جديد الفعاليات
دخول العضوات
| ||||||
 |
| | أدوات الموضوع | انواع عرض الموضوع |
04-21-2013, 02:19 AM
| المشاركة رقم: 1 | |||||||||||||||||||||||||||
| ||||||||||||||||||||||||||||
 تعبتى وزهقتى من شعرك..يبقي تقنية الـبروتين لعلاج وفرد الشعر سلاحك لشعر ناعم  انا انهاردة هتكلم معاكم فى موضوع كلنا بنسمع عنه اليومين دول وانا فى الموضوع دة ان شاء الله هحاول استوفى كل المعلومات اللى ممكن تتعلق بيه علشان توصلكم المعلومة كااااملة احنا انهاردة هنتكلم عن البروتين وأهميته فى علاج الشعر وهنعرف ايه هو البروتين وايه الفرق بينه وبين الكيراتين واسئلة تانية كتير . الاول كدة وبكل بساطة كلنا اكيد عارفين اهمية البروتينات لجسمنا وكل عضو من اعضاء جسمنا محتاج ليها علشان كدة لازم نمده بالكمية الكافيه ليه من البروتينات علشان يكون قادر على انه يقوم بوظيفته الحيوية ومن الاجزاء المهمة فى الجسم واللى بتتأثر بشكل مباشر بالبروتينات هى الشعر لانه تقريبا كل مشاكل الشعر سببها نقص البروتينات اللى بتساهم بشكل اساسى فى تشكيل البروتين الخاص بالشعر واللى كلنا عارفينه وهو الكيراتين ومش هنتكلم فى النقطة دى كتير لاننا كلنا دلوقتى عرفنا يعنى ايه كيراتين وعرفنا انه هو البروتين الاساسى للشعر واللى بيكون 88% من تركيب الشعر والبروتين دة موجود بشكل طبيعى عندنا كلنا بس الفرق بين شخص والتانى هو فى كمية البروتين اللى على اساسها برضو بتختلف نوعية وطبيعة الشعر وبشكل سريع كدة كمية الكيراتين فى الشعر بتتوقف على 3 عوامل عوامل جينية والتي تكون متوارثة من الاباء والامهات . عوامل الاجهاد اللى بتتسبب فيها زى تعريض الشعر للغسيل المتكرر والسيشوار والمكواة والصبغات والهاى لايت وخلافه وطبعا دى بتاثر على كمية الكيراتين وبتغير من طبيعة الشعر لانها بتغير من سمك الشعرة ومقاومتها ولونها وطول حياتها فبالتالى بيتعرض الشعر للضعف والتقصف والسقوط . النظام الغذائى ودة لازم نهتم بيه لأن كمية البروتين اللى بتغذى شعرنا بتتوقف على الاكل اللى بناكله واللى لازم يحتوى بشكل اساسى على الانواع اللى بتمد الشعر بالبروتينات اللازمة ليه  طيب باختصار ايه العلاقة بين البروتين والشعر؟؟؟؟ البروتينات تعتبر هى المكون الأساسى اللى بتحتاجه البصيلات لإنتاج الشعر لأنها تحتوى على الأحماض الأمينية الكبريتية (السيستين والسيستياين والميثيـونيـــــــن وغيرها ) وهى المسؤولة عن نمـو الشعر لانها بتتّحد مع بعضها البعض لتكوّن بروتين الشعر المعروف بالكيراتين و أثبتت الدراسات العلمية أن نقص البروتين يكون سببا فى حدوث بعض التغيرات الهرمونية بالجسم وبتكون نتيجتها حدوث تغيرات بالشعر تشمل فقدان النضارة واللمعان والتقصف والسقوط والهيشان . ببساطة كدة البروتين بالنسبة للشعر زى الماية للجسم لانه بيؤثر بشكل مباشر على بناء خلايا الشعر ووجوده بالكمية المطلوبة يعنى شعر صحى لكن لما بتقل نسبته بيبدأ الشعر بالتساقط طيب المفروض ازاي نحافظ على البروتين اللي موجود في شعرنا ؟ المحافظة على البروتين فى شعرنا بتعنى شعر صحى زى ما قولنا والمحافظة عليه بتم بمعادلة بسيطة جدا تغذية سليمة + ممارسة التمارين الرياضية + استخدام التقنيات المناسبة للشعر = شعر صحى وجذاب فالتغذية السليمة تعنى نظام غذائى متكامل ومتوازن بيضمن امداد كامل للشعر بالبروتينات المهمة اللى بيحتاجها لينمو بشكل صحى وسليم وبكدة نحافظ على الشعر من التساقط وفقدان كثافته ممارسة التمارين الرياضية لتنشيط الدورة الدموية ودة بيعنى وصول كمية دم كبيرة لفروة الرأس محملة بالعناصر والفيتامينات اللى بيكون الشعر محتاج ليها لينمو نمو سليم استخدام التقنيات المناسبة للشعر بتعنى اننا نرحم شعرنا شوية من كــــــــــــــــــــــــ ـــــــــــــــــــــــــ ــــــــل الأسباب اللى ممكن تؤدى لتلف الشعر وفقدان حيويته لان زى ما احنا كلنا عارفين ان اللى بنعمله فى شعرنا مش شوية ولو كان بيتكلم كان اتكلم من زمان وقال ارحمووووووووووووووونى اكيد كلكم عارفين ايه هى الاسباب دى بس انا هغلس عليكم واقولها ليكم تانى ..... لأ وهميزها بلون معين علشان اللى بتعمل نفسها مش شيفاها تشوفها كويس وتسمع استغاثة شعرها وقبل ما تعمل منها حاجة تفكر 100 مرة وأنا أولكم طيب ايه هى الأسباب دي ؟؟؟ غسل الشعر بشكل يومى ومتكرر باستخدام الشامبو وتجفيفه باستخدام حرارة المجفف الاستخدام اللى من غير حساب للسيشوار والمكواة التسريح المفرط للشعر . طبعا سمعاكم كلكم بصوت واحد بتقولولى يعنى ايه انتى عايزانا ما نسرحش شعرنا لا سرحيه بس بعقل لان التسريح المفرط للشعر بيعرضه للتلف المباشر وللتقصف والتكسر وبيعرض لونه للبهتان استخدامنا للصبغة والهاى لايت وللفرد الكيميائى من غير حساب لو البروتين ده نسبته قلت نعمل ايه ؟ البروتين لو نسبته قلت هيكون قدامنا حل من اتنين الحل الاول : وأهمهم التغذيه السليمه بحيث اننا نركز على انواع الاكل اللي بيكون فيها حديد وزنك بنسبه كبيره وطبعا الطريق ده افضل طريق صحي ولكن نتايجه مش بتظهر بصوره سريعه على الشعر وفي ناس مش بداوم على النوعيه الصحية من الاكل الحل التاني : هو اننا بنبدء ندور على المستحضرات اللى بتساهم بفاعلية فى علاج الشعر والحفاظ عليه والمنتجات دى بتبقى الكيراتين أو البروتين اللى هو محور موضوعنا حيث ان المنتجات دى بتكون محتوية على خليط من العناصر اللى بيحتاجها الشعر وبكده انتي بتعوضي الشعر عن بروتين الكيراتين اللى بيكون الشعر محتاجه علشان يكون صحى اكتر وتتمتعى بشعر ناعم وطري ومعالج من التقصف والهيشان .  لاااااااااااازم كلنا نبقى عارفين ان البروتين دة مش حاجه جديده هو هو الكيراتين بس بشكل متطور بحيث انهم وصلو فيه لزيادة المميزات وتفادى العيوب اللى كانت موجودة فى الكيراتين باستخدام تقنيات حديثة حيث تعددت التقنيات المستخدمه من قبل شركات التجميل في تصنيع وتطوير منتجات الكيراتين للشعر للوصل للبروتين ومرو بعدة مراحل المرحله الاولى : بدأت فيها الشركات بتصنيع الكيراتين وتم انتاجه فى اول ظهوره وكان عبارة عن منتج للعلاج ومنتج للفرد بحيث ان المنتج اللى بيفرد دة علشان يدينا نتايج كويسة دة معناه احتواءه على نسبة فورمالين بتوصل ل 4% ووجود النسبة دى من الفورمالين ليه تأثيراته السلبية اللى ما حدش يقدر ينكرها غير كدة انه كان لازم يتساب على الشعر لمدة 4 أيام وكل يوم لازم نعمل للشعر بيبى ليسوده كان بيرهق الشعر جدا . اما بالنسبة للنوع المعالج صحيح هو كان خالى من الفورمالين بس نتايجه كانت ضعيفه غير مدة ال 4 ايام اللى هيتساب فيها على الشعر . المرحله التانيه : بعد فترة طوروا المنتج وظهرت منتجات جديدة بتحتوى على نسبة أقل من الفورمالين وبدأت الشركات تستخدم بدائل الفورمالين والمنتجات دي كانت بتدينا نسبة فرد وعلاج بنسبة أكبر غير انها كانت بتتغسل بعد نص ساعة من تطبيق الكيراتين على الشعر او تغسل بعد يوم كامل . المرحله التالته : بعدها طوروا المادة وانتجوا منتج خاااااااااااااااااااااااا اااااااااااالى تماما من الفورمالين بالاعتماد على مواد طبيعية بتقوم بوظيفة الفورمالين فى الحفاظ على مادة الكيراتين جوة الشعر ودى كانت عبارة عن تقنيه البايو( BIO ) اختصارا لكلمه Biological والمنتج دة بقى بيدى نسبة فرد بس كانت لا تتجاوز 60 الى 70% مع زيادة نسبة العلاج وبرضو بيتغسل بعد نص ساعة . المرحله الرابعه : وهي ظهور البروتين بحيث انه منتج بيدى نسبة فرد كبيرة ونسبة علاج كبيرة وبيتغسل على طول بدون الانتظار ومن غير اى نسبة فورمالين بالاعتماد على تقنيات عالية مختلفه هنتناولها بالتفصبل في موضوعنا دلوقتى وأخيراااااااااااااااااااا اااااااااااااااااااا هنتكلم عن منتج البروتين معلشى انا طولت عليكم بس والله لانى حابة اكتبلكم كل معلومة ممكن تفيدكم  تقنية البروتين هى طريقة جديدة لعلاج الشعرعلاجا جذريا وبيعتبر الحل المثالى للشعر الجاف والمتضرر والمجعد والمتموج والمتشابك والذى لا يمكن تسريحه بسهولة فهو يطيل الشعر ويحسن طبيعته عن طريق امداد البصيلات بالمواد الدهنية والمائية اللازمة لصلابته ولتقنية علاج الشعر بالبروتين ليها العديد من التفاصيل والاسرار اللى بتميزها كتقنية حديثة فالكل انهاردة بيتكلم عن علاج الشعر بالبروتين من خلال علاج افضل وتغذية افضل للشعر بدون اضرار وبدون اى كيماويات وبدون اضافة اى نسبة فورمالين او بدائل للفورمالين . نظام علاج الشعر بالبروتين بيعتمد على معالجة الشعر باستخدام الاحماض الامينية والمعادن وعناصر الطمى اللى بتكون مسؤولة عن تشكيل نسيج الشعر من الداخل والخارج .  تركيبته الغنية بالكيراتين تجعله يمد الشعر بكمية كبيرة منه فتقوم حبيبات الكيراتين بالتغلغل داخل مسام الشعر وفى قشرته فتحسنه وتصلح نوعيته من الداخل الى الخارج كما تضفى عليه طراوة وقوة ما يجعله ناعما وبراقا ذات شكل املس وبرضو احتواءه على مزيج قوي جدا من الاحماض الامينيه وعناصر الطمي بتميزه كعلاج قوى لتقصف الشعر وبتخليه اكثر نضارة وحيوية وبشرح مبسط هبين ليكم اهمية الاحماض الامينية والطمى الاحماض الامينيه التي بيحتوي عليها البروتين واهميتها للشعر بيحتوى على الميثيونين METHIONIN وهو حمض امينى مهم جدا للشعر فهو مصدر مهم للكبريت بيساعد فى منع تكسر الشعر وتساقطه وبيحسن نموه وكثافته ونسيجه السيستايين CYSTEINE وهو من الاحماض المكونة لبروتين الشعر مهم جدا لنمو الشعر وبيعمل على زيادة نموه 100% واهميته كمان بترجع لاحتواءه على جزيئات الكبريت كجزء من سلسلة بروتين الكيراتين والكبريت من المركبات الاساسية اللازمة لحماية الشعر وتقويته وتغذيته ايضا بيساعد البروتين فى المحافظة على تركيبته ويساعد الشعر على مقاومة التجعد الطمـــــــــــــــــــــ ـــــARGILـــــــــــــــ ــــــــــــــــــى بما اننا قولنا ان الطمى ليه دور فى علاج الشعر بالبروتين دلوقتى اكيد كلكم عايزين تعرفوا ايه هو الطمى وايه هى فوايده الطمى ليه استخدامات كتيرة فى مجال التجميل فقد استخدم على مر التاريخ فى الطب والعمليات التجميلية وكان المصريين القدماء بيستخدموه كعلاج وكانت الملكة كليو باترا تستخدمه فى نظام تجميلها اليومى . ايه هو دوره فى علاج الشعر؟؟؟ الطمى بيعتبر سلاح جديد لمعالجة جميع انواع الشعر لانه يساعد على تقوية الشعر من المنابت من خلال تنشيطه وتغذيته بالعناصر الهامة اللى بيكون الشعر محتاج ليها لينمو بشكل صحى ويظهر بمظهر صحى و يقوى الشعر ويمنحه حجما ولمعانا وليونة ينظف افرارزات الغدد الدهنية وينشط بصيلات الشعر ويمنحها الحيوية اللازمة ويجعل الشعر لامع وصحى بيحتوى على معادن بيكون سهل اختراقها فى البصيلة وبتعالج الجفاف وبتعطى لمعة ممتازة طيب ايه هى اهم العناصر اللى بيتكون موجودة فى الطمى وبيحتاجها الشعر وايه اهمية كل عنصر للشعر الالومنيوم وهو معدن ليه فوايد مهمة للشعر الماغنسيوم بيساعد على الترطيب ومهم لنمو الشعر بصورة طبيعية المنجنيز عنصر مهم لمساعدة الزنك للاتحاد مع البيوتين وهما هامان لنمو الشعر نموا جيدا كما انه يوقف دور بعض الهرمونات الضار على منابت الشعر مما يجعله هام فى المجموعة التى تقوم على تغذية الشعر وحمايته من التلف الكالسيوم مهم لنمو الشعر الصوديوم لو فوائد علاجية ويساعد على الترطيب البوتاسيوم والسيليكون للحفاظ على شعر صحى الكبريت وهو عنصر مهم وموجود فى كل خلية ولكنه يتركز فى الشعر والجلد والاظافر ويوجد بكثافة فى بروتين الشعر (الكيراتين) ويعرف بمعدن الجمال لانه يجعل الشعر اكثر تالقا ولمعانا وهو عنصر حيوى وهام لتكوين الاحماض الامينية مثل السيستين والسيستايين وكلاهما له علاقة مباشرة بصحة الشعر وحيويته طيب ايه هى مميزات البروتين ؟ منتج خاااااااااااااااااااااااا الى تماما من الفورمالين ومن اى مواد كيميائية . بيعطى نسبة فرد بتوصل ل 98 %. بيعطى نسبة علاج بتوصل ل 100% من حيث اللمعة والنعومة والطراوة الفظيعة للشعر وبيشيل كل التقصف والهيشان . ريحته حلوة جدا جدا كاي منتج تجميل رائحته ممتازه كالشامبوهات والبلسم . عند التطبيق بدون مبالغة ولا اى ريحة ولا اى دخان . بيتغسل على طول بدون انتظار بيفرد وبيعالج الشعر بشكل صحى وامن مع ضمان اطول فترة للعلاج على الشعر .  طبعا فى البداية وقبل تطبيق البروتين لازم نتأكد كويس جدا انه ما فيش اى مشاكل فى فروة الراس زى الالتهابات او جروح تحضير كــــــــــــــــــــــــ ــــــــل الأداوات المطلوبه لتطبيق البروتين والادوات زى ما فى الصورة  الخطوة الاولي  تحضير الشعر للبروتين ودة عن طريق غسل الشعر بشامبو خاص اسمه (الكلاريفاينج شامبو ) او ( الكلينر شامبو ) الخطوه دى مهمه جدا جدا ويتغاضي اغلب الكوافيرات عنها بواسطة غسل الشعر بشامبو جونسون للاطفال ودة طبعا غلط كبير لان جونسون صحيح بينظف الشعر جيدا لاكن لا يفتح مسام للشعر . والخطوة دى من اهم الخطوات قبل تطبيق البروتين أو الكيراتين حيث ان هذه الخطوه ليها وظيفتين الأولي تنظيف الشعر من الزيوت والدهون وبقايا المتعلقه بالشعر والوظيفه الثانيه هي فتح مسام الشعر الخارجيه) الكيوتكل ) ودة علشان نجهزها لدخول مادة البروتين او الكيراتين داخل الشعر. وتكون هذه الخطوه عن طريق غسل الشعر من مرتين الى ثلاث مرات بالشامبو الكلاريفاينج او شامبو قبل دون استخدام الشامبو بعد او البلسم الخطوة الثانيه  يتم التنشيف بواسطة الفوطه ثم بواسطة مجفف الهواء ( السشوار ) 100 % بهواء متوسط الحراره . ملحوظه : اذا كان الشعر طويل وكثيف يمكن رش القليل من الماء لتندية الشعر ويجعله اسهل في التقسيم . الخطوة الثالثه  يتمتقسيم الشعر الى 4 اجزاء اذا كان الشعر قصير او 8 اجزاء اذا كان الشعرطويل نفس طريقة تقسيم الشعر للصبغه . ثم يتم وضع مادة البروتين على خصلرفيعة بواسطه فرشة الصبغه العاديه وذلك عن طريق مسك الخصله ووضع الماده علىالخصله في ثلاث مواضع الاولى بعيد عن فروه الرأس ب 1 سم . والموضع الثانيفي وسط الخصله والموضع الثالث في اخر الخصله ثم يتم تمشيط الخصله بمشطالبونطه ذو السنون الضيقه او المشط الحراري ايهما متواجد وذلك لتوزيعالمنتج على الخصله بالكامل ملحوظه : عند وضع مادة البروتين على الشعر يراعيعدم نقص أو زيادة المنتج على الخصله فلو زاد المنتج على الخصله سيحرق فيالمكواه ويهدر الماده ويخرج ادخنه نتيجه احتراق البروتين في المكواه دونالاستفاده منه ولو نقص الماده من على الخصله ستكون الخصله بعد الغسيل فيهابعض الكسرات في الاماكن التي لم تشبع بالبروتين او الكيراتين سواء ويراعىان نبدأ الخصل من الخلف الى الأمام مع مراعاة تغطية الاطراف جيدا الخطوة الرابعه  بعد الانتهاء من توزيع البروتين على الشعر كاملا . يتم تسريح الشعر كما هوه موضح بالصوره . وخطوات عمل الشعر بهذا الشكل كالاتي يتم تقسيم الشعر من أعلى الأذن اليمنى الى الأذن اليسرى يتم تقسيم الجزء الأعلى من المنتصف ثم أخذ الجزء الاول وتسريحه في اتجاهه و أخذ النصف الاخر وتسريحه فوق الجزء الاول وفي نفس اتجاهه يتم اخذ خصل في شكل مثلثات من الخلف وتسريحها في نفس الاتجاه مع الجزء الاعلى حتى الانتهاء من الجزء الاسفل أصبح الان الشعر كله بجانب الراس وملفوف ويتم تسريح اطرافه مع وفي نفس اتجاه الاسفل من الراس الخطوة الخامسه  يتم وضع البرو كاب ( Pro - Cap ) على الشعر بحيث يكون الشعر الملفوف كله داخلها ثم تعرض لحرارة المجفف من الخلف الى الامام لتفريغ الهواء حتى تأخذ شكل الرأس وتترك على الشعر من 20 الى 30 دقيقه على حسب نوع الشعر وبعدها تنزع البرو كاب ويسرح الشعر ويترك لمده 10 دقائق . الخطوة السادسه  خطوةالسيشوار أو المجفف يتم بعد خطوة البرو كاب ويتم تقسيم الشعر ل 3 اجزاء ثم يتمتجفيف الشعر تماما 100 % وبحراره متوسطه ويتم التجفيف فقط وليس تصفيفهويمكن بالتاكيد استخدام فرشه تسريح واسعه . ملحوظه دائما وابدا الشغل فيالشعر يكون من الخلف للامام الخطوة السابعه  خطوه المكواه السيراميك أو البيبي ليس وهي أهم خطوه في عمليه البروتينأو الكيراتين عموما ودي من الخطوات الاساسيه اللي عليها بيعتمد نجاح او فشلعمليه البروتين او الكيراتين طيبايه انواع المكواي الحلوه واللي تنفع في شغل البروتين عندك نوعين منالمكاوي في المكاوي التيتانيوم والمكاوي السيراميك وانتي بتستخدمي الليبيريحك في الشغل لان الفرق بينهم مش جوهري هما تقريبا زي بعض بس اهم حاجهان حرارة المكواه متقلش عن 210 درجه مئويه . طبعا في علاج البروتين لازمحرارة المكواه متقلش عن 230 درجه مئويه او 450 فهرنهيت ودي طبعا درجهالحراره المطلوبه لتفعيل البروتين داخل الشعر وتخليه يتغلغل في الشعرويشتغل . طبعا بنفضل المكاوي التيتانيوم في الاستخدام لكن لو استخدمتيالسيراميك مفيش مشكله طريقة تطبيق خطوة المكواه وهي كالاتي : - بنقوم بوضع المكواة والانتظار حتى تصل درجه الحراره الى 230 درجه مئويه بنقوم بأخذ خصل صغيره من الشعر والبدء بتمرير المكواه عليها من 7 الى 10 مرات تقريبا يتم تمرير المكواه على كل خصله جيدا وفي ثلاث اتجاهات ( الى الأعلى - في نفس مستوى الشعر - الى الأسفل مع مراعاة لف الاطراف الى الداخل الخطوة الثامنه  بعد الانتهاء من جميع خطوات البيبي ليس بنقوم بالانتظار لمده 15 دقيقه ثم نقوم بغسل الشعر جيدا بالماء الفاتر ثم يتم غسل الشعر بشامبو العناية بعد الكيراتين او البروتين جيدا مرتين بالماء الفاتر ايضا وبعدها يوضع البلسم ويترك على الشعر 10 دقايق ثم يغسل بماء بارد والله يا بنات انا تعبت جدا عشان اجمعلكم المعلومات دي كلها واكتبها بنفسي .. اتمنى انكم تحققوا اقصى منفعه واستفاده من موضوعي ومش طالبه منكم غير دعوة حلوة بظهر الغيب والتقيم لموضوعي مواضيع قد تعجبك:
منتديات شبكة حياة - العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care | ||||||||||||||||||||||||||||
 | ||||||||||||||||||||||||||||
عاشقة الفردووس 
 جديد المواضيع في قسم العنايه بالبشره العنايه بالشعر العناية باليدين العنايه بالقدمين خلطات تبيض و تصفيه Skin Care |
| |
|
04-27-2013, 02:08 AM
| المشاركة رقم: 2 | ||||||
| كالعادة ابداع رائع وطرح يستحق المتابعة شكراً لك بانتظار الجديد القادم دمت بكل خير | ||||||
| | |||||||
|
04-27-2013, 02:11 AM
| المشاركة رقم: 3 | ||||||
| كالعادة ابداع رائع وطرح يستحق المتابعة شكراً لك بانتظار الجديد القادم دمت بكل خير | ||||||
| | |||||||
العرض العادي
