منتديات شبكة حياة - حصريا ولأول مرة المفتقة الأصلية المصرية

[SIZE=6]دورت فى كل مكان ولقيت وصفات غريبه جدا ومش صح
منها اننا نحط دقيق ع المفتقه وطبعا ده مش صح خالص
فقعدت اسئل لغاية مالقيت الطريقه الاصليه واللى هكتبهالكم دلوقتى
بس بحلفكم بربنا كل واحد تدخل تسيب رد
اى رد حتى لو الطريقه معجبتهاش
معلش طولت عليكم شويه
هاتو ورقه وقلم
المقادير:-
5كيلو عسل اسود
ربع كيلو تحويجه
ربع كيلو سمسم
نصف كيلو جوزهند
ربع كيلو حبة البركه مطحونه
كتيره ضانى ب 10جنيه
حبه خضراء 6 جنيه
زجاجه زيت

بجنيه لبان قدحه ومسيحات

الطريقه:-

نحمص الحبة الخضرا ونطحنها
ننقع الكتيرة الضانى فى ماء ساخن صغير فى مدة لاتقل عن 6 ساعات
نغسل حبة البركة ونحمصها ونطحنها ناعم
ناخد من زجاجة الزيت كوب نقدح فيه الحبة الخضراء ونصفيه
باقى زجاجة الزيت نقدح فيه لبان القدحة والمسيحات ونصفيها منه
ونحمر فيه التحويجة(المغات)وعليه العسل وحبة البركة المطحونة وعليهم كوب الزيت اللى قدحنا فيه الحبة الخضرا
ونحط عليهم الكتيرة المنقوعة بالميه ونسبكها كويس
ونصف ليمونة نقطة نقطة او ملح ليمون بسيط جدا
قبل ماتتعقد نحط السمسم المتحمص او اى مكسرات احنا بنحبها
وعلى فكرة انا جبت كل المكونات من عند العطار ولقيت عنده نفس الطريقة اللى بعمل بيها
هى عموما منتشرة جدا عندنا فى مدينة الاسماعيلية(مصر)

دى صورة التحويجة وعلى فكرة التحويجة دى هى المغات
http://www.hayah.cc/forum/hayahimgca...87680hayah.jpg

ودى صورة الكتيرة الضانى وهوضحلكم بعد كده ليه سموها كده
http://www.hayah.cc/forum/hayahimgca...87681hayah.jpg
دى صورة الحبة الخضراء وهى اللى بتدى اللون الاخضر الطبيعى للمفتقة
http://www.hayah.cc/forum/hayahimgca...87682hayah.jpg
دى صورة المسيحات ولبان القدحة
http://www.hayah.cc/forum/hayahimgca...87683hayah.jpg
دى الحبة الخضراء بعد ماحمصناها وطحناها
http://www.hayah.cc/forum/hayahimgca...87684hayah.jpg
دى الكتيرة الضانى بعد مانقعناها فى فنجان ميه سخنة لمدة 6
ساعات وسموها كتيرة لانها بتكتر وبتنفش فى الميه وضانى عشان لما بتنفش
بتبقى عاملة زى اللية الضانى وهى اللى بتدى قوام للمفتقة وعلى فكرة هى كمان
علاج للمعدة
http://www.hayah.cc/forum/hayahimgca...87685hayah.jpg
هنا واحنا بنقدح الحبة الخضراء فى الزيت وطبعا بعد كده هنصفيها
http://www.hayah.cc/forum/hayahimgca...87686hayah.jpg
هنا واحنا بنقدح المسيحان فى الزيت وبردو هنصفيها
http://www.hayah.cc/forum/hayahimgca...87687hayah.jpg
لما قدحنا الحبة الخضرا المطحونة صفيناها وحطيناها على جنب
ولما هنقدح لبان القدحة والمسيحات هنصفيه ونحط الزيت فى الحلة اللى هنعمل
فيها المفتقة
هنا وانا بحمر التحويجة فى الزيت اللى صفيت منه المسيحات
http://www.hayah.cc/forum/hayahimgca...87688hayah.jpg
ولما اتحمرت شوية حطيت عليها كمية العسل اللى عندى
http://www.hayah.cc/forum/hayahimgca...87689hayah.jpg
فضلت اقلبهم مع بعض على النار لغاية ماكل كلاكيع التحويجة اختفت وبعد كده حطيت عليهم حبة البركة المطحونة
http://www.hayah.cc/forum/hayahimgca...87690hayah.jpg
قلبتهم مع بعض وبعدها حطيت عليهم نص كوباية الزيت اللى قدحنا فيها الحبة الخضرا وصفيناه
http://www.hayah.cc/forum/hayahimgca...87691hayah.jpg
وقلبتهم طبعا وبعد كده حطيت عليهم الكتيرة الضانى المنقوعة
ولازم افضل اقلب لغاية ماأتأكد ان الكتيرة كلها دابت فى العسل ومفيش كلاكيع
http://www.hayah.cc/forum/hayahimgca...87692hayah.jpg
كده احنا خلصنا الاساسيات هعصر على العسل ليمونة واسيبه يغلى على نار هادية من تلت لنصف ساعة وطبعا مش هغطى الحلة
ده والعسل بيغلى
http://www.hayah.cc/forum/hayahimgca...87693hayah.jpg
بعد تلت ساعة والعسل بيغلى اخد شوية فى كوباية ان لقيته عمل
قشرة ومسكته لقيته ملصق فى بعضه يبقى كده المفتقة اتعقدت واقدر ساعتها
اضيفلها السمسم وطبعا لسه مشغلة النار مش هطفيها دلوقتى
ده وانا بضيف السمسم بعد مالمفتقه اتعقدت
http://www.hayah.cc/forum/hayahimgca...87694hayah.jpg
هقلب السمسم فى المفتقة وهى ع النار
http://www.hayah.cc/forum/hayahimgca...87695hayah.jpg
وهنا بعد ماطفيت النار
http://www.hayah.cc/forum/hayahimgca...87696hayah.jpg
سبتها تهدا وتبرد
بعد كده حطتها فى برطمانات وسبت مسافة من فوق عشان احط جوز الهند وبندق مطحون او طبعا اى مكسرات انتى حباها
هنا حطيت شوية فى علبة وحطيت عليهم المكسرات
http://www.hayah.cc/forum/hayahimgca...87697hayah.jpg
انا تعبت فى الموضوع جدا
يارب يكون عجبكم
لاتنسونى فى الدعاء