تابعي جديدنا بالفيسبوك


العودة   منتديات شبكة حياة > حياتك > المطبخ الإلكتروني مطبخ حواء وصفات طبخ

حصريا ولأول مرة المفتقة الأصلية المصرية

حصريا ولأول مرة المفتقة الأصلية المصرية [SIZE=6] دورت فى كل مكان ولقيت وصفات غريبه جدا ومش صح منها اننا نحط دقيق ع المفتقه وطبعا ده

المطبخ الإلكتروني مطبخ حواء وصفات طبخ

إضافة رد
 
أدوات الموضوع انواع عرض الموضوع
قديم 04-17-2013, 03:26 PM   المشاركة رقم: 1
الصورة الرمزية
الصورة الرمزية جورى
الكاتبة:
اللقب:
عضوة نادي الألف
عرض البوم صور جورى  
معلومات العضوة

التسجيل: 28-2-2013
العضوية: 66529
المشاركات: 1,503
بمعدل : 0.86 يوميا
معدل التقييم:

الحالة:
جورى غير متواجد حالياً

افتراضي حصريا ولأول مرة المفتقة الأصلية المصرية


[SIZE=6]دورت فى كل مكان ولقيت وصفات غريبه جدا ومش صح
منها اننا نحط دقيق ع المفتقه وطبعا ده مش صح خالص
فقعدت اسئل لغاية مالقيت الطريقه الاصليه واللى هكتبهالكم دلوقتى
بس بحلفكم بربنا كل واحد تدخل تسيب رد
اى رد حتى لو الطريقه معجبتهاش
معلش طولت عليكم شويه
هاتو ورقه وقلم
المقادير:-
5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب 10جنيه
حبه خضراء 6 جنيه
زجاجه زيت

بجنيه لبان قدحه ومسيحات


الطريقه:-

نحمص الحبة الخضرا ونطحنها
ننقع الكتيرة الضانى فى ماء ساخن صغير فى مدة لاتقل عن 6 ساعات
نغسل حبة البركة ونحمصها ونطحنها ناعم
ناخد من زجاجة الزيت كوب نقدح فيه الحبة الخضراء ونصفيه
باقى زجاجة الزيت نقدح فيه لبان القدحة والمسيحات ونصفيها منه
ونحمر فيه التحويجة(المغات)وعليه العسل وحبة البركة المطحونة وعليهم كوب الزيت اللى قدحنا فيه الحبة الخضرا
ونحط عليهم الكتيرة المنقوعة بالميه ونسبكها كويس
ونصف ليمونة نقطة نقطة او ملح ليمون بسيط جدا
قبل ماتتعقد نحط السمسم المتحمص او اى مكسرات احنا بنحبها
وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها
هى عموما منتشرة جدا عندنا فى مدينة الاسماعيلية(مصر)

دى صورة التحويجة وعلى فكرة التحويجة دى هى المغات
حصريا ولأول مرة المفتقة الأصلية المصرية 187680hayah.jpg

ودى صورة الكتيرة الضانى وهوضحلكم بعد كده ليه سموها كده
حصريا ولأول مرة المفتقة الأصلية المصرية 187681hayah.jpg
دى صورة الحبة الخضراء وهى اللى بتدى اللون الاخضر الطبيعى للمفتقة
حصريا ولأول مرة المفتقة الأصلية المصرية 187682hayah.jpg
دى صورة المسيحات ولبان القدحة
حصريا ولأول مرة المفتقة الأصلية المصرية 187683hayah.jpg
دى الحبة الخضراء بعد ماحمصناها وطحناها
حصريا ولأول مرة المفتقة الأصلية المصرية 187684hayah.jpg
دى الكتيرة الضانى بعد مانقعناها فى فنجان ميه سخنة لمدة 6
ساعات وسموها كتيرة لانها بتكتر وبتنفش فى الميه وضانى عشان لما بتنفش
بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان
علاج للمعدة
حصريا ولأول مرة المفتقة الأصلية المصرية 187685hayah.jpg
هنا واحنا بنقدح الحبة الخضراء فى الزيت وطبعا بعد كده هنصفيها
حصريا ولأول مرة المفتقة الأصلية المصرية 187686hayah.jpg
هنا واحنا بنقدح المسيحان فى الزيت وبردو هنصفيها
حصريا ولأول مرة المفتقة الأصلية المصرية 187687hayah.jpg
لما قدحنا الحبة الخضرا المطحونة صفيناها وحطيناها على جنب
ولما هنقدح لبان القدحة والمسيحات هنصفيه ونحط الزيت فى الحلة اللى هنعمل
فيها المفتقة
هنا وانا بحمر التحويجة فى الزيت اللى صفيت منه المسيحات
حصريا ولأول مرة المفتقة الأصلية المصرية 187688hayah.jpg
ولما اتحمرت شوية حطيت عليها كمية العسل اللى عندى
حصريا ولأول مرة المفتقة الأصلية المصرية 187689hayah.jpg
فضلت اقلبهم مع بعض على النار لغاية ماكل كلاكيع التحويجة اختفت وبعد كده حطيت عليهم حبة البركة المطحونة
حصريا ولأول مرة المفتقة الأصلية المصرية 187690hayah.jpg
قلبتهم مع بعض وبعدها حطيت عليهم نص كوباية الزيت اللى قدحنا فيها الحبة الخضرا وصفيناه
حصريا ولأول مرة المفتقة الأصلية المصرية 187691hayah.jpg
وقلبتهم طبعا وبعد كده حطيت عليهم الكتيرة الضانى المنقوعة
ولازم افضل اقلب لغاية ماأتأكد ان الكتيرة كلها دابت فى العسل ومفيش كلاكيع
حصريا ولأول مرة المفتقة الأصلية المصرية 187692hayah.jpg
كده احنا خلصنا الاساسيات هعصر على العسل ليمونة واسيبه يغلى على نار هادية من تلت لنصف ساعة وطبعا مش هغطى الحلة
ده والعسل بيغلى
حصريا ولأول مرة المفتقة الأصلية المصرية 187693hayah.jpg
بعد تلت ساعة والعسل بيغلى اخد شوية فى كوباية ان لقيته عمل
قشرة ومسكته لقيته ملصق فى بعضه يبقى كده المفتقة اتعقدت واقدر ساعتها
اضيفلها السمسم وطبعا لسه مشغلة النار مش هطفيها دلوقتى
ده وانا بضيف السمسم بعد مالمفتقه اتعقدت
حصريا ولأول مرة المفتقة الأصلية المصرية 187694hayah.jpg
هقلب السمسم فى المفتقة وهى ع النار
حصريا ولأول مرة المفتقة الأصلية المصرية 187695hayah.jpg
وهنا بعد ماطفيت النار
حصريا ولأول مرة المفتقة الأصلية المصرية 187696hayah.jpg
سبتها تهدا وتبرد
بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتى حباها
هنا حطيت شوية فى علبة وحطيت عليهم المكسرات
حصريا ولأول مرة المفتقة الأصلية المصرية 187697hayah.jpg
انا تعبت فى الموضوع جدا
يارب يكون عجبكم
لاتنسونى فى الدعاء


مواضيع قد تعجبك:


رد مع اقتباس
جديد المواضيع في قسم المطبخ الإلكتروني مطبخ حواء وصفات طبخ


Powered by vBulletin® Version 3.8.7
Copyright ©2000 - 2016, vBulletin Solutions, Inc.
Content Relevant URLs by vBSEO