غربه

[موهجه]

غربه

غربة

غربة

--------------------------------------------------------------------------------

مدخل :
نسّكت وكان الصمت يسمعنا
نبّعد عن الاحلام والاحلام ( تجّمعنا )
ما فادنا التغريب !
لي نسّتمر , ونغيب ! دام الشتا ,
يكشف ( مواجعنا ) !




كانت ملامحنا , تسولف : ظلم , اهات , وجحاف


صعبه ! أكون أنسان ما يملك لـ خطواته / قرار

لو جيت أكاابر يا زمن ! أبنّكسر وسط المطاف !



أبرّتفع والخوف - قيّدْني , بدرّب ( الانحدار ) !

ضاع الصبر , والوقت خطواته لتغّريبي , خفاف


يا حضرة الصمت , وحروّفي مالها وسطك مسار

كثير في صدري كلام , ورتب أوجاعه :- وطاف


لو كنت أبحكي ما حيى بك ورد واستاحش خضار

سكتّ , وأدري أنْ احاسيسك مع الذكرى ضعاف



من وين أببدي والسوالف كلها , ( موقد ونار )

ما جيت / أبشعل ليّلتك خوف ومسافات وخلاف


عند النهايه - أختنق قلبي , من العالم , وطااار

عند النهايه , طاحت ادموعه وكل دمعه , عفاف


وقفت , في وجه الشتا , يوم أنْ وقفاتي - كبار

تعال يا جرح السنين وقربك ال حاله ( لحاف )


تعبت , أدور عن مطر يرّوي , جذور الانتظار -

شوف الاماني من بعد ما رحت [ غرقانه جفاف ]

ضاعت خطاوينا وصرنا ننتظر يوم , أنكسار !
يا خاطر الايام ما , عندك لـ مرّكبنا ( ضفاف )

ما كنت أخاف الليل يوم أنْك لـ أحلامي نهار

والحين كل حاجه ليا مرت على بالي / أخاف


,




مخرج:
ماني , بـ خايف من الوقت , وغرابيله
هو ليه أخاف وجروحي حسّبت أخواني
اللي يخوفني ! ومن قلب : - ببكي له
أخاف من بكّره أتحبـّه , ( وتنساني )

منتديات شبكة حياة - القصائد و الشعر

[اميرة الاشواق]

جزاكم الله خير .