البفتيك او الستيك او اسكالوب اللحم

اشجان الحسن · 08-31-2013, 06:15 PM

البفتيك او الستيك او اسكالوب اللحم
كلها اسماء واحده
المقادير
انا حعمل لكم نصف كيلو فقط وانتوا طبعا زودوا الكميه لو عاوزينه يتفرزن
المقادير
نصف كيلو ستيك بقرى او بفتيك كما يسمى
1 حبه بصل كبيره
1 حبه طماطم كبيره
2 بيضه
بقسماط (خبز مطحون )
ملعقه صغيره زيت زيتون
خل
ملح فلفل كمون بابريكا واى توابل تحبيها
صويا صوص او ورشستر صوص (اختيارى )
زيت للقلى

الطريقه

اول حاجه نضع اللحم فى الكيس هكذا ونطرق عليه بمطرقه اللحم او اى اداه حتى تكون طبقته رفيعه وليست سميكه

ونطرق الى ان يكون بهذا الشكل

وفى الكبه نضع الطماطم والبصل والتوابل والخل ونفرمهم

بعدها نضيف التتبيله على اللحم ونتركه ثلاث ساعات وممن قبلها بيوم بيكون افضل

بعدها نضع البيض والفلفل ونضيف عليه ملعقه صغيره زيت زيتون
(وده السر فى تماسك الطبقه الخارجيه )

ونضربهم بشوكه وبعدين نمسك قطع اللحم ونعصرهم باليد حتى نتخلص من ماؤه وننظف التتبيله من عليه
(مهم عصر اللحم جيدا)

وبعدها نضيف اللحم على خلطه البيض وزيت الزيتون ونقلب ونترك الخليط عشر دقائق

بعد مرور عشر دقائق نضع اللحم عالبقسماط

ونقلبها فى الخليط
ومهم جدا الضغط براحه اليد على اللحم من الجهتين حتى يلتصق البقسماط جيدا

اذا اردنا قليه فى نفس اليوم يبقى نضعه فى التلاجه حوالى نصف ساعه قبل القلى وكده النتيجه حتبقى افضل كتير
ملحوظه
لا تقليه مباشره بعد تغليفه بالبقسماط حتى لا يتفكك فى الزيت

اذا اردتى تفريز البفتيك ضعيه مباشره فى اطباق للتخزين ولفيه بالنايلون اللاصق وضعيه فى الفريزر مباشره

وعند الاستخدام نخرجه من الفريزر ونقليه بزيت دره

وده شكله بعد التحمير
ماشاء الله الزيت كما هو نضيف لان الطبقه الخارجيه لم تتفكك

والف هنا وشفا

مواضيع قد تعجبك:

منتديات شبكة حياة - أطباق رئيسية