قديم 04-25-2013, 01:24 AM   المشاركة رقم: 1
الصورة الرمزية
الصورة الرمزية عاشقة الفردووس
الكاتبة:
اللقب:
عرض البوم صور عاشقة الفردووس  
معلومات العضوة

التسجيل: 20-4-2013
العضوية: 68565
المشاركات: 500
بمعدل : 0.11 يوميا
معدل التقييم:

الحالة:
عاشقة الفردووس غير متواجد حالياً

افتراضي

&& ليه حاسة انة مش بيحبك ؟ *****


&& ليه حاسة انة مش بيحبك ؟ *****

لية حاسة انة مش بيحبك ؟


الراجل بطبيعة تفكيره اللى ربنا خلقه بيها لما يركز على حاجة ينسى اي شئ غير مرتبط بالحاجة اللى مركز عليها.

ربنا خالق الرجالة كدة.

بعكس الستات .

الست بطبيعتها مهتمة بالناس و العلاقات الانسانية .
ربنا خالقها انها لما تركز على حد يكون تركيزها على الامور المحيطة بالشخص دة. .

ربنا خلق الراجل كدة عشان الراجل مطلوب منة يشتغل و يوفر القوت اليومى لاسرته. هو رب الاسرة.

و خلق الست كدة عشان تاخذ بالها من الاسرة و احتياجات زوجها و اولادها عشان يكون في توازن في الاسرة.

عشان كدة الراجل تركيزه بيكون على الاشياء زي السيارات و الهواتف و احدث الالعاب. لكن الست تركيزها بيكون على العلاقات الانسانية و الحب و المرح.

مخ الراجل بيشتغل بطريقة مختلفة عن الست ...
لما يحط هدف في دماغة. الهدف دة دايما الاهم و هو شغله وعمله لان نجاحة في عمله بيعينه على ان يعيل الاسرة.
فتلاقية و هو مركز مثلا على نجاحة في شغلة يكون شايف الحجات اللى توصلة لهذا النجاح. انتباهة بيكون بعيد تماما عن اى شئ اخر بعيد عن تحقيق هدفة.
طبعا انتى مش من ضمن الاشياء اللى ليها علاقة مباشرة بتحقيقه لهدفة.
يعنى انتى مالكيش علاقة مباشرة بالتقرير اللى لازم يتقدم يوم الاحد الصبح على مكتب مديره. مالكيش علاقة مباشرة بنسبة المبيعات اللى لازم يحققها على نهاية الشهر لو هو شغال في قسم المبيعات في شركة.


تيجي انتى بقى بطبيعتك تاخدى بالك من البيت و توفرى لجوزك الجو المناسب انة يستريح لما يرجع من الشغل و تسكتى العيال و تتاكدى ان هدومة نضيفة دايماو الحجات دي كلها. اللى هى حجات متعلقة بة هو لانه هو محور اهتمامك لان ربنا خلقك كدة بتفكري في الحجات المتعلقة بالناس اللى بتحبيها و اللى تكون مرتبطة بيهم.

لما يطول اندماجه في شغلة بالمنظر دة و تحسي انة لا يعطيكى اي اهتماما هاتحسي انه مش بيحبك.

لانك لما بتحبي حد بتدى اهتمام لشخصه و للامور المتعلقة به و حوله. و طبعا متوقعة منة نفس الشئ. لانك فاهمة انه اللى يحب حد بيعمل كدة.

فى الحقيقة ان الست لما بتحب حد بتعمل كدة لان دي طريقة تفكيرها.

لكن الراجل مش كدة. الراجل بطبيعتة اللى ربنا خالقة بيها معتقد انة بعملة اليومى و حرصة على توفير قوت اليوم لزوجته و عياله ان دة دليل انه هو بيحبهم ويعتقد انهم مقتنعين انة بيحبهم و مقدرين تعبه عشانهم.

. طبعا في فجوة في النص بين الطريقة اللى بيحسس بيها الراجل زوجتة بحبه ليها و الطريقة اللى بتحسس بيها الست جوزها بحبها ليه..

كل واحد فيهم شايف انة لما يعمل حاجات معينة كدة بيثبت حبة و متوقع نفس الحاجات تتعمل معاة عشان الطرف التاني يثبت حبه.

و في نفس الوقت الحاجة اللى بيعملها كل واحد فيهم عشان يثبت حبه للتاني مختلفة عن الاخر.

كل واحد فيهم فاكر ان هو دة اللى المفروض يتعمل.


عشان كدة زوجك بيكون مستغرب لما تيجي تقولى له انا حسة انك مش بتحبني .

بيسال نفسة ازاي الاحساس دة جالك ؟

دة انا طول اليوم مطحون في الشغل عشانهم.

دة انا بجيب لهم و باشتري لهم................

الموضوع لحد كدة عادي يعنى مفهوم لكن المشكلة في اللى بيحصل بعد كدة.

تيجي الست بسبب احساسها بعدم اهتمام جوزها ليها تبدا تتفانى اكتر في شغل البيت عشان تثبت لة حبها الكبير له

. يعنى تحس انها ممكن تكون مقصرة في الاهتمام بة عشان كدة هو ممكن يكون مش بيحسسها كتير بحبه.

فتهتم اكتر و تتفانى اكتر و تنسى نفسها خالص. و تتفاجئ ان الرجل زي ماهو. دة بالعكس ممكن يزيد.

الحل مش كدة.

انتى حاسة بالاحباط و بعدم اهتمام جوزك بيكي

ابداى كلمية عن اللى انتى حاسة بة قبل ما الموضوع يتفاقم عندك و من غير ماتعملى مشكلة معاة و انتى بتتكلمى معاة في الموضوع .

لانة هو مش غلطان. هو ربنا خالق دماغة كدة.

انتى بس مطلوب منك انك تنبية للاختلاف و الفجوة اللى بين الراجل و الست.

زي ماكان عندك اهتمام انك تقري المقالة دي عشان تحلى المشكلة دي.
وعية باللى اتعلمتية من المقالة دي.

المسئلة مسئلة وعى مش اكتر.

انتى مش هاتقولى لة انت مقصر معايا.

انتى تبداى تتكلمى معاة و تقضى وقت معاة في الكلام.

لو جاء و اقترح عليكي انكم تخرجوا ماتجيش في الخروجة تتكلمى عن عدم اهتمامة بيكي و اهمالة ليكي و اهتمامة بالشغل بس.

انتى فاكرة انك كدة بتحلى المشكلة لكن هى كدة بتتعقد اكتر.

لما تيجي تكلمية في اي شئ و تعبري لة عن مشاعر الاحباط اللى جواكي و انتى متتظرة منة انة يسمعك، حسسية في نفس الوقت ان كل شئ تمام و انك بس محتاجة منة يحس باللى انتى حاسة بيه.

هو بيحبك و هايديكي عينية عشان بيحبك.

مش محتاجة في اللحظة دي انك تقولى لة انا حاسة بكذا و انت مقصر و تنتقدية.

لا لا لا مجرد انك تحسسية بالمشاعر اللى انتى حاسة بيها و تتااكدى انها وصلت لة استنى منة رد في ساعتها و شئ يعوضك عن احساسك دة.

لازم تتصرفى على اساس انك فاهمة ان في اختلاف بين الرجل و الست في التفكير و الادراك و طريقة الحب تجعل في سوء تفااهم بينهم لو كل واحد فيهم مافهمش الاختلاف دة و عمل على انة يتفاداة.

منغير ماتلومية فهمية ان مجرد اصغائة ليكي و انتى بتتكلمى هو اللى انتى محتاجاه و انك هاتقدري له لو عمل معاكي كدة.

اشكرية على اي حاجة يعملهاعشانك و ماتستهينيش باي حاجة يعملها عشانك.

لما تلاقى نفسك وقعتى في فخ الاهتمام المتزايد به بدون تلقى اهتمام مقابل منة لا تزيدي من الاهتمام بة على حساب راحتك.

لااقول ماتهتميش بيه.

بس لو تعبانة اهتمى بنفسك الاول.

انتى الاول و بعدين هو.

لو حصل تقصير في اهتمامك بة بسبب اهتمامك بنفسك قبلة هايكون كويس لانة هايلاحظ انة مقصر في الاهتمام بيكي ساعتها .

فهمى زوجك او خطيبك المطلوب منة و هو كالاتي:

يسمعك و يساعدك على اكتشاف المشاعر اللى جواكي و يساعدك على التعبير عنها .

يساعدك في اكتشاف احتياجاتك الخاصة بيكي . لانك انتى في اغلب الوقت بتكونى مش عارفها و بتكتشفيها في لحظات الحب و المودة اللى بينكم.

فهمية انة يجعل اهتمامة بزوجتة هدف مستقل بذاتة.
و الا عمره ما هايعرف يهتم بيكى وسط اهتمامة باى شئ اخر.
لانة لما بيركز في حاجة مش بيكون واعى باللى حولية و بيكون مالوش دعوة باي شئ مالوش علاقة بالحاجة اللى مركز فيها.
عشان كدة لو ماكانش اهتمامة بيكي هدف مستقل بذاتة عمرة ما هايحصل.

بس تفهمية كدة منغير نقد.

يعنى تتكلمى في النقط دى و تفهمية انك مش زعلانة منة لان دي الطبيعة اللى ربنا خلق بيها الرجالة. و دة مش عيب فية.

العملية بس محتاجة ان كل واحد فيكم يكون واعي للاختلافات اللى بينكم في طريقة التفكير و الحب كراجل و ست و تجنب المشاكل اللى ممكن تحصل بسبب الاختلاف دة.


مواضيع قد تعجبك:


رد مع اقتباس
جديد المواضيع في قسم عالم الحياة الزوجية و المعاشره

قديم 04-25-2013, 11:25 PM   المشاركة رقم: 2

معلومات العضوة
الكاتبة:
اللقب:
عضوية التاج الفضي


افتراضي

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم


رد مع اقتباس
قديم 08-15-2013, 07:11 AM   المشاركة رقم: 3

معلومات العضوة
الكاتبة:
اللقب:
عضوة حيوية


افتراضي

شكرا علي المجهود


رد مع اقتباس
قديم 08-30-2013, 02:10 AM   المشاركة رقم: 4

معلومات العضوة
الكاتبة:
اللقب:
مشاركة نشطة


افتراضي

موضوع روعه شكرا علي المجهود


رد مع اقتباس

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO