تابعي جديدنا بالفيسبوك


العودة   منتديات شبكة حياة > حياتك > المطبخ الإلكتروني مطبخ حواء وصفات طبخ > أطباق رئيسية

اكلة مصرية محشى كرنب بطعم رائع

اكلة مصرية محشى كرنب بطعم رائع اكلة مصرية محشى كرنب بطعم ووواوو النهــارده هنعمل أكله مصريه جميله معظم الشعب المــصري بيموت فيها ويا سلام لمـا

أطباق رئيسية

إضافة رد
 
أدوات الموضوع انواع عرض الموضوع
قديم 05-11-2013, 02:14 AM   المشاركة رقم: 1
الصورة الرمزية
الصورة الرمزية جورى
الكاتبة:
اللقب:
عضوة نادي الألف
عرض البوم صور جورى  
معلومات العضوة

التسجيل: 28-2-2013
العضوية: 66529
المشاركات: 1,503
بمعدل : 0.86 يوميا
معدل التقييم:

الحالة:
جورى غير متواجد حالياً

افتراضي اكلة مصرية محشى كرنب بطعم رائع


اكلة مصرية محشى كرنب بطعم ووواوو

النهــارده هنعمل أكله مصريه جميله
معظم الشعب المــصري بيموت فيها
ويا سلام لمـا تكون في الشتاء وسخنه
موحوحه .. يووووو شكلي هتكلم عليها كتير
بصو بختصار .. محشي الكرنب
ايوه محشي الكرنب أو الملفوف
يـــــلا بينا نشوفه.. بيتعمل أزاي
أولاً المكونـات:
كرنبه _ شبت_ بقدونس _ كزبره حضراء _
بصل _ طماطم _ فلفل رمي وحامي _ ارز مصري لؤلؤي
_زيت دوار الشمس _ سمن بلدي
التوابل العاااامه يعني(( ملح _ فلفل أسود _ كمون _ كزبره ناشفه )) نضيف عليهم .. نعناع ناشف او أخضر .. ريحــان .. توابل المحشي من فاين فوز

طـريقة التحضير:
طبعاً هتشتري الكرنبه .. هتقطعي الرأس وتفكاكي الورق..أو تقطعي ورقه ورقه من عنقدها العلوي
ضعي حله بهـا مـاء للغليان.. ولمـا تغلي.. ضعي فيها الورق .. طبعاً مش هتنزليهم مع بعض
هتنزلي 3 أو 4 ورقات علشان تعرفي تقلبيه من غير ما يتقطع
أو يتهري ..طبعاً هتسويه نصف سواء
يعني غلوتين فقط ..أوعي يتهري منك
مش هتعرفي تلفيه .. أنا قولت وانت ِ حره
لمـا تطلعيه من الماء.. أقطعي عرقه أو عنقوده من الرأس
لحد ما ينتهي بس اوعي تقطعي الورق معه
بعدها قومي بتقطيع الورق لجزل أو مربعات حسب الرغبه
وطبعاً حجم الورقه حسب الرغبه


اكلة مصرية محشى كرنب بطعم رائع hayah_1336688045_629.jpg


وأتركيه لحد مـا يبرد وتعالي نعمل الصلصه
طريقة تحضير الصلصه:
بصل مقطع كتتتتير + فلفل رمي وحامي (( حسب الرغبه))
ضعي الحله على النـار وقليل من الزيت
وبعدها ضعي فيه البصــل



قــومي بتقليبه حد مــا يحمـــر

بعدهـا ضيفي الطماطم المعصوره عليه
وقلبيها

بعــدهـا ضعي الملح والفلفل الاسود وتوابل المحشي لفاين فوز والكمون والنعناع و الريحان (ملحوظه النعناع والريحان كميات قليله .. الكمون كميه كبييييييييييره )
وأتـــــركيها تتسبك كويس جدا
لحد مــا تنشف خاااااااااااااااااااااالص
وبعد مـا تتسبك ضفيهـا علي الارز المغسـول في الطبق البلاستك أو حسب الرغبه



بعــدها ضيفي عليهم الخضره المقطعه (( الشبت _ البقدونس _ الكزبره الخضراء ))
وقلبيهــا جيداً

هـا قلبتيهــــا
طيب دا شكلها بعد ما تتقلباكلة مصرية محشى كرنب بطعم رائع hayah_1336688046_197.jpg

خلاص كدا الخلطه جاهزه للحشو
تعالي نشوف بنلف الكرنب أزاي
طريقة الف الكرنب:
أول شيء أمسكي ورقه من ورق الكرنب
على صوابع يدك اليسري وضعي بها شوية الارز
وقومي بلفها باليدين معاً
أما الطريقة الاخرى .. أنك تضعي ورقة الكرنب على طبق .. وبعــدها تضعي شوية الارز

بعدها ابدأي بلفه على الطبق زي الجلاش الملفوف
ودا شكله بعــد اللف



جهزي حله بها قليل من زيت دوار الشمس وممكن وضع العروق اللي أنتِ شلتيها من الورق (( حسب الرغبه))
وابدأي في الرص بعد ذالك

حـاولي تكون الرصه منظمه

وياريت تحاولي تخلطي بين الورق الابيض والاخضر علشان كله يتأكل



حــاولي يكون مرصوص بدون لخبطه علشان كله يستوي مع بعضه ..



نظميه للنهــايه لكن أتركي في الحله
ارتفاع .. صابع يد أو أتنين



بعدها ضعي شربة الفراخ .. أو المـاجي
بكميه متساويه مع الكرنب أو أعلى شيء بسيط
علشان يطلع مفلفل
بعدهاضعي الغطاء بأحكام علشان البخار يفضل
داخل الحله
وطبعاً النــار بتكون مرتفعه كأنك هتسوي أرز عادي
يعني النـار مرتفعه ولمــا يتشرب الشربه
ويدخــل في الســواء أخفضي النــار خااااالص
مثل الشمعه
وأرفعي الغــطــاء وضعي
معلقة سمن بلدي من اللي قلبك يحبها

قومي بوضع الغطاء مره أخرى
وأتركيه لحد مــا يستوي خــالص
بعد ها أطفي النار عليه
وقدميه جنب الفراخ المحمره والملوخيه الخضراء
والسلطه أو حسب ما أنت ِ متعوده تأكليه جنبه
وأتفضلي الطبق

اكلة مصرية محشى كرنب بطعم رائع hayah_1336688045_228.jpg

وبالهــنا والشفـــــا





مواضيع قد تعجبك:



التعديل الأخير تم بواسطة فاتن بشير ; 02-27-2015 الساعة 03:24 PM
رد مع اقتباس
جديد المواضيع في قسم أطباق رئيسية

قديم 05-28-2013, 05:23 AM   المشاركة رقم: 2

معلومات العضوة
الكاتبة:
اللقب:
عضوة مميزة

التسجيل: 25-1-2013
العضوية: 65344
الدولة: بنت المعز لدين الله الفاطمى...القاهرة
المشاركات: 8,312
بمعدل : 4.66 يوميا
معدل التقييم:

الحالة:
هدير غير متواجد حالياً

عرض البوم صور هدير  
افتراضي

تسلمى حبيبتى والله ممتازة
مجهود رائع


رد مع اقتباس

Powered by vBulletin® Version 3.8.7
Copyright ©2000 - 2016, vBulletin Solutions, Inc.
Content Relevant URLs by vBSEO