ازاي نحط المكياج صح ، تألقي سيدتي ، مكياج واو

[أميرة بكلمتى]

ازاي نحط المكياج صح ، تألقي سيدتي ، مكياج واو

صور مكياج , الوان انيقه لمكياج للبنات كولكشن ميك اب , ميك اب السيدات روعه , ميك اب للسيدة الانيقة ، ميك اب جان كيوت ، ميك اب للجامعة ، ميك اب صباحى ، ميك اب حفلات ، ميك اب سهرات ، ميك اب خفيف للبيت

السلام عليكم
انا حابة اتكلم معاكم على حاجتين مهمين قوي لما نيجي نحط ميك اب و ازاي نحطة صح .. طبعاً اول حاجة فى الميك اب بنحطها الفاونديشن و الكونسيلر .. سؤال .مش ساعات لما تحطي ميك اب بتحسي ان المسام بتاعتك باينة كده و كبيرة و شكلها وحش .. انا ساعات كان بيحصل معايا كده , و بيبقى المنظر كده


و بالباودر كمان الموضوع بيزيد اكتر ... في طريقة بجد بتقلل من المنظر ده جداً و الطريقة دي سهلة قوي ..بس هيا محتاجة سفنجة مثلثه زي دي كده
او زي دي بس دي مش عارفة موجودة فى مصر و لا لا ...
تري مهمة جداً جداً لما نستعمل السفنجة دي الأول رشيها بشوية ميه مهم جداً جداً علشان ماتمتصش كتير من الفاونديشن و كمان علشان التوزيع بتاعها يبقى احسن و النتيجة احلى بس مش تغسليها يعني لو عندك بخاخة فاضية امليها مية و رشي عليها رشتين و بس مااااااااااشي مش الاقي حطاها تحت الحنفية و شغاله غسل

طبعاً الأول نرطب الوش بكريم بس مش كتير حبة نونو قوي خصوصاً لو وشك دهني ...
خلاص عملنا كده و جبنا السفنجه و بليناها شوية و حطينا فاونديشن على ايدينا و و بالسفنجة ناخد حبة و خدي بالك من النقطة دي اهم نقطة ناس كتير بيدهنو الفاونديشن على وشهم يعني بتسحبية بخطوط طوليه زي ماتكوني بترسمي بفرشه بعني تحطي نقطة على وشك و تقومي سحباها صح لالالالالالالالالالالالا غلط غلط انتي كده بتدهني لا .. المفروض تحطية بطرية الضغط كانك بتحطي الفاونديشن كده يعني بالسفنجة تضغطي و تشيلي تضغطي و تشيلي يعني بالضبط كانك بتبطبي على وشك بس جامد شوية يعني تدوسي و ترفعي منطقة منطقة هههههههه مش تدهني كانك بترسمي بفرشة انا مالقيتش صور على النت للطريقة و جربت اعمل على وشي بس الفاونديشن بتاعي نوعه بيغطي المسامات و اصلاً ماعنديش مسامات قوي حتى فى ايدي بيغطي كويس معلش بقى

و في طريقة تانية بالسفنجة برضه بس نتيجتها بتبقى طبيعية قوي .. عادي نفس الحوار الأول بس تريكة بقى عارفين السفنجة المثلثه دي اقطعيا ايوة يعني اقطعي منها الحتة الي قدام انا صورت بتاعتي بس الاب مش قاري الموبايل فحوريكم تقريباً تقطعيها منين زي الصورة كده

بجد الطريقة دي نتيجتها طبيعيه اكتر و الفكرة ان انتي لما تحطي الفاونديشن باسلوب الضغط او الطبطبة انتي بتملي المسامات بالمنتج مش بس بتدهنيها من فوق الوش .
وبرضة لما تحطي الباودر بنفس الطريقة بس طبعاً باسفنجة الباودر بس برضه مش تمسحي وشك بالباودر لا تضغطي برضه نفس الطريقة و فعلاً الطريقة دي بتقلل المسامات بطريقة واضحة جداً
جربو و قولولي ...

مواضيع قد تعجبك:

• تعالي اقولك تستخدمي القماش ازاي ... وتتعاملي معاه ازاي
• المكياج الصحيح ، الطريقه الصح لمكياجك ، تألقي سيدتي
• مكياج الصيف من جورجيو ارماني ، مكياج للصيف ، تألقي بهذه الادوات
• للسهرات اجمل مكياج ، مكياج لسهرتك ، تألقي في سهراتك
• جزام للتييرات ، اكسسوارات منعه ، تألقي سيدتي

منتديات شبكة حياة - مكياج ميك أب عطور مكياج عيون مكياج سهره مكياج عروس

[مرااايم]

الف شكر عيوني عالموضوع الحلو