لتعلم الميكب ، كي تكوني استاذه ، فن المكياج

[أميرة بكلمتى]

لتعلم الميكب ، كي تكوني استاذه ، فن المكياج

صور مكياج , الوان انيقه لمكياج للبنات كولكشن ميك اب , ميك اب السيدات روعه , ميك اب للسيدة الانيقة ، ميك اب جان كيوت ، ميك اب للجامعة ، ميك اب صباحى ، ميك اب حفلات ، ميك اب سهرات ، ميك اب خفيف للبيت

يلا بقلا نبدأ التوبيك بتاعنا

اولا احمر الشفاه lip stick

طبعا ده من اشهر واقدم ادوات الميك اب وحاجة مميزة جدا عند البنات كلهم وبالنسبة لى من احلى الحاجات اللى فالميك اب بيفرق كتير فالشكل بس طبعا لازم معاه ميك اب مظبوط وحاجة غير مقبولة ابدا البنات اللى بتحط روج بس من غير ميك اب خالص طيب هو لازمته ايه يعنى
المهم فالقلم الروج من اشهر انواع احمر الشفاه وحيفضل اشهرهم على طول

حنقول بقى شوية ملاحظات عنه

1/نصيحة مهمة بلاش الانواع الرديئة بتاعت محلات 2.5 دى لانها بتشف الشفايف وبتبوظها وياما لونها بيروح بسرعة ياما بيلزق مش بيطلع
2/ متدوريش على روج يثبت فترة طويلة اوى اوى يعنى لو عايزاه ثابت عشان خارجة بيه يبقى خليه فى شنطتك وانا حقولك فى اخر التوبيك ازاى تخلى الروج يقعد معاكى كتير لكن الانواع اللى بتقعد كتير دى بتبقى عاملو زى الصبغة بتصبغ الشفايف ومتعرفيش معمولة من ايه

3/اختارى دايما روج ناعم جربيه على ايدك طبعا الاول لان فى ارواج كتير بتبقى خفيفة مش زى لونها وفى بيبقى ناشف اوى فانتى حتقررى ده بنفسك من خلال التست

4/ قبل الروج ضرورى ضرورى تستعملى ليب بالم سواء حتحطى فازلين او زبدة كاكاو ااى حاجة المهم تحطى ولو شفايف ممقشرة اعملى سنفرة ليها الاول



5/ البنات صاحبات البشرة السمراء بيناسبهم كل الالوان ماعدا الالوان الفاتحة زى الروز والموف الفاتحين بيبقى متناقض مع بشرتهم زى كده

ودى درجة الروج اللى اقصدها


ومجموعة الدرجات دى بالنسبة لى مثالية للسمروات وبيلقوا عليهم جدا





6/ البنات صاحبات البشرة البيضاء جدا طبعا بيناسبهم كل الوان الروج لكن ممكن الالوان الفاتحة اوى تدى شكل باهت كانك طالعة من متحف الشمع



اما طبعا البشرة الخمرية والقمحين فدول ماشاء الله بيليق عليهم كل الدرجات ومفيش مشكلة عندهم

7/ بالنسبة للى شفايفم صغيرة ورفيعة فى ناس كتير بتقولى حطى روج غامق عشان يبينهم انا شايفة ان الروج الغامق حيبين حجمهم اكتر لكن الروج الفاتح مش حيبين انهم صغيرين وده حيخلى اللى يشوفنا مش يركز عليهم وحيركز على باقى الميك اب



8/وانتى بتختارى الروج بتاعك خلى بالك فى انواع كتير بيبقى فيها جليتر عشان تكون مناسبة للسهرات اكتر زى كده
فانتى تخلى بالك عشان مش تركنيه فى الاخر


اما لو عايزة تجيبى روج فيه جليتر للمناسبات فافضل واحد منتشر عندنا باور شاين من اوريفليم ودى سواتشز ليه



اما لو عايزة روج يناسبك فى اى وقت فالالوان الماط بتبقى افضل فى كل الحالات لانك حتى لو عاياها فيها لمعة حتعرفى تعالجى الموضوع ده بالجلوس



9/ طبعا كلنا عارفين انه اخيرا انتشر اللون اللحمى او النود كموضة لكن انا بنصح بيه كل البنات انها لازم تبقى عندها واحد على الاقل منه لانه اولا بيليق على كل الوان الميك اب وكل البشرات ثاني هو افضل حاجة فالناتشورال ميك اب او حتى النو ميك اب ستايل



ودى سواتش ليه



10/ الروج الاحمر هو ثمة مميزة للانوثة فى عالم الميك اب بس طبعا انا ضد ان حد يخرج بيه الا لو فى فرح او مناسبة لكن بفضله للبيت لو عندك سهررة او حفلة لكن خليكى عارفة انه لون قوى ومادام اخترتيه فانتى سلطتى الضوء فى مكياجك على شفايف يبقى باقى الميك اب لازم يكون هادى اوى ورقيق



11/ الروج الفوشيا الصارخ هو اه موضة بس مش يتخرج بيه يابنات عشان بشوفه كتير اوى الفترة الاخيرة صعب جدا بالذات فالصبح او حتى بالليل لو عايزة تحطى فوشيا هاتى جلوس ويكون رقيق كمان



مواضيع قد تعجبك:

• جمال الميكب الذهبي ، مكياج عيون ، فن المكياج
• فن المكياج ، تحضيرات قبل وضع الميكب ، جزء ثان
• لتعلم المكياج ، المكياج فرش ، انواع الفرش واستخداماتها
• ملف متكامل لتعلم جميع انواع المكياج
• تعليم المكياج خطوة بخطوة - طريقة سهلة لتعلم الكياج - تعلم المكياج بطريقة سهلة

منتديات شبكة حياة - مكياج ميك أب عطور مكياج عيون مكياج سهره مكياج عروس