منتديات شبكة حياة - مجموعة معجناتي الرائعة بمناسبة عودة ماما من رحلة العلاج ... هشششة ولذيييذة

[SIZE="6"][CENTER]بمناسبة عودة ماما من رحلة العلاج عجنت عجينتي ومافكرتش شنو نحشيها .. المهم إن الخطوة الأهم ( العجن ) درتها ولا جا في بالي حتى كيف حنشكلها لأني كنت مشغولة بحاجات أخرى
بسم الله نبدأ

سندوتشات التن من عجينتي الحلوة

المهم وأنا نفرد فيها ( كالعادة ) اخترت أسهل طريقة لف وحشيتها بالتن والهريسة والفلفل أسهل وأسرع شي وطلعت طعمتها خيااااااااااااااااال وهشششششة وهذي صورتها

لكن نقص عليا التن قلت شن اندير ؟ اندس العجينة ولا نحشيها حاجة أخرى وعشان ماانتبلش جهزت حشوة أخرى سريعة ودرتها في طاجين الكب كيك وطلعت رووووووعة وأخف من الريشة وعجبت ضيفاتنا اللي جن في نفس اليوم وهذينا الصور

ولأنها طلعت اتهبل ماقعدش منها حتى طرف وزادن شوية سندوتشات تن يعني لازم نعجن مرة أخرى وموضوع آخر

البيتزا الملفوفة وعجينتي السريعة

بعد ماحسيت إن سندوتشات التن اللي فاتن وسندوتشات الكب كيك قريب يكملن والضيوف ماشاء الله مازالو ايجو قلت لازم ازيد من الموالح بس فكرت هل نزيد سندوتشات التن ولا انغير بحاجة أخرى
وطبعاً كالعادة أفكاري مايجنش إلا في اللحظة الأخيرة يعني بعد ماعجنت مافيش حاجة نستحقلها في الحشو وأنواعها وماطلعتها يعني تن وجبنة وزيتون و..و .. و... لكن طبعاً وكالعدة مرة أخرى وأنا نفرد فيها قررت إنها تكون بيتزا عادية بس وأنا نفرد فيها حسيت إن عجينتي ماشاء الله ساعدتني قلتلها شن رايك انديرك بيزا ملفوفة ؟
قالتلي : والله أحسن .. حتى أسرعلك !!
توكلت على الله وجهزت اللازم وطلعت حلووووة وهششششششة بس لأني مش امخططة من الأول إنها تكون بيتزا فنقص عليا نوع من الجبنة في الأخير بس كلها طلعت واااااااااااااااو
هيا تفضلو

السندوتشات المقلية .. سرعة وخفة
مازلنا في مهرجان المعجنات واليوم درت السندوتشات المقلية اللي ماتاخذش وقت وتعطيك نتيجة خيااااال وممكن تحشيها باي حشوة تحبيها وتصلح لجميع الأوقات خاصة وقت العشية مع الشاهي

الخبز العربي

من زمان كان خاطري اندير ( نعمل ) الخبز العربي في البيت بس كنت خايفة ماينجحش معايا بس هالمرة اشجعت لكن قلت انديره بحجم صغير احسن ونشوف
والنتيجة كانت روعة والخبز طري رغم إن نوع الدقيق اللي عندي مش امساعدني لكن الخبز طلع مش عادي وهذي صورته

http://www.hayah.cc/forum/storeimg/h...009059_811.jpg

http://www.hayah.cc/forum/storeimg/h...009061_107.jpg

http://www.hayah.cc/forum/storeimg/h...009062_164.jpg

http://www.hayah.cc/forum/storeimg/h...009059_167.jpg

http://www.hayah.cc/forum/storeimg/h...009060_184.jpg

http://www.hayah.cc/forum/storeimg/h...009058_203.jpg

http://www.hayah.cc/forum/storeimg/h...009058_821.jpg

http://www.hayah.cc/forum/storeimg/h...009060_431.jpg
عطوني رايكن وماتبخلنش عليا بالردود