاخذين سلال او كراتين حلوه .. تحطينهم فيها مع كورة رائحه زكيه ياسلام ، وتكون تحت التعليق في دولابك .. او في رف فاضي في غرفة ملابسك او اذا دولابك كبير او ممكن تشترين المقسمات .. تلاقينها في ايكيا .. الشوز في دواليب يكون لها مكان خاص .. وبكذا يكون احلى و احلى .. والشنط قريبه من الملابس ممكن تحطين شوز الطلعات ،، لكن طبعا شوزات الاستخدام اليومي تكون في مكان خارجي في غرفتك او عند مدخل البيت .. ممكن تاخذين لها هالرفوف تلاقينها في كل محلات كماليات البيت او هالجيوب حلوه مره .. لكن الاغلب تكون للفلات و السليبر .. الشنط .. و مااااا ادراكي ما الشنط .. بعضنا يحطونها في رف في الدولاب ،، لكن القهر انها تخرب اذا مرميه فوق بعض .. بعضنا يعلقها في شماعه او علاقه العبايات .. لكن برضها مو حلو شكلها او ماتكفي .. وحتى في بعض الشنط الجلديه اذا معلقتها وفيها شئ تخرب ..!!! الحل انه اما تشترين من البوكسات الكبيره وترصين الشنط فوق بعض بشكل منظم .. لكن هالحل مو عملي .. راح تنسين الشنط وبسرعه تتقربع .. لكن الافضل انه تشترين من العلاقات الجداريه . ثنتين او ثلاث .. على حسب كمية شنطك وتثبيتن العلاقه داخل دولاب ملابسك على جنب .. واذا دولابك مافيه مكان ومايشيل علاقه وشنط ممكن تعلقينها على جدار غرفتك لكن في مكان غير واضح لان اذا شنطك كثيره حيكون شكلها مو حلو وفوضوي .. لكن داخل الدولاب احسن ،، لان افضل الشئ تكون الشنط كلها معروضه قدامك .. الملابس الداخليه .. الافضل انها تقسم في سلال .. الملابس الداخليه في سله .. بس الافضل السلال لانها ماراح تكون مطبقه طوال الوقت في الدرج لازم تتقربع !! وتكون في سله لبرا السهرات ، المشدات .. وهذه السله تكون في مكان خلفي او مكان بعيد وكمان حطي سلة عشان ملابسك الوسخة زي دي مسلا ومع السلامة تحياااتي مواضيع قد تعجبك:
| ||||||||||||||||||||||||||||||
جديد المواضيع في قسم الأعمال اليدوية و التجارب المنزلية Handicrafts |
|
08-13-2013, 02:58 AM | المشاركة رقم: 2 | ||||||
| يسلمو دياتك يا قمر تقديري | ||||||
08-13-2013, 03:22 AM | المشاركة رقم: 3 | ||||||
| شكرا لمرورك على موضوعي وهذا شرف لي ووسام على صدري | ||||||
12-27-2013, 06:01 PM | المشاركة رقم: 4 | ||||||
| رد: افكار جديدة لترتيب دولابك شكراااااااااااااااااااااا اااااااااااااااا | ||||||
12-29-2013, 01:45 AM | المشاركة رقم: 5 | ||||||
| رد: افكار جديدة لترتيب دولابك فكرة رائعة | ||||||
12-30-2013, 05:26 PM | المشاركة رقم: 6 | ||||||
| رد: افكار جديدة لترتيب دولابك مشكورة جدا يا حبيبتي | ||||||
12-31-2013, 08:04 PM | المشاركة رقم: 7 | ||||||
| رد: افكار جديدة لترتيب دولابك شكرررررررررا عالمرور الجميل والاكثر من رائع | ||||||