كفتة البطاطس بالجبن .. مصوره.. كفتة البطاطس بالجبن .. مصوره.. السلام عليكم موضوعي هو كفتة البطاطس بالجبن .. مصوره.. http://www.mbc66.net/upload/upgif/iEF11886.gif الكفته هذي لذيذه مره ومظبوطه وماتاخذ وقت ياليت تعجبكم ونبدا بالطريقه المصوره اول شي اسلقي بطاطس كامل بقشره عشان تحافظين عليه من المويه لا تدخله وتحافظين على النكهه مثل ماتشوفين http://www.mbc66.net/upload/upjpg/ioP12231.jpg وبعد ماتستوي نقشرها ونتبلها بالملح والفلفل الاسود ومقدار ملعقه زبده ولو تكون مو مسيحه افضل لانها بتسيح من حرارة البطاطس http://www.mbc66.net/upload/upjpg/UVo12548.jpg ونهرسها بالشوكه ونضيف لها ملعقة جبن كرفت شدر وملعقه بقسماط عشان تمسك ماتتفكك عليك http://www.mbc66.net/upload/upjpg/Lww12762.jpg ونبدا نحشيها بالحشوه اللي تفضلين ممكن عصاج لحم او دجاج او تونه او خضار انا حشيتها بجبن كرفت شدر مبشور مع جبن موتزريلا بس يكون مقدار الموتزريلا نص الشيدر يعني كاس شدر معه نص كاس موتزريلا ولا تكثرين حشوه شي بسيط علشان ماتسيح اثناء القلي وتفك معك وهذا شكلها بعد الحشو والتشكيل http://www.mbc66.net/upload/upjpg/yCO12850.jpg وبعدين نغمسها في البيض ونغطيها بالبقسماط بهالشكل على فكره انا حطيت بقسماط بر عشان كذا لونها غامق http://www.mbc66.net/upload/upjpg/YR712953.jpg ونبدا بالقلي والزيت يكون خفيف يعني يغطي نص الكفته ويكون حامي مره وشقريها بسرعه واقلبيها على الجهتين وطلعيها على السريع لانها ماتحتاج سوا كلها مستويه ماتحتاج الا تشقير وطلعيها على ورق نشاف ولاتغطينها خليها تتهوى وتطلع البخار اللي جوا وتقرمش من برى لانك لو غطيتيها بتذبل وبتسيح معك وهذا شكلها بعد القلي http://www.mbc66.net/upload/upjpg/gux13157.jpg وصوره اقرب http://www.mbc66.net/upload/upjpg/uwF13238.jpg وهذا شكلها من جوى والجبن سايح والطعم جناااااان http://www.mbc66.net/upload/upjpg/G2M13321.jpg * http://www.n11s.net/uploads/images/n11s-df34013bdc.gif شكراً لكم و انتظر ردودكم :) |
مشكووووووره والله يعطيك الف عافيه |
رووووووووووووعة يسلمووووووووووووووووووووو |
الساعة الآن 07:24 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO